Nalunaarutit

◼ Neqeroorutissat: Septembari: Atuakkat pisoqaanerusut 192-inik quppernillit: Ajoĸersuissorssuaĸ tusarnârparput, inûneĸ ilumut sujunertaĸarpoĸ, erĸigsineĸ isumangnáissuserdlo piviussut — ĸanoĸ pilersíneĸásápat?, Ilaqutariilluni inuuneq pilluarnartoq qanoq anguneqarsinnaasoq (pisoqaq). Taakkua ilaat atuakkat marluk neqeroorutaassapput. Oktobari: Atuagassiat Napasuliaq Alapernaarsuiffik Iteritsi!-lu. Qaammatip naalernerani Naalagaaffiup Nutaarsiassaatai normu 35 agguaanneqassaaq. Novembari: Naalagaaffiup Nutaarsiassaatai normu 35-mik agguaassineq ingerlaqqissaaq. Ilagiit oqaluussisarfimminnik tamakkeereersimasut atuakkamik ’Ilisarsinermik’ neqerooruteqarsinnaapput. Decembari januaarilu: Inuk inuit inuusimasut pingaarnerpaartaat.

◼ Septembarip aallaqqaataani imaluunniit ullup tamatuma kingorna piaarnerpaamik ilagiit naatsorsuutaat nakkutilliisumit siulittaasumit imaluunniit taassumannga toqqakkamit kukkunersiorneqassapput. Kukkunersiorneqareerpata ilagiit tamatuminnga nalunaarfigineqassapput.

◼ Utoqqaanertaqatigiit tamarmik eqqaasinneqassapput Napasuliaq Alapernaarsuiffik-mi 1. oktobari 1991-imoortumi quppernerni 17-19-imi ilagiinnit anisitat namminerlu tunuarsimasut pillugit unnersuussutit maleruaqqullugit.

◼ Oqaluussisartut oktobarimi ikiorti-pioneeriunissamik pilersaaruteqartut qinnuteqaatertik sapinngisamik piaartumik tunniuttariaqarpaat taamaalillutik utoqqaanertat kiffartuussinissanik aaqqissuiniassammata, atuakkanik atuagassianillu isumaginninniassammata.

◼ Ilagiinniittut tamarmik atuagassianik pisartagaqaleraangamik ilagiit aqqutigalugit, allakkerisarfikkuunngitsoq, aaqqissortariaqarpaat.

◼ Naalagaaffimmut Kiffartorneq-mi maaji 1997-imoortumi ’Apeqquteqartarfik’-mi eqqaasinneqarpugut oqaluussinermi arnaagaanni angummik angutaagaannilu arnamik angalaaqateqarneq eqqarsaatigalugu mianersoqqulluta. Tamatta tamatumani siuneqassuseqarluartariaqarpugut. Imali paasisariaqanngilaq nakkutilliisut angalasartut imaluunniit qatanngutit angutit allat qatanngutit arnat oqaluusseqatigisinnaanngikkaat. Erseqqissarneqarporli qatanngutip angutip akulikitsumik arnaq aalajangersimasoq ilaqutarinngisani kisimeeqatigisarpagu silatusaarnerunngitsoq.