Naalagaaffik oqaluussissutigiuk
1 Eprîarit 10:23-mi kajumissaarneqarpugut neriugisarput ’aalajangioqqullugu qularnaatsumik nassuerutigalugu’. Neriugisarpullu tamanit pingaarneq tassa Guutip naalagaaffia. Jesusip peqqussutigaa Naalagaaffimmik nutaarsiassaq nuannersoq inuiannut tamanut oqaluussissutigineqassasoq. (Mák. 13:10) Kiffartuussinermut peqataagaangatta tamanna nakkutigeqqissaartariaqarparput.
2 Inuit attaveqarfigigaangatsigik soqutigisinnaasaannik imaluunniit ernumassutigisaannik oqaloqatiginiartarpavut. Amerlanertigut taakkua nalunngeriigaat eqqaasarpavut, soorlu pinerlunniarneq, inuusuttut ajornartorsiutaat, ulluinnarni aningaasatigut pissutsit imaluunniit silarsuarmi ajornartorsiutit. Amerlanersatta makku, ’inuunerup matuma piinik isumakulunnerit’ eqqarsaatigisarpaat, soqutiginninnermillu paasinninnermillu ersersitsivigigaangatsigik tamatigungajak isumaliuutigisartakkatik ersersittarpaat. (Lúk. 21:34) Neriugisatsinnik oqaluttuunnissaannik tamatuma immaqa aqqutissiorsinnaavaatigut.
3 Taamaannerani oqaloqatigiinnermi nikallornartuinnarnik eqqartuinissamut mianersuutigisariaqarparput, taamaalilluta pulaarnitta siunertaa pinngitsoortillugu, tassa Naalagaaffimmik tusarliussaq oqaluussissutigissagatsigu. Naak pakatsinartorpassuit innersuussutigalugit uparuartuussisaraluarluta, Naalagaaffimmik, inuiaat ajornartorsiutaannik tamanik aaqqiisussamik, tikkuussinissarput anguniagaraarput. Nuanningaartumik neriugisaqarpugut inuit tusassallugu atorfissaqartilluagaannik. Oqaloqatigiinnermut aallaqqaasiinerit tunngaviusinnaasut ilaat tassaasinnaapput ’ullussat kingulliit qaangerniarneri ajornartut’, ernerlutali tusarliussatta pingaarnersaanut saattariaqarpugut — tassa ’iivanngkiiliu ittuinnartoq’. Taamaalilluta kiffartuussinerput naammassissavarput. — 2 Tim. 3:1; 4:5; sar. 14:6. (kmD 9/96 Forkynd Riget)