Qaaqqusissutit atortakkit
1 Qaaqqusissutit naalagaaffilersaartarfitta sumiinneranik paasissutissanik ilagiillu ataatsimiittarnerisa qaqugukkut pisarnerinik angalaarfigisartakkatsinni inunnut iluaqutaasinnaasumik allaqqasoqarput. Naapitakkatsinnut tamanut taama ittumik tunniussinissarput silatusaarnerussaaq. Tamaattumik ilagiit qaaqqusissutinik naammattunik peqartariaqarput. Ilagiit ataatsimiittarnitik ukiut tamaasa januaarimi allanngortittarunikkik pingaaruteqarpoq qaaqqusissutinik nutaanik ukiup naannginnerani siusinaarluni innimeereernissaq, oqaluussisartut taamaalillutik nutaanik eqqortumillu allannilinnik peqarsinnaaqqullugit. Allaffissiaq Løbeseddelordre tamatumunga atorneqassaaq. Eqqumaffigiuk angerlarsimaffimmi atuakkamik atuaqqissaaqatigiinnerup aallartiffissaa allanneqassammat aatsaat naalagaaffilersaartarfimmi ataatsimiittarussi. Taavami qaaqqusissutit qanoq pitsaanerpaamik atorneqassappat?
2 Oqaluussisartut amerlanerit iluarisarpaat qaaqqusissummik pulaagaq tuneriarlugu, ilisariteriarluni oqaloqatigileraanni. Ataatsimiinnerit pillugit ilisimatitsigaanni imaluunniit tunuatungaaniittoq tusarliussassaq saqqummiukkaanni, immaqa suliarput tamatumalu siunertaa pillugu oqaloqatiginninnissamut aallarniutaasinnaavoq. Angajoqqaat meeqqatik oqaluussinermut peqataatissinnaavaat qaaqqusissummik matumi agguaassitillugit. Oqaluussisartut allakkatigut oqaluussisartut, qaaqqusissut ilanngullugu allakkat puuanut ikisinnaavaat tigusisussarlu ataatsimiinnernut qaaqqullugu. Qaaqqusissummik aamma angerlarsimanngitsunut qimatsisoqarsinnaavoq; allanut takuneqarsinnaanngitsumut ilineqassapput.
3 Ilaat sallusuissummut ilaalersimapput qaaqqusissummik pinermikkut. Arnaq qaaqqusissut pissutigalugu Biibilip paasinissaanik inuunermini kissaatigiuarsimasani angusimavaa. Unnuaq qinunermut atoreersimallugu, ullaap tungaani aappariit Jehovap nalunaajaasui matuanut sianersimapput. Matup putuaraatigut alakkaatigaluni matulu ammarnagu oqarpoq piffissaalluanngitsukkut takkuttut. Oqaluussisartut qaaqqusissut matukkut pulatippaat. Allaqqavoq „Biibilit ilisimaleruk.“ Arnap taanna takuaa matulu ammarlugu. Biibilimik atuaqqissaaqatigiinneq ingerlaannaq aallartinneqarpoq, kingornatigullu arnaq kuisilluni. Guutip anersaavata nukinga mikivallaartumik nalilinngisaannartigu, kisianni qaaqqusissutit kiffartornitsinnik naammassiniaanitsinni atorluartartigik. — Aamma takuuk Rigets Tjeneste februaari 1994-imoortoq, qup. 1.