1996-mi Teokratiimik Ilinniarfik iluaqutissarsiffigiuk — Ilanngutassiaq siulleq
1 Maluginiarsimavigit ’1996-imi Teokratiimi Ilinniarfimmi Atuagassat’ ilaat allannguuteqarmata? Januaarimiit apriilimut pisassat nr. 3 ’Ræsonnerebog’-imit tiguneqassapput, maajimiillu decembarimut atuagaq nutaaq ’Ilisarsineq’ sammineqassalluni. Oqalugiaammi nr. 4-imi sapaatit-akunneri tamaasa Biibilimi inuttaasut ilaat eqqartorneqartassaaq.
2 Ilinniartunut pisassat: Pisassat nr. 3-at arnamut pisassissutigineqartassaaq. Pisassaq ’Ræsonnerebog’-imiit tiguneqarsimappat illumiit illumut angalaarnertut periarfissarluunniit iluatsillugu nalunaajaanertut suliarineqartariaqarpoq. Pisassaq atuakkamit nutaamit ’Ilisarsineq’-miit tigusaappat, pulaaqqiinertut atuaqqissaaqateqarnertulluunniit suliarineqartariaqarpoq. ’Ilisarsineq’ iluaqutigissaqaarput pingaartumik atuaqqissaaqateqarnitsinni atortartussaagatsigu.
3 Pulaagaq atuaqqissaaqateqarnertut sananeqassappat tamarmik issiasinnaapput. Ingerlaannaq aallartinneqassaaq naatsunnguamik aallarniilaariarluni, taava apeqqutai allanneqarsimasut atuarneqassapput. Pulaarneqartoq ’piviusorsiorpaluttumik’ iliuuseqassaaq. Piffissaq apeqqutaatillugu allassimaffinnik pineqartunik atuartoqartassaaq. Qatanngutip arnap ajoqersuineq pingaarnerpaatittariaqarpaa pulaakkaminut apeqquteqartarnermigut tunngaveqartumilluunniit eqqarsartitsiniarluni allassimaffiit pineqartut atornerisigut.
4 Taavami minuttit tallimat iluanni allassimaffiit innersuussutigineqarsimasut angumeqqussinnaanngippata qanoq iliortoqarsinnaava? Pineqartumut allassimaffiit pingaarnerusut kisiisa atuarneqarsinnaapput. Pisassami allassimaffiit amerlavallaanngitsut atorneqarpata pisassaq pingaarnersiorneqarsinnaavoq. Ilaannikkut atuakkamit immikkoortumit oqaaseqatigiinnilluunniit atuartoqarsinnaavoq pulaakkamullu atuarsimasat oqaloqatigiissutigalugit.
5 Atuakkami kapitalimi immikkoortut kingulliit tunngavigalugit pisassaqartup aamma ungalusaq „Suna ilikkarpiuk“ naatsumik sammisinnaavaa. Pisassami ungalusamiittut paasissutissat allat aamma ilanngunneqarsinnaapput, piffissaq apeqqutaatillugu. Ungalusaq pisassat marluk akornanniippat qatanngummut arnamut siulliullugu pisassinneqarsimasumut sammitinneqarsinnaavoq. Atuakkami assilissat pisassamut tulluartut sukkulluunniit oqaaseqarfigineqarsinnaapput.
6 Pisassat nr. 4-at soqutiginartuusariaqarpoq saqqummiussinertullu atoriaannaasussatut saqqummiunneqassalluni. Sapaatit-akunneri tamaasa Biibilimi inuttaasut ilaat eqqartorneqartassaaq. Peqqissaartumik inuk pineqartoq Hjælp til forståelse af Bibelen-imi atuaqqissaarneqartassaaq. Oqalugiaat qulequtaq tunngavigalugu suliarineqassaaq tusarnaartullu inummut pineqartumut malinnaalluassutigisassaannik allassimaffinnik pingaarnerusunik toqqaasarit, kinaassusianittaaq ilaatigut, pissusii sanngiiffiilu malissallugit kissaatiginngisavut ingalassimaniarfissavulluunniit. Allassimaffiit inummut tassunga toqqaannartumik tunngassuteqanngitsut ilanngunneqarsinnaapput takutinneqarpat Jehovap pissutsit ajunngitsut ajortullu qanoq isigigai takutinneqarpat, oqalugiaatilluunniit qulequtaanut naleqquppata.
7 Teokratiimi Atuarfimmi ilinniartitsissutigineqartut tamaasa atorluarutsigik, pitsaanerusumik ’oqaatsimik oqaluussissutiginnissinnaavugut’ ajunngitsumik ’ajoqersuinermik’ nassataqartumik. — 2 Tim. 4:2. (kmD 96/01 Få gavn af Den Teokratiske Skole . . .)