Apriilimi oqaluussinermut tunngasumik ataatsimiinnerit
Sapaatip-akunnera 7. apriilimiit
Erinarsuut nr. 100
12 min: Nalunaarutit, ilaatigut Naalagaaffimmut Kiffartorneq-meersut. Ulloq immikkut oqaluussiniarfik qanoq ingerlasimava? Qassit aqqusinermi oqaluussisimappat? Qassit oqaluussiartorsimappat? Oqaluussisartoq ataaseq marlulluunniit ullormi immikkut oqaluussiniarfimmi misigisaannik oqaluttuartikkit. Ajornanngippat misigisat ilaat aqqusinermi oqaluussinermeersuussaaq. Atuagassiani nutaani soqutiginartut ilaannik erseqqissaagit.
15 min: „Amerlasuut ilanngupput.“ Apeqqutit akissutillu. Siunnersuutigineqartut pingaarutillit Napasuliaq Alapernaasuiffik-mi 1. septembari 1993-imoortumi quppernerit 14-20-imiittunik eqqaasikkit.
18 min: „Paasisakitsut siuneqalersikkit.“ Apeqqutit akissutillu. Atuagassiaaqqap Guutip sumik piumaffigaatigut? ilisarnaataanik eqqaasaqarit: Paasiuminartumik atuaqqissaarutigineqarsinnaanera, ingammik ullumikkut apeqqutaasartut sammineqarnerat, assiliartaasa kajumissaarutaanerat allassimaffippassuillu innersuussutigineqarsimanerat. Erseqqissaruk atuagassiaaqqamik atuaqqissaaqateqalernissaq siunertarineqarmat tamanna pereerpat atuakkamut ’Ilisarsinermut’ ingerlaqqinnissaq. Oqaluussisartoq pikkorissoq saqqummiusseriaatsimik immikkoortoq 4-imi eqqartorneqartumik qanoq atuaqqissaaqateqartoqalersinnaaneranik siunnersuummik takutitsisiguk. Ilagiinni angajoqqaajusut tamaasa kajumissaakkit meeqqatik mikisut atuagassiaaraq tunngavigalugu atuaqqissaaqatiginneqqullugit.
Erinarsuut nr. 130 naggataarutaasumillu qinnut.
Sapaatip-akunnera 14. apriilimiit
Erinarsuut nr. 107
10 min: Nalunaarutit ilagiillu naatsorsuutaat. Piffissaq apeqqutaatillugu atuagassiaaqqamik Guutip sumik piumaffigaatigut?-mik agguaassinermi tamaani misilittagarisimasanik imaluunniit taanna tunngavigalugu atuaqqissaaqatiginnilersimanermik naatsumik oqaluttuartitsigit. Eqqaasikkit unnummut ilagiit tunissutinik nakkaatitsiviannut nakkartut Europap kangiani silinermut tapiissutitut nassiunneqassammata.
15 min: „Atuaqqissaaqatigisartakkavut Jehovap peqatigiissortaanut siulersorpavut.“ (Immikkoortut 1-6) Apeqqutit akissutillu. Immikkoortut 5 aamma 6 allassimaffiillu innersuussutigineqarsimasut atuakkit. Tamaani misilittakkanik Biibilimik atuaqqissaartartut ilaannik videofilmi Jehovas Vidner og deres organisation qanoq qisuariarfiginnissimanerannik oqaluttuartitsigit.
20 min: „Allat Guutip piumasaqaataanik ilinniartikkit.“ Tusarnaartut ilagalugit immikkoortut 1-4, 6-lu sammineqassapput. Immikkoortoq 5-imi saqqummiusseriaatsinik assigiinngitsunik sisamanik — aqqusinermi, illumi, niuerniartarfeqarfinni illoqannginnersamilu takutitsisoqassaaq. Eqqaasikkit unnummut atuagassiaaqqanik atuagassianillu oqaluussinermi atugassanik pissamaaseqqullugit.
Erinarsuut nr. 126 naggataarutaasumillu qinnut.
