Nalunaarutit

◼ Kalaallisut neqeroorutissat: Januaari: Inuk inuit inuusimasut pingaarnerpaartaat. Februaari: Atuakkat 192-inik quppernillit: ajoĸersuissorsuaĸ tusarnârparput, erĸigsineĸ isumangnáissuserdlo piviusut — ĸanoĸ pilersíneĸásápat?, Ilaqutariilluni inuuneq pilluarnartoq qanoq anguneqarsinnaasoq. Atuakkat taakkua ilaat marluk neqeroorutaassapput. Marsi: Ilisarsineq inuunermut naassaanngitsumut sammisoq. Biibilimik atuaqqissaaqateqalernissaq pingaartinneqassaaq. Apriili: Atuagassiat Napasuliaq Alapernaarsuiffik aamma Iteritsi!.

◼ Oqaluussisartut oqaluussinermut tunngasumik ataatsimiinnermut najuuttut sapaatip-akunnera 5. januaarimiit, tamarmik siumoortumik peqqussummik aammalu kinaassutsimut allagartamik tunineqassapput.

◼ Februaarimiit, marsip aallaqqaataa tikitsinnagu, nakkutilliisup oqalugiaatissaa nutaaq tassaavoq „Guutip inuunermut isiginnittaasiatut isiginnippit?“

◼ Ilagiit massakkut eqqaaniaalluni nalliuttorsiornissamut 11. apriilimi seqernup tarrereernerata kingorna pisussamut piareersartariaqarput. Oqalugiaat immaqa seqineq suli tarrinngitsoq aallartinneqaraluartoq, aatsaat seqineq tarrereerpat assersuutit ingerlaartinneqassapput. Seqineq sumiiffinni qaqugu tarrissanersoq misissoruk. Eqqaaniaanissaq ima kingusitsigissanngilaq soqutiginnilerlaat takkunnissaminnut periarfissaqartikkunnaarlugit. Aammattaaq ataatsimiinnissami saqqummiussassat ima amerlatigissanngillat qaaqqusat tamatuma siornatigut kingornatigullu ilassinissaannut taavalu anersaakkut ikiorniarlugit qiimmassarniarlugillu naapeqqinnissaannik isumaqatigiissuteqarfiginissaannut periarfissaqarnata. Utoqqaanertat suut tamaasa eqqarsaatigereerlugit nalilissavaat pilersaarusiat suut eqqaaniaanissamut najuuttut pissarsilluarnissaminnut iluaqutigisinnaaneraat.

◼ Tamanut ammasumik oqalugiaat immikkut ittoq 1998-imi sapaammi ulloq 29. marsi pissaaq. Imarisassaa nassiunneqarumaarpoq. Ilagiit nakkutilliisumik angalasartumik tikeraaqarunik imaluunniit ataatsimeersuaararunik oqalugiaat sapaatip akunnerani tulliuttumi pissaaq. 29. marsi sioqqullugu oqalugiaatigineqassanngilaq.

◼ Ilagiinni utoqqaanertaqatigiit ilagiit ataatsimeersuarnernut peqataaniaraangata makku eqqumaffigisariaqarpaat: Immikkut ittumik ataatsimeersuannginnermi ilagiit sapaatip akunnerani ataatsimiiffissat nalinginnaasut ingerlatissavaat, taamaallaat tamanut oqalugiaat Napasuliaq Alapernaarsuiffimmillu atuaqqissaaqatigiinnissaq minillugit. Ataatsimeersuaarannginnermi angerlarsimaffimmi atuakkamik atuaqatigiittarneq kisimi ingerlanneqassaaq, Teokratiimik Ilinniarfik aammalu oqaluussinermut tunngasumik ataatsimiinneq ingerlanneqarnatik.

◼ Nuannaarutigalugu eqqaassavarput immikkut ittumik suliniuteqarnissaq ukiormanna apriilimi aaqqissuussinneqassammat. Apriilip 4-aa tassaassaaq ulloq immikkut ittumik oqaluussiffissaq. Pitsaassaaq maannakkut eqqarsaatigeriissallugu apriilimi ikiorti-pioneeriusinnaajumallugu qanoq iliortoqarsinnaasoq.

◼ Apriilimi maajimilu atuagassiaativut atorlugit immikkut ittumik suliniuteqarniarpugut, oqaluussisartullu amerlasuut qularnanngitsumik ikiorti-pioneeriunissaminnut nalunaarumaarput. Taamaattumik ilagiit qinnuigissavavut nalunaarutigeqqullugu qaammatini tamakkunani atuagassiat qassit atussanerlugit. Inniminnigassat apriilimut tamaasa naammassiniassammata inniminnikkat januaarip 26-ani Seltersimi immikkoortortaqarfimmeereersimassapput, maajimullu inniminnikkat marsip 2-ani kingusinnerpaamik nassiunneqassapput.