Septembarimi oqaluussinermut tunngamik ataatsimiinnerit
Sapaatip-akunnera 2. septembarimiit
Erinarsuut 98
10 min: Nalunaarutit Naalagaaffimmik Kiffartuuteqarneq-miillu nalunaarutit. Tamaasa, igammik atuakkamik atuaqqissaarnermi aqutsisut, kajumissaakkit ilanngutassiaq „Atuakkamik Inuk inuit inuusimasut pingaarnersaat-nik atuaqqissaarneq“ misissoqqeqqullugu, Naalagaaffimmik Kiffartuuteqarneq-miit septembari 1992-imoortumi. Ilanngutassiami pingaarnersat erseqqissakkit.
15 min: „Upperluta saqisariaqarpugut.” Apeqqutit akissutillu.
10 min: „Nutaarsiassaq nuannersoq ajunngitsumik isumaqarluta saqqummiupparput.“ Siunnersuutigineqartut pingaarnersat naatsumik saqqummiukkit, oqaluussisartullu marluk saqqummiussassanik takutitsissapput.
10 min: Pisassaq manna oqaluussinermut tunngasunik nakkutilliisup sammissavaa, ilagiit oktobarimi suliniarnissaannut pilersaarutit saqqummiutissallugit qiimasumillu immikkut suliniuteqarnissamut kajumissaarissalluni. Tamaasalu kajumissaakkit ulloq immikkut kiffartuussiffissami aqqusinermi angalaarnissamut peqataaqqullugit. Ilagiit qanoq anguniagaqarpat? Oqaluussisartut tamarmik peqataanissaat. Atuagassianik agguaassinissaq. Pulaaqqiinermi atuagaq ’Ilisarsineq’ atorlugu atuaqqissaaqateqalerniarneq. Naggataatigut eqqaajuk oktobarimi manna tikillugu qassit ikiorti-pioneeriunissamut nalunaarsimanersut.
Erinarsuut nr. 48 naggataatigullu qinnut.
Sapaatip akunnera 9. septembarimiit
Erinasuut 18
12 min: Nalunaarutit naatsorsuutinillu nalunaarutit. Ilanngutassiaq „Naalagaaffik oqaluussissutigiuk“ sammineqassaaq. Qatanngutit tunisiumatunerat nersoruk. Unnummut ilagiit tunissutinut nakkaatitsiviannut tunniunneqartut Europap kangiani suliniuteqarnermut tapersiissutitut tunniunneqassasut eqqaajuk.
18 min: Ilagiit ukiumut 1996-mut nalunaarusiaat sammiuk. Ineriartornartumik qiimasumillu kiffartuussinermut nakkutilliisup oqalugiaataa. (Takuuk Organiserit til at fuldføre vor tjeneste, qupperneq 97-98.) Ilagiit suliniutigisimasaat aalajangersimasut pillugit nersukkit. Takutiguk qanoq pioneerit ikiorti-pioneerillu ilagiinni oqaluussinermi siuarsaaqataalluarsimasut. Ilagiit ataatsimiinnerini peqataasarnermi kisitsisit eqqaakkit, erseqqissarullu aalajangersimasumik ataatsimiinnernut najuuttarnerup pingaaruteqassusia. Ilagiit ukioq kiffartuussiffissami ornikkatsinni anguniagassaasa ilaannik piviusorsiortunik taasaqarit.
15 min: „Peqatigiiffiup videofilmiutai pingaartippigit?“ Apeqqutit akissutillu. Oqaluussisartut ataaseq marlulluunniit videofilmit kiffartuussinermi atorlugit oqaluussisimasut apersukkit. Piareersarluagaassaaq.
Erinarsuut nr. 123 naggataatigullu qinnut.
Sapaatip-akunnera 16. septembarimiit
Erinarsuut nr. 10
15 min: Nalunaarutit. Nutaat peqatigiiffimmut siulersorniarlugit videofilmip Jehovas Vidner og deres organisation-p atorneranik misilittakkat oqaluttuarikkit. Misilittakkat ataaseq marlulluunniit Vagttårnet-imi 1. oktobari 1992-moortumi qupperneq 30-31-miittut naatsumik oqaluttuarikkit.
15 min: „Oqaatsikkut ileqqukkullu maligassaaniarit.“ Apeqqutit akissutillu.
15 min: Kristumiup atuarfimmi ileqqui. Ataataasup ernini paniniluunniit atuarfimmi nakkarfigineqarsinnaasut pillugit oqaloqatigaa, erseqqissarlugulu ikinngutit ajortut mianersorfigineqartariaqartut sammisassallu nalorninartut ingalassimaniaqqullugit. Atuagassiaaqqami ’Undervisningsbrochuren’ ungalusaq qupperneq 24-imiittoq sammissavaa nassuiarlugulu Jehovap nalunaajaasuatut maligassiuilluarnissaq pisariaqartoq. Eqqaassavaalu ikiaroornartunik atuisumik peeraqarnermik, silamiut festernerinut ilaanermik imaluunniit timersornikkut unamminernik ussernartoqarsinnaanera; pissutsit taamaattut takkukkaangata qanoq iliuuseqarfigineqarsinnaanersut eqqartussavaat. Ataataasup ernini paniniluunniit ajornartorsiuteqalerpat nangaassuteqaqqunagu imminut ornigunnissaanut kajumissaassavaa — suungaluarpalluunniit paaserusuttorujussuuaa, ikiuinissaminullu piareersimalluni.
Erinarsuut nr. 32 naggataatigullu qinnut.
Sapaatip-akunnera 23. septembarimiit
Erinarsuut nr. 21
10 min: Nalunaarutit. Oktobarimi ikiorti-pioneeriunissamut qassit nalunaarsimanersut eqqaakkit.
15 min: Ilagiit iluanni pisariaqartitat. Oqalugiaalluunniit ilanngutassiami „Pissutsit ungataannut isigigit!“ Napasuliaq Alapernaarsuiffik-imiit 1. marsi 1996-moortumi, qupperneq 25-27-imi
20 min: „Sumiluunniit nutaarsiassaq nuannersoq oqaluussissutigiuk.“ Apeqqutit akissutillu. Immikkoortoq 1-15-mut isumaa kisiat eqqartoruk. Immikkoortoq 3 aamma 5-i atuarneqassapput. Ilagiit iluanni aqqusinermi angalaarnermi imaluunniit angallaviusuni misigisat kinguneqarluarsimasut ilaannik ilanngussaqarit.
Erinarsuut nr. 215 naggataatigullu qinnut.
Sapaatip-akunnera 30. septembarimiit
Erinarsuut nr. 171
12 min: Nalunaarutit. Apeqquteqartarfik sammineqassaaq. Ullormi immikkut oqaluussiffissami ilagiit pilersaarutaat sammineqassapput, periarfissaqartullu tamaasa kajumissaakkit aqqusinermi angalaarnermut peqataaqqullugit. Ilagiinni kiffartuutillit siulliullutik maligassiuisariaqarput, aamma oqaluusseriaatsimi tamatumani.
20 min: „Sumiluunniit nutaarsiassaq nuannersoq oqaluussissutigiuk.“ Immikkoortoq 16-35-mut apeqqutinik akissutinillu sammineqassaaq. Sumiiffigisamilu siunnersuutit qanoq atorneqarsinnaanersut takutiguk. Immikkoortoq 23-25-lu saqqummiunneqassapput. Immikkoortoq 34 aamma 35 atuarneqassapput.
13 min: Oktobarimi neqeroorutissat. Ingammik Napasuliaq Alapernaarsuiffik Iteritsi!-lu neqeroorutigissavavut. Pineqartussat makkua sammmikkit: (1) Atuagassiat siunertaat soorlu quppernerni siullerni nassuiarneqartoq. (2) Oqaatsinik amerlasuunik saqqummersarput taamaalillutik ilisarsineq Biibiliminngaanneersoq nunarsuaq tamakkerlugu paasineqarsinnaasunngorlugu. (3) Napasuliaq Alapernaarsuiffik nammineq atuaqqissaarnermi atugassaqqissuuvoq, aammattaarli ilaqutariittut — gruppemiluunniit atuaqqissaarutissatut. (4) Inuit upperisarsiornernit assigiinngitsuneersut atuartarpaat. (5) Atuagassiaativut akuttunngitsumik atuarusuttunut agguaakkusuppavut. (6) Inunnut ulapittunut atuagassaqqissuupput. (7) Napasuliaq Alapernaarsuiffik 1879-imi saqqummersinneqartalerpoq; Iteritsi! 1919-mi. (8) Akilersinneq ajorpavut. (Takuuk Napasuliaq Alapernaarsuiffik, qupperneq 2; Iteritsi!, qupperneq 4.) Qiimasumik atuartartut oqaaseqaataanit naggasiigit. — Takuuk Vagttårnet 15. apriili 1986-moortumi, qupperneq 32.
Erinarsuut nr. 3 naggataatigullu qinnut. (kmD 9/96 Tjenestemøderne i september)