Jehovap nalunaajaasui iivangkiiliu pillugu oqaluussisartuupput ilumoortut.
1 Jesus Kristusip ajoqersukkani tamaasa oqaluussinissaannut peqquai oqarfigalugillu oqaluussissutigisassaat tassaasoq nutaarsiassaq nuannersoq Guutip naalagaaffia pillugu. (Mat. 24:14; ap. sul. 10:42) Ajoqersugai siulliit maligassiuilluarput kipisuitsumik Naalagaaffik pillugu oqaluttaramik — inuit pallorfiginninniarlutik naapittarfiinnaanniunngitsoq, aammattaarli illumiit illumut sumilu tamaani inunnik naapitsiffimminni. (ap. sul. 5:42; 20:20) Ullutsinni takuneqarsinnaavoq Jehovap Nalunaajaasui tassaasut iivanngkiiliu pillugu oqaluussisartut ilumoortut, nunani 232-ini Naalagaaffik oqaluussissutigisaramikku ukiullu pingasut ingerlanerinnaanni ajoqersukkat 1 millionit sinnerlugit kuisimavaat. Sooq oqaluussineq taama inerititaqarfiusimatigaa?
2 Tusagassap nuannersup angorniortilerpaatigut: Iivangkiiliu pillugu oqaluussisartut nutaarsiassaq nuannersoq pillugu oqariartortitaapput. Pissanganartumik immikkut pisinnaatitaaffeqarpugut Jehovap naalagaaffia oqaluussissutigissallugu, tassatuaavormi nutaarsiassaq nuannersoq piviusoq inuiannut aliasuttunut neqoroorutaasinnaasoq. Nuannaarutigaarput paasisimagatsigu qilaap nutaap qanittukkut nunamut nutaamut, tassa inuiannut aalajaatsunut, naapertuilluinnartumik aqutsilernissaa paratiisimi takkutilersumi. (2 Pît. 3:13, 17) Taakkutuaavugut neriuutissamik tamatuminnga ilassinnittut, kajumeqaagullu allat tamanna pillugu oqaluttuunnissaannik.
3 Eqqortumik asanninnerup kissaateqalersippaatigut: Oqaluussisarneq inuunermik annaassiniarluni suliaavoq. (Rûm. 1:16) Taamaattumik nuannaangaarneq misigisarparput Naalagaaffik pillugu tusarliussaq siuarteraangatsigu. Iivangkiiliu pillugu oqaluussisartutut ilumoortutut inunnut asannissuseqarpugut, taamaattumillu nutaarsiassaq nuannersoq pillugu oqaluttarpugut — ilaquttanut, sanilinnut, ilisarisimasanut sapinngisamillu kikkunnut tamanut. Uummammit tamakkiisumik suliamut tamatumunnga sulinerput inunnut ilumoortumik asanninnitsinnik takussutissat pitsaanerpaartaraat. — 1 Tás. 2:8.
4 Guutip anersaavata ikiortarpaatigut: Guutip oqaasiisa qularunnaarsippaatigut Guutip naalagaaffiata naatsiiassartaanik siaruarterinikkut imerterinikkullu akisussaaffipput suliarigutsigu, taava Jehovap ’alliartortinnissaa’ isumagiumaaraa. Taamatorluinnarlu pisoqarnera Guutip peqatigiissortaani ullumikkut takusinnaavarput. (1 Kor. 3:5-7) Guutimuna anersaavata oqaluussinitsinni ikioraatigut angusanullu ajunngitsunut pissutaalluni. — Joel 3:1, 2.
5 Timûtiusimut agdlagkat áipait 4:5-imi ’iivangkiiliulersaartup suliassaata suliarinissaanut’ kajumissaarut eqqarsaatigiitigalugu qanortoq allanut asanninnitta killillisigut Guutip naalagaaffia pillugu nutaarsiassaq nuannersoq periarfissat tamaasa atorlugit oqaluussinissatsinnut, ilisimalluinnarlugu Jehovap sulinerput pilluaqqujumaaraa.