Inussiarnersumik oqaloqatigiinnikkut uummatit anguneqarsinnaapput
1 Oqaloqatigiinneq ima nassuarneqarsinnaavoq „eqqarsaatinik oqaloqatigiissuteqarneq“. Inussiarnersumik allat soqutigisaannik oqaloqatigiinnermik aallarniigutta soqutiginnilersitsisinnaavugut, taamaalillutalu Naalagaaffiup tusarliussaanik uummataasa anguneqarnissaannut ikiussavaatigut. Misilittakkat takutippaat inuit inussiarnersumik eqqissisimasumillu oqaloqatigiinnermut peqataatittarneri oqalugiarfigineraninngarniit pitsaanerusujussuusoq.
2 Inussiarnersumik oqaloqatigiinneq qanoq aallarnerneqarsinnaava: Allanik oqaloqatiginninniaraanni pisariaqanngilaq allassimaffippassuarnik eqqartuinissaq. Taassuma uatsinnut oqaloqatiginninnissaa taamaallaat tassani pineqarpoq. Assersuutigalugu eqqaamiutsinnik oqaloqatiginnikkaagatta amerlanertigut naliginnaasumik tamanna pisarpoq. Eqqarsaatigiuaannarneq ajorparput qanoq oqarnissarput, eqqaamiuttali oqaasiinut pissusissamisoortumik qisuariartarpugut. Oqaasiinut soqutiginninnivimmik ersersitsigaangatta qularnanngilaq oqaloqatigiinneq ingerlatiinnarusuttassagaa. Aammattaaq angalaartarfitsinni oqaluussigaangatta taamaattariaqarpoq.
3 Oqaluuserineqarsinnaasut soorlu pinerlunniarneq, inuusuttut ajornartorsiutaat, apeqqutit sumiiffimmut tunngasut, silarsuarmi pissutsit imaluunniit allaat sila pillugu inussiarnersumik oqaloqatingiinnermut aallarniutaalluarsinnaapput. Oqaluuserineqarsinnaasut oqaloqatigisatsinnut toqqartumik attuumassuteqartut soqutiginnilersitsinerusarput. Oqaloqatigiinneq aallartereerpat eqqissisimasumik Naalagaaffiup tusarliussaanut sangutikkiartuaarsinnaavarput.
4 Oqaloqatigiinneq eqqissisimasuunissaa isumaqanngilaq piareersarsimassanngitsugut. Akerlianilli. Pisariaqanngilarli aalajangersimasumik imaqarniliamik oqalugiaammilluunniit piareersimatitsinissarput; akerlianik eqaatsumik periaaseqartariaqarpuvut taamaalilluta pissutsinut naleqqussarsinnaaqqulluta. (Naleqqiuguk 1 Korintumiut 9:20-23.) Piareersarluarsimaneq unaassinnaavoq Biibilimut tunngasunik oqaluuserissanik ataatsimik marlunnilluunniit toqqagaqarneq, taakkua tunngavigalugit oqaloqatigiinnissaq siunertaralugu. ’Ræsonnerebogi’ tamatumunnga ikiuutaasinnaavoq.
5 Inussiarnersumik oqaloqatigiinnissamut pissutsit pisariaqartut: Allat oqaloqatigigaangatsigik asannittuusariaqarpugut ilumoortuusariaqarlutalu. Qugujunnerup nuannaarpalunnerullu pissutsit taakkua ersersissavai. Pitsaanerpaamik tusarliussassaqarpugut; tamanna eqqortumik isumalinnut orniginartuussaaq. Soqutiginninnerput nutaarsiassamik nuannersumik avitseqatiginissaat ilumoorluni kissaammik aallaaveqartoq malugigunikku, immaqa tusarnaarnissaminnut kajumissinerussapput. — 2 Kor. 2:17.
6 Oqaloqatigiinnermut peqataaneq nuannersuusariaqarpoq. Taamaattumik Naalagaaffiup tusarliussai saqqummiukkaangatsigik inussiarnersuusariaqarpugut periaaserillutalu. (Gal. 5:22; Kul. 4:6) Oqaloqatigisat ajunngitsumik misigisaqartiguk. Imaassinnaavoq tullianik oqaluussisartut oqaloqatigerusunnerussagai.
7 Inussiarnersumik oqaloqatigiinnermik aallarniineq paasiuminaatsumik oqalugiaateqarsinnaanermut attuumassuteqanngilaq. Oqaloqatigiissutigineqarsinnaasumik oqaloqatigisamut pingaarutilimmik soqutiginnilersitsinissaq kisimi pineqarpoq. Piareersarluarsimagaangatta inunnik inussiarnersumik oqaloqatiginnissinnaassaagut. Taamaattumik naapitatta uummataat angujumallugit nutaarsiassamik nuannersumik tamanik pitsaanerpaamik avitseqatigiumallugit noqqaassuteqarniarta, Naalagaaffiup ataani naassaanngitsumik pilluaqqussutissat pillugit nutaarsiassamik. — 2 Pît. 3:13. (kmD 6/96 Med venlige samtaler . . .)