Inuk inuit inuusimasut pingaarnerpaartaat
1 „Inummik ’inuit inuusimasut pingaarnerpaartaannik’ eqqortumik taaneqartoqarsinnaanerpa? Aap, sorpiaamuna inuk ’pingaartunngortittaraa’? Sakkutuunut naalagaanertut immikkut piginnaassuseqarnerata? Nukittuunerata? Silatulluinnarnerata?“ Apeqqutit tamakkua atuakkap Inuk inuit inuusimasut pingaarnerpaartaat-a aallarniutaani apeqqutigineqarput. Taava Jesusip inuit nunami inuusimasut pingaarnerpaartaannik eqqortumik taaneqarsinnaaneranut nalunaajaatit tikkuarneqarput. Tamannali pitsaanerpaamik uppernarsineqarsinnaavoq nammineerluni iivanngkiiliuni Jesus pillugu atuaraanni. Qaammammut neqeroorut naleqaqisumik iluaqutaavoq iivanngkiiliunik atuarnerinnaanngitsumi aammattaarli atuakkat isumaannik paasinninnissamut. Taamaalilluta toqqaannartumik toqqaannanngitsumillu oqaluussinitsinni qiimalluta atuagaq taanna allanut neqeroorutigisinnaavarput.
2 Maanna qaammatip aappassaa atuagaq taanna neqeroorutigaarput, taamaattumillu immaqa saqqummiusseriaatsimik saaffigisannut attaveqarluarnartumik nassaarsimavutit. Taamaappat allaaserisami uani siunnersuutit pinngitsoornak atortariaqarlugit misigissanngilatit. Aappaatigulli nutaannguallatsitserusukkuit qaammalluunniit kingulleq angusaqarpallaarsimanngikkuit, atuagaq qanoq saqqummiunneqarsinnaanersoq siunnersuuteqaqqissaagut.
3 Inussiarnersumik qungujulallutillu pulaakkat ilasseriarlugu kiunernillu oqaluttuuteriarlugu, ima oqarsinnaavutit:
◼ „Oqaluttuarisaanerup ingerlanerani inoqartuaannarsimavoq allat inuunerannik annertuumik sunniisimasunik. Tamannalu apeqqummik soqutiginartumik pilersitsivoq: Inuit inuusimasut kina pingaarnerpaartaraat, inullu ’pingaarutilittut’ taassagaanni suna pisariaqarpa? Illit qanoq isumaqarpit?“ Pulaakkat akinissaanut piffissaqartiguk. Akissutaa oqaaseqarfigisinnaavat. Taava ingerlaqqissinnaavutit oqarlutillu: „Oqaluttuarisaanermik ilisimatuup ilisimaneqarluartup apeqqut tamanna sammisimavaa; qanoq oqarsimanera tusariassagit: [Taava atuakkap siulequtaani immikkoortoq 2 atuaruk.] Tassa Jesus Kristus tikkuarpaa. Tamanna tupaallaatigaajuk pissusissamisoortutulluunniit isigaajuk? [Pulaakkat akitiguk.] Naak nunami kristumiuunerarfiusumi inuugaluarluta Jesus inuttut qanoq ilisimasaqarfigitigaarput? Qanoq ajoqersuisimava? Qanoq inuusimava allanullu qanoq ittuusimava?“ Pulaakkat oqaaseqartiguk, taava atuagaq neqeroorutigiuk.
4 Pulaaqqiiguit, sapinngisamik sapaatip-akunnera ataaseq qaangiutsinnagu, oqaloqatigiinneq ima nangissinnaavat:
◼ „Kingullermik maanniikkama atuagaq Inuk inuit inuusimasut pingaarnerpaartaat pivat. Arlaannik immikkut malugisaqarsimavit oqaloqatigiissutigerusussinnaasannik? [Pulaakkat apeqqutissaqanngippat ima nangissinnaavutit:] Biibilimi takutitaqalaarusuppunga. [Pîtrusip agdlagai sujugdlît 2:21 atuaruk.] Uani kajumissaarneqarpugut Jesus malinniaqqissaassagipput. Qularnanngitsumik amerlasuut oqassapput: Sooq taamaaliussaagut? Taamaaliorutta sumik kinguneqassava? Iluaqutissartaqarpa? Apeqqutit taamaattut atuakkap pisavit akivai. [Kapitalimut aalajangersimasumut innersuussigit ajornanngippallu ’matumi atuaqqissaaqatigiinneq’ aallatiguk.]“
5 Oqaloqatigiinnernik aallarniiniarnitsinni naqitaaqqat aamma iluaqutaalluarsinnaapput. Paasinartunik inunnik attuisunik allaaserisaqartarmata pulaakkamik soqutiginnilersitsisinnaapput. Naqitaaraq „Silarsuaq manna aniguissava?“ atorniarukku ima oqarsinnaavutit:
◼ „Malugisimavara oqaloqatigisama amerlasuut . . . isumakuluutigigaat. [Nutaarsiassani soqutigineqartumik taasaqarit.] Silarsuarmi pissutsit ajorsiartuinnartutut ipput. Ilaasalumi eqqarsaatigisarpaat silarsuaq manna aniguissanersoq. Illit tamanna qanoq isigaajuk? [Pulaakkat akitiguk. Amerlanerit isumalluarpaluttarput.] Qiimmaannartumik atuarsimavunga. Naqitaaqqami uani allassimavoq. [Pulaakkat naqitaaqqamik Silarsuaq manna aniguissava?-mik tuniuk, namminerlu allamik tigumiagaqarit.] Malugiuk Jesusip siulittuutigisimagaa . . .“ Taava quppernermi 4-mi 5-imilluunniit immikkoortoq ataaseq aallarniininnut tunngasoq atuