Juunimi oqaluussinermut tunngasumik ataatsimiinnerit
MALUGIUK: Ilanngutassiat Naalagaaffimmik Kiffartuuteqarnermeersut-mi aasaq naallugu sapaatip-akunneri tamaasa saqqummiussassaqartassaaq. Ilagiit ataasiakkaat namminneq allannguutit pisariaqartut isumagissavaat. Ilagiit ataatsimeersuareerpata (kingullermik) sapaatip-akunnerani tulliuttumi oqaluussinermut tunngasumik ataatsimiinnermi akunnerup affaa atorlugu ataatsimeersuarnermi eqqartorneqarsimasut uteqqiiffigisinnaavaat.
Sapaatip-akunnera 3. juunimiit
Erinarsuut nr. 181
10 min. Nalunaarutit Ilanngutassiat Naalagaaffimmik Kiffartuuteqarnermeersut-niillu nalunaarutit toqqakkat. Oqaluussisartoq oqaluussinermini misigisaanik oqaluttuartiguk.
15 min. „Uppissusiisigut malissigik.“ Apeqqutit akissutillu. Vagttårnet-imi 15. septembarimoortumi 1991 qupperneq 13-imi ungalusami allaaserineqartut uppernermut ersiutit ilaannik eqqartugaqarit. Oqaluussisartut ataaseq marlulluunniit apersukkit, oqaluttuartikkillu ukiuni taama amerlatigisuni kiffartortuaannarsimanerannut suna iluaqutaasimanersoq.
20 min. „Ilisarsineq inuunermut naassaanngitsumut sammisoq siaruarterparput.“ (Immikkoortoq 1-3) Immikkoortoq 1 misissoruk. (Vagttårnet-mit 15. januaarimoortumit 1996, qupperneq 12 aamma 13-imi, immikkoortoq 11 aamma 12-imi eqqarsaatit ilaannik ilanngussaqarit.) Nassuiaruk Naalagaaffimmik kiffartuuteqarnermeersut-ni quppernerup kingulliup nutaamik ilusilernerata qanoq ikiorsinnaagaatigut siullermeersumik pulaakkatta pitsaanerusumik malittarinissaanut. Amerlanertigut ulloq ataaseq marlulluunniit qaangiukkaangata pulaaqqiisarneq kinguneqarluartarpoq, piffissamik sivisunerusumik utaqqinerminngaanniit, taamaattumik siunnersuutit pulaaqqaanermi pulaaqqiinermilu oqalussinermut tunngasumik ataatsimiinnermi ataatsikkut sammineqartalissapput. Naatsumik immikkoortoq 2 aamma 3 sammikkit, saqqummiussinerillu marluk takutillugit. Saqqummiussinerit tulliuttut oqaluussinermut tunngasumik ataatsimiinnerni tulliuttuni marlunni sammineqassapput.
Erinarsuut nr. 143 naggataarutaasumillu qinnut.
Sapaatip-akunnera 10. juunimiit
Erinarsuut nr. 63
7 min. Nalunaarutit naatsorsuutinillu nalunaarutit. Eqqaasitsissutigiuk unnummut ilagiit tunissutinik nakkaatitsiviannut nakkartinneqartut Europap kangiani sulinermut tapersiissutitut nassiunneqassasut.
8 min. Oqaluussinissamik meeqqat ilinniartillik. Utoqqaanertap oqalugiaataa. Meeqqat mikineriniilli ilagaluta oqaluusseqatigisariaqarpaatigut. Inersimalernerulerunik ajoqersorneqarnertik misilittakkatillu uppernerannut ilungersuussinerannullu aalajaatsumik tunngaviliilluassapput. Pingaaruteqarpoq paasissagaat kiffartuussineq ilumooruttariaqartoq pissuserissaarnissarlu pisariaqartoq. Meeqqat piumasaarsortuussanngillat; oqaluussigaangatta pinnguarnissamut piffissaaneq ajorpoq. Pitsaanerussaaq inersimasut ingerlaqatigigunikkik. Piginnaaneri naapertorlugit saqqummiusseriaatsinik ilinniartinneqartariaqarput. (Takuuk Vagttårnet 1. augustimeersoq 1988, qupperneq 15, immikkoortoq 20.) Angajoqqaat nakkutiginissaat akisussaaffigaat; inersimasumik isumagineqartinnagit katersuuttunukartiinnarneqartariaqanngillat. Eqqaamajuk meeqqat iliuusiinut nersualaarisarnissat.
10 min. „Ilisarsineq inuunermut naassaanngitsumut sammisoq siaruarterparput.“ (Immikkoortoq 4 aamma 5) Naatsumik aallarneeriarluni pulaarnissamik pulaaqqiinissamillu saqqummiussinerit immikkoortoq 4-5-imiittut takutinneqassapput. Oqaluussisartut kajumissaakkit atuakkamik ’Ilisarsineq’-mik tunniussiffigisimasaminnut pilertortumik aggeqqinnissaat.
20 min: „Atuagaq ’Ilisarsineq’ ikiortigalugu qanoq ajoqersuganngortitsisoqarsinnaasoq.“ Naatsumik oqaaseqarlutit aallarniigit immikkoortut 1-2-imiittut tunngavilersuutigalugit. Immikkoortoq 3-miit 11-mut apeqqutit akissutillu atorlugit sammineqassapput. Eqqaasitsissutigiuk ilanngutassiap sinnera aggustimi sammineqarumaartoq. Ilanngutassiap toqqornissaanik tamaasa eqqaasikkit.
Erinarsuut nr. 92 naggataarutaasumillu qinnut.
Sapaatip-akunnera 17. juunimiit
Erinarsuut nr. 157
10 min. Nalunaarutit. Apeqquteqartarfik.
15 min. „Inussiarnersumik oqalunnikkut uummatit anguneqarsinnaasut.“ Apeqqutit akissutillu. Oqaluussisartut ataaseq marlulluunniit misigisanik qiimmassaataasunik oqaluttuartikkit inussiarnisaarneq pissutaalluni kinguneqarluarsimasumik.
20 min. „Ilisarsineq inuunermut naassaanngitsumut sammisoq siaruarterparput.“ (Immikkoortoq 6 aamma 7) Erseqqissaruk pulaaqqiigaangatta siunertarisaripput soqutiginnilersitsinissaq, atuaqqissaaqateqartalernissaq aggeqqinnissamillu isumaqatigiissuteqarnissaq. Naatsumik saqqummiussinerit immikkoortut 6-7-imiittut sammineqareerpata, takutinneqassapput, taamaalilluni takuneqarniassammat qanoq ililluni atuaqqissaaqateqartoqalersinnaasoq. Vagttårnet-imi 15. januaarimoortumi 1996 qupperneq 13-14-imilu immiikkoortoq 17 atuaruk.
Erinarsuut nr. 211 naggataarutaasumillu qinnut.
Sapaatip-akunnera 24. juunimiit
Erinarsuut nr. 6
10 min. Nalunaarutit. Oqaluussisartut ataaseq marlulluunniit kiffartuussinermi misigisanik oqaluttuartikkit. Ungalusamiittoq „Immikkut ittumik suliniarneq“-mi paasissutissat sammikkit.
15 min. Sumiiffigisami pisariaqartut. (Imaluunniit ilanngutassiaq „’Oqaaseq sallusuissutip pia eqqortumik atoruk’“, Napasuliaq Alapernaarsuiffik 1. januaarimoortoq 1996, qupperneq 29-31 oqalugiaatigineqassaaq.)
20 min. „Suleqataaqqilersinniarlugit ikiukkit.“ Utoqqaanertamik aqunneqarluni oqalugiaat eqqartuinerlu. Vagttårnet-imi 1. augustimoortoq 1992, ilanngutassiaq „Vend tilbage til mig, så vil jeg vende tilbage til jer“ pingaarnersat sammikkit, oqaluussisartullu kajummissaakkit unittoorsimasut qiimmassarniarlugit ilanngutassiaq atoqqullugu.
Erinarsuut nr. 71 naggataarutaasumillu qinnut. (kmD 6/96 Tjenestemøderne . . .)