Sapaatip-akunnera 21. apriilimiit
Erinarsuut nr. 113
15 min: Nalunaarutit. Eqqaasikkit maajimi ikiorti-pioneeriunissamut suli nalunaartoqarsinnaammat. Apeqquteqartarfik sammineqassaaq, ilagiillu ilisimatikkit Naalagaaffilersaartarfiup atuagaateqarfiani atuakkat suut amigaatigineqarnersut. Oqaluussisimanermi misigisanik oqaluttuartitsigit.
15 min: „Atuaqqissaaqatigisartakkavut Jehovap peqatigiissortaanut siulersorpavut.“ (Immikkoortut 7-14) Apeqqutit akissutillu. Oqaluussisartoq pikkorissoq inussiarnersumik qanoq tatiginnittumik atuaqatigisartakkaminik ataatsimiinnernut peqataasarnissap qanoq pisariaqartigineranik oqaloqatiginninneranik takutitsisiguk.
15 min: Atuagassiaatitsinnik atorluaaneq. Utoqqaanertap oqalugiaatigissavaa. (Takuuk Rigets Tjeneste septembari 1995-imoortumi quppernerit 3-5-imut.) Nalunaarusiat ersersippaat ilagiit atuagassianik inniminniisarnerminnit ikinnerujussuarnik agguaassisartut. Allaat 50 procentii agguaanneqarsimanngisaannartut nalunaarusiani allassimasarpoq. (Tamaani qanoq innersoq eqqaajuk.) Atuagassiat tamakku qanoq pineqartarpat? Amerlasuut ilisivinniitiinnarneqartarput imaluunniit iginneqartarlutik. Tamanna qanoq pinngitsoortinniarsinnaavarput? Oqaluussisartut ataasiakkaat tamarmik pisariaqartitatik eqqarsaatigilluartariaqarpaat atuagassianillu agguaassinnaasaminniinnaq piniartariaqarlutik. Kikkunnulluunniit tamanut naapissinnaasannut atuagassiat neqeroorutiginissaat ileqquliunniaruk. Atuagassiat qanganisat uninngatiinnaqinagit. Atuagassialerinermi peqataagajuttarit.
Erinarsuut nr. 128 naggataarutaasumillu qinnut.
Sapaatip-akunnera 28. apriilimiit
Erinarsuut nr. 121
15 min: Nalunaarutit. Tamaasa apriilimi nalunaarusiaminnik tunniussinissaannik eqqaasikkit. Maajimi ikiorti-pioneeriunissamik nalunaarsimasut aqqi taakkit, tamaanilu katersuutsitsisarnissanik pilersaarutit oqaatigalugit. Maajimi immikkut sulissuteqassaagut pulaaqqiinissamik atuagassiaaqqamillu agguaassiffigisimasatsinnut atuaqqissaaqateqalerniarluta. Naatsumik periaaserissumillu sukkulluunniit nalunaajaaffigisatta aqqanik sumilu najugaqarneranik qanoq qinnuigisinnaagivut siunnersuuteqarit. Siullermik atit sumilu najugaqarnerit taaqqaarsinnaavatit aperalutillu oqarasuaatip normuanut qassimut attavineqarsinnaanersoq. Tusarnaartut qanoq iliortarnerannik oqaluttuartikkit.
15 min: „Sooq taama iliorpat?“ Utoqqaanertap ilanngutassiaq naliginnaasumik pioneerit marluk pingasulluunniit ilagalugit sammissavaa. (Pioneerertaqanngitsunut ikiorti-pioneeriugajuttut ilaannik peqataatitsisoqarsinnaavoq.) Eqqarsaatit ilaannik ilanngutassiamik „Pionerit pilluaqqussutinik tunisisarlutillu pisarput“ Napasuliaq Alapernaarsuiffik-mi 1. februaari 1994-imoortumi quppernerit 20-22-imiittut ilanngutikkit. Peqataasut tamaasa sooq pioneeriunerannik oqaluttuartikkit. Qanoq pilluaqquneqarsimanerannik oqaluttuartikkit.
15 min: Tamaani pisariaqartitat. Utoqqaanertat ilagiinnut ullumikkut suut pisariaqarnersut paasissutissanik saqqummiussissapput.
Erinarsuut nr. 129 naggataarutaasumillu qinnut.