’Tassaavoq inuuneq naassaanngitsoq’
1 Jesusip oqaasia Juánase 17:3-mi allassimasoq ilumoorullugu pisariaqarpoq. Ilumoorullugu oqarpoq — tassaasoq inuuneq naassaanngitsoq Guuti Jesusilu ilisaralugit! Kisianni imaaginnarnerluni Guutimik erneranillu ilisarsilerutta inuunermik naassaanngitsumik kinguneqassasoq? Naagga. Israelikkut nalunngilaat Jehova Guutigalugu, inooriaasiisali takutippaat ilisarsinertik malillugu inuunngitsut. Taamaattumik Guutip iluarinninnera annaavaat. (Hos. 4:1, 2, 6) Ullumikkut immaqa inuit millionilippassuit ’Guuti ilungersuutigaat, siuneqarluaratilli’. (Rûm. 10:2) Jehova ilisarisariaqarpaat, ’tassaasoq kisimi ilumut Guutiusoq’, taassumalu eqqortumik kiffartuunnissaa ilinniarlugu. Tamatumunnga atatillugu novembarimi atuagaq Ilisarsineq inuunermut naassaanngitsumut sammisoq neqeroorutigissavarput. Atuagaq ’Ilisarsineq’ qanoq saqqummiussinnaaviuk? Aajuku siunnersuutit immaqa atorsinnaasatit.
2 Allassimaffik Matîuse 7:12 oqaluussiartorninni atussallugu nuannarisimagukku, immaqa siunnersuut allanngorartillugu manna atorsinnaavat:
◼ „Maannakkut inuit oqaloqatigaakka apeqqummik inuit siunissaannut pingaaruteqartorujussuarmik: „Upperaajuk Biibilip pitsaanerusumik inuuneqalernissatsinnik ikiorsinnaagaatigut? [Unillatsiarit pulaakkallu tusarnaarlugu.] Allassimaffimmik ataasiinnarmik Jesusip qaqqami oqaluusaata ilaanik takutilaarusuppakkit tamanit malinneqarluarpat nunarsuarmik inuuffigiuminarnerulersitsisumik. [Matîuse 7:12 atuaruk, oqaatsimut uunga killiinnarlugu ’taamaapput . . . ’] Qanoq isumaqarfigaajuk? [Pulaakkat akili.] Atuakkamik nassarpunga [atuagaq takutiguk] tassani Biibili ilumut Guutip oqaaserigaa tunngaveqarluartumik saqqummiunneqarpoq. [Qupperneq 15-imi immikkoortoq 10 atuaruk 2 Timûtiuse 3:16, 17-lu oqaaseqarfigalugu.] Kapitalip sinnera atuarusukkukku atuagaq ilinnut tunissutingerusuppara. [Atuagaq pulaakkannut isaaguk.] Sapaatip-akunnera tulleq alakkaqqikkumaarpunga kapitali tamanna qanoq isumaqarfiginerit tusarniarlugu.“
3 Neriorsuisimaguit sapaatip-akunnera qaangiuppat aggeqqinniarlutit, taava aamma aggernissat pingaaruteqarpoq. Oqaloqatigiinneq ima nangissinnaavat:
◼ „Aluu. Neriorsuinittut aggeqqippunga. Kingullermik oqaloqatigiikkatta eqqartorparput Biibilip ikiorsinnaagaatigut pitsaanerusumik inuulernissatsinnik. Eqqaamaviuk? [Pulaakkat qanoq oqarnersoq tusarnaaruk.] Kingullermik qupperneq 15-imi immikkoortoq 10 eqqartullatsiarparput. [Qupperuk. Pulaakkat ajunngitsumik attaveqarfigigukku aamma aperilluaannarsinnaavat nammineq atuakkani aarusunneraa.] Maluginiarsimaviuk uani qupperneq 16-imi immikkoortoq 11-imi Jesusip qaqqami oqaluusaa? [Mohandas K. Gandhip oqaaseqaataa atuaruk.] Sooruna Jesusip qaqqami oqaluusaa taamaa maluginiarluarsimatigigaa? [Pulaakkat akili.] Kingullermik atuarparput taaneqartartoq „maleruagassaq atortuujuaannartoq“ Matîuse 7:12-imi allassimasoq. Kapitalimi tassaniittut versit 28 aamma 29 maanna atuarusuppakka. [Versit atuakkit.] Takusinnaaviuk Jesusip nalaanili ajoqersuutai sunniuteqarluarsimasut? [Immikkoortoq 12 pulaakkannut eqqartoruk, immikkoortullu tullianut ingerlaqqinnissaanut piareerlutit.]“
4 Amerlanerit inuuneq naassaanngitsoq takorlooruminaatsimmassuk immaqa manna soqutiginnilersitsisinnaavoq:
◼ „Aluu, ajunngila akornusiilaaruma?“ Pulaakkat oqarpat apeqqutaasoq suna pineqarnersoq ima ingerlaqqissinnaavutit: „qujanartumik ajunngitsoq pineqarpoq“ [Unillatsiarit] Nunarsuarmi eqqissilluni uani assilissami takusinnaasattut inuusinnaaneq pillugu oqaloqatiginnippugut. [Qupperneq 4-mi 5-imilu assiliaq takutiguk.] Tamanna nuannerunartinngiliuk? [Pulaakkat akili. Taava qupperneq 5-imi oqaatsit qeqqaniittut atuakkit. Imaqarnerata allattorsimaffiat innersuussutigiuk.] Taakkunani arlaannik soqutiginartitaqarpit? [Pingaaruteqarpoq unillatsiartarnissaq pulaakkap imaqarnerata allattorsimaffiat atuarnissaanut piffissaqartikkumallugu. Pulaakkap eqqartorneqartut ilaannik soqutiginartitaqarpat taanna sammineqassaaq. Taama pinngippat illit nammineq kapitali nuannarisat innersuussutigisinnaavat.] Atuagaq atuarusukkukku tunissutigerusuppara. [Pulaakkat akili.] Atuakkavit qanoq isumaqarfiginerinut tusarnissara qilanaarivara.
5 Pulaaqqiiguit oqaloqatigiinneq nangillugu ima oqarsinnaavutit:
◼ „Aluu, aggeqqippunga. [Pulaakkat oqaaseqarli.] Eqqarsaatigillattaarsimavakkit, tassunga atatillugu ilinnut takutitaqalaarusuppunga. Kingullermik atuakkap pisimasavit qanoq sananeqarsimaneranut attuumassuteqarpoq. [Pulaakkat immikkut ittumik apeqquteqanngippat qupperneq 9 quppersinnaavat immikkoortorlu 11 takutillugu. Pulaakkavittaaq nammineq atuakkani aasinnaavaa.] Naluara malugisimanerit quppernerni tamani immikkoortunut atuakkatsinnut apeqquteqarmat. [Pulaakkat akissuteqarnissaanut piffissaqartiguk.] Qanoq atortarneripput assersuummik takutilaarlakkit. [Immikkoortoq 11-mut apeqqutaa atuaruk, immikkoortorlu sammillugu. Eqqartuinersi immikkoortoq 16-ip tungaanut ingerlatiguk pulaarnerillu naggaserlugu.] Qujanaq. Oqaloqatigiinnerput nuanneraluaannarpoq, ajorinngikkukku ulloq alla pulaaqqissinnaavakkit. [Sapaatip-akunnera qaangiuppat ulloq taanna aggeqqigit, pulaakkannullu sungiussitinniarlugu sapaatip-akunneri tamaasa aalajangersimasukkut aggertarnissat.]“
6 Atuaqqissaaqateqalerniaraanni toqqaannartumik saqqummiussinissaq atoruminarnerugajuppoq. Aana siunnersuut ’Ræsonnerebog’-imi qupperneq 12-imiit tigusaq aallarniutaasinnaasoq:
◼ „Pulaarpunga angerlarsimaffimmi Biibilimik atuaqqissaarnissamik akeqanngitsumik neqeroorfigiumallutit. Soqutinartissaviuk? [Pulaakkat akili.] Naatsunnguamik takutilaarusuppakkit inuit nunani 200-nit amerlanerusuni Biibilip imarisai angerlarsimaffimmini qanoq eqqartortaraat. Uani atuakkami kapitalit arlaat eqqartuinissatsinnut tunngavigisinnaavarput. [Atuagaq saqqummeruk pulaakkannut imaqarnerata allattorsimaffiat takutiguk.] Allaatigisat arlaannik soqutiginartitaqarpit? [Pulaakkat kapitalimik toqqaanissaanik piffissaqartiguk. Pulaakkat siunnersuutissaqanngippat taava illit kapitali nuannarisat toqqarsinnaavat. Kapitali quppersinnaavat immikkoortorlu siulleq aallartiinnarlugu.]
7 Periaaseq toqqaannartoq alla aamma misilissinnaasat aajuna:
◼ „Inuit Biibilimik atuaqatigisarpakka, suli ilinniartussanik nutaanik tigusinissannut piffissaqarpunga. Akeqanngilaq, una biibililersaarut tunngavittut atortarpara. [Atuagaq ’Ilisarsineq’ takutiguk.] Pikkorissarneq qaammatialunnguani pisarpoq apeqqutillu soorlu makkuusut akineqarput: Sooq Guutip ajussuseq atuutitippaa, sooq utoqqalillutalu toqusarpugut, toqugaangatta qanoq pisoqartarpa aammalu qanoq Guutimut qanittumik attaveqarneq anguneqarsinnaava. Naatsunnguamik qanoq atortarneripput takutilaarusuppakkit? [Periaatsimik takutitsigit.] Soqutiginartissinnaassaviuk?“ [Neqeroorut akuerineqanngippat pulaakkat aperisinnaavat nammineq atuagaq ’Ilisarsineq’ atuarusunneraa. Atuarumallugu neriorsuippat tunisinnaavat.]
8 Jehovamik Jesus Kristusimillu eqqorluartumik ilisarsineq piginnilersunut erlinnartuutaavoq naleqaqisoq. Aammattaaq pissutsini naammalluinnartuni naassaanngitsumik inuunissamik nassataqarpoq. Taamaattumik novembarimi periarfissat suulluunniit atorluarniartigik allat inuunermik tunisisumik ilisarsinermik avitseqatigiumallugit.