Septembarimi oqaluussinermut tunngasumik ataatsimiinnerit

Sapaatip-akunnera 1. septembarimiit

Erinarsuut nr. 26

10 min. Nalunaarutit, ilagiillu naatsorsuutaat nalunaarutillu ilaat Naalagaaffimmut Kiffartorneq-meersut.

15 min. „Pingaaruteqarnerusut inuuninni salliutikkit.“ Apeqqutit akissutillu. Piffissaq apeqqutaatillugu Vågn op!-imi 22. februaari 1987-imoortumi quppernerni 8-mi 9-milu ima qulequttalik „Prioritér rigtigt“ oqaaseqarfigineqassaaq.

20 min. „Allat Guutip oqaasianik ilinniartikkit — atuakkat nutaannginnerusut atorlugit.“ Immikkoortoq 1 aamma 2 najuuttut peqatigalugit sammineqassapput. Oqaluussisartut ilaasa takutissavaat allaaserisami siunnersuutit qanoq ilillutik atorumallugit. Takutitsinerit piviusorsiortuussapput, piareersarneqarluarlutillu misilinneqareersimassapput. Pulaakkat ilaat aallarniinerup kingorna ima oqassaaq: „Soqutiginninngilanga.“ Oqaluussisartup akerliliineq akissavaa saqqummiusseriaaserlu nangissallugu.

Erinarsuut nr. 107 naggataarutaasumillu qinnut.

Sapaatip-akunnera 8. septembarimiit

Erinarsuut nr. 27

10 min. Nalunaarutit. Ilagiinni aggustimi oqaluussinermik nalunaarut oqaaseqarfigineqassaaq. Eqqaasikkit unnummut ilagiit tunissutinik nakkaatitsiviannut nakkartut Europap kangiani sulinermut tapiissutitut nassiunneqassammata.

10 min. Tamaani pisariaqartitat.

10 min. „Biibilimik atuaqqissaaqatigiinnerit ajoqersukkanik nutaanik kingunillit.“ Oqalugiaat.

15 min. Utoqqaanertap oqaluussisartullu misilittagaqarluartut Biibilimik atuaqqissaaqateqartartut immikkoortoq „Ilinniartoq tunniulluinnarnermut kuisinnermullu siulersoruk“ (kmGL 6/96 qup. 5-6, § 20-22) oqaloqatigiissutigissavaat.

Erinarsuut nr. 109 naggataarutaasumillu qinnut.

Sapaatip-akunnera 15. septembarimiit

Erinarsuut nr. 30

10 min. Nalunaarutit.

15 min. Videofilmit atorluartakkit. Peqatigiiffiup videofilmiliutaasa atornissaannik siunnersuutit eqqaakkit, tamaanilu filminik atuinermut atatillugu misigisat oqaluttuaralugit takutinniarlugu qanoq ililluta ilaqutariittut oqaluussinermilu filmit atorluarsinnaagivut.

20 min. Atuarfik pillugu atuagassiaaraq atortarpiuk? Utoqqaanertap angajoqqaat meeqqallu ilaat ilagalugit Vagttårnet-imi 1. oktobari 1985-imoortumi, quppernerit 30-31-mi allaaserisaq sammivaa. Oqaluttuarissavaat namminneq qanoq atuagassiaaraq atorsimallugu.

Erinarsuut nr. 112 naggataarutaasumillu qinnut.

Sapaatip-akunnera 22. septembarimiit

Erinarsuut nr. 32

8 min. Nalunaarutit. Oktobarimi qassit ikiorti-pioneerisut kiffartussanerpat? Ilagiit oktobarimi immikkut suliniuteqarnissami anguniagassaat eqqaakkit.

17 min. Qanoq ililluni oqaloqatigiinnerit aallartinneqarsinnaasut. Oqaloqateqalersinnaanerput oqaluussinermi angusaqarluarnissatsinnut aalajangiisuusarpoq. Allanik tusarnaalersitsisunik oqaaseqarsinnaagutta oqaluussinermi akornutaasut annerpaartaat ajugaaffigisimassavarput. ’Skolehåndbog’-imi kapitali 16-imi immikkoortuni 11-14-ini pingaarnerusut najuuttunik sammineqassapput. Oqaluussisartut oqaloqateqalerniarnermut pikkorissut oqaluttuartikkit qanoq ilillutik makku saaffigisaritik: (1) sanioqquttoq, (2) bussimut ilaasoq, (3) pisiniartitsisoq, (4) pisiniartoq biilit uninngasarfianni naapitaq, (5) silami issiasoq kiisalu (6) telefonikkut saaffigisaq.

20 min. Ilagiit ukiumut 1997-imut oqaluussinermik nalunaarutaat sammineqassaaq. Oqaluussinermut nakkutilliisup ilagiit suliniarnerannik, pingaartumik marsimi, apriilimi maajimilu, nersualaassavai. Utoqqaanertaqatigiit nakkutilliisullu angalasartup ilagiit oqaluussinermi Biibilimillu atuaqqissaaqatigiinnermi sulissutigisariaqagaannik innersuussutigisaat eqqaakkit. Ukiumi oqaluussiffissami nutaami anguniagassat nutaat suusinnaanersut siunnersuutigissavai, assersuutigalugu Biibilimik atuaqqissaaqateqalerniarneq qaammatinilu tallimanik weekendilinni — novembarimi, maajimi aggustimilu — ikiorti-pioneeriuniarneq.

Erinarsuut nr. 113 naggataarutaasumillu qinnut.

Sapaatip-akunnera 29. septembarimiit

Erinarsuut nr. 37

15 min. Nalunaarutit. Tamaasa eqqaasikkit nalunaarusiaminnik tunniussinissaannik. Eqqaajuk sapaatip-akunnerani tulliuttumi ’Ilaqutariinnut’ atuagaq nutaaq gruppini sammilissagipput. Oktobarimi atuagassiat neqeroorutigineqassammata eqqaaneqassaaq ’angalaarfissap misissornissaata’, ’atuagassiat ilisimalluarnissaata’, ’aallarniummik piareersaasarnissap’, ’pulaakkamut naleqqussaanissap’ kiisalu ’ikioqatigiinnissap’ qanoq pingaaruteqartiginerat, soorlu Naalagaaffimmut Kiffartorneq-mi oktobari 1996-imoortumi qupperneq 8-mi eqqaaneqartoq. Qiimallutit oqaluttuarikkit ilagiit ullormut immikkut oqaluussiffissamut pilersaarutaat, tamaasalu kajumissaarlugit sukkulluunniit peqataanissaannut. Ingammik aqqusinermi oqaluussineq pingaartinneqassaaq. Eqqaajuk ilagiinni kiffartortut utoqqaanertallu tamatumani siuttuuumasut.

15 min. Kristumiu qanoq iliortariaqarpa eqqartuussisussatut qinikkatut qaaqquneqaruni? Utoqqaanertap Vagttårnet 1. apriili 1997-imoortoq, quppernerit 27-29 oqalugiaatigissavai.

15 min. Kiffartornerit ataqqinaaseruk. ’Organisationsbog’-imi quppernerit 79-81 najuuttut peqatigalugit sammineqassapput. Apeqqutit makku atorlugit pingaarnerusut erseqqissarneqassapput: (1) Jesusip maligassiaanik malinninneq qanoq ililluta iluaqutigisinnaavarput? (2) Oqaluusseqataanissamik akisussaaffik qanoq pingaaruteqartigaa? (3) Suut pissutigalugit inuunerput Jehovamut tunniulluinnarsimavarput? (4) Guuti kiffartorfigissagaanni qanoq ileqqoqartariaqarpa? (5) Jesusip oqaluusseriaasia qanoq ilinniutigisinnaavarput?

Erinarsuut nr. 121 naggataarutaasumillu qinnut.