Soqutiginninnermik ersersitsisimasut uteqqiffigikkit
1 Atuagaq Ilisarsineq inuunermut naassaanngitsumut sammisoq saqqummersinneqarmat oqalugiartup nassuiarpaa „peqqusersuitsut ilinniartinneqassasut kajumisaarneqassallutillu Jehovamik aalajangiussinissaannik kuisinnissaannillu“. Atuagaq suliarineqarsimavoq inuit sukkanerusumik sallusuissummik ilinniartinneqarnissaannut. Ilinniartumut naatsumik immikkullu ittumik paasissutissiivoq iliuuseqalersitsinissamik anersaakkullu siumukalersitsisumik. Sallusuissut ajunngitsumik iserfigivaa eqqunngitsumik ajoqersuinerluutit iserfigivallaarnagit. Atortussatta nutaap siunertaminut atorneqarniassappat soqutiginninnermik ersersitsisimasunut uteqqinnissarput pisariaqarpoq.
2 Kingullermik innersuussutigisimagukku Biibilip najoqqutassiai inunnut tamanut iluaqutaasut, taava ima oqarsinnaavutit:
◼ „Aluu, aggeqqippunga. Pissanngatigivara atuagaq nutaaq kingullermik uanninngaanniit pisavit Biibilimik atuarusussuseqalersissimaneraatit. [Tusarnaarluarit.] Uanga nammineq pissanganartitama ilagaat Biibilimi siulittuutit. Atuakkami immikkoortoqarpoq tassunga atatillugu maluginiagassannik. Tassa Jesus Kristus pillugu siulittuutit ilaat eqquussimasut.“ Qupperneq 19-imi immikkoortumi ataaseq marlussunnilluunniit assersuutinik taasaqarit. Taava immikkoortoq 20 atuaruk „nunarsuarmi paratiisissaq pillugu siulittuutit?“ ilanngullugu. Aggeqqikkumagit Biibilip uppernartuuneranut uppernarsaaffegeqqikkumallugu.
3 Ilisarsinikkut inuuneq naassaanngitsoq pisinnaagipput eqqartoqqikkumallugu uteqqikkuit ima oqarsinnaaavutit:
◼ „Pissanngatigisimavara pulaaqqinnissat. Kingullermik eqqarsaatit soqutiginartut oqaloqatigiissutigaavut, isumaqarpunga kapitalimi innersuussutigisanni [kapitali 4-imi] immikkoortoq siulleq immikkut soqutiginartuusoq, tassani erseqqissarneqarmat qanoq pingaaruteqartigisoq Jesusip kinaaneranik eqqorluartumik ilisimasaqarnissaq. [Unikkallarit, immikkoortoq 1 atuaruk eqqarsaallu assersuutaasoq immikkoortumut 2-mut nuutillugu.] Immaqa illit aamma Jesus kinaassusia isumaqarfigivat. [Pulaakkannut tusarnaarit oqaaseqaataanullu oqaaseqarlutit. Taava immikkoortoq 3 atuaruk.] Jesus ilisarsinermut matuersaatitut assersuunneqarpoq, matuersaateqanngikkaannilu illu parnaarsimasoq sumut iluaqutaassava. [Unillatsiarit.] Taamaattumik Guutip siunertaani Jesusip qitiusumik inissisimaneranik ilisimasaqartariaqarpugut. Immikkoortuni tulliuttuni marlunni tamanna erseqqissarneqarneruvoq.“ Immikkoortut misissorsigik imaluunniit tullissaanut misissornissaat isumaqatigiissutigiuk.
4 Saqqummiussineq naatsoq atorsimagukku pulaaqqiininni ima oqarsinnaavutit:
◼ „Guutip siunertarisimanngisaannarpaa utoqqalillutalu toqunissarput. Kissaatigaa nunami paratiisiusumi naassaanngitsumik inuunissarput.“ Assiliaq quppernermi 188-189-imiittoq takutiguk. Qupperneq 184-imi immikkoortoq 11 atuaruk, nutaamillu aggeqqinnissannik isumaqatigiissuteqarfigalugu.
5 Atuagaq nutaaq atortussaraarput pingaaruteqartoq Jehovap uatsinnut tunniussimasaa ullussani kinngullerni „pilertortumik“ katersuilluni sulinermi. (Jes. 60:22) Ajunngitsumik atorutsigu allat ilisarsissummik tunisinnaavavut inuunissaannut naassaanngitsumut ikiuutigisinnaasaannik. (kmD 95/12 Vend tilbage til dem der viste interesse.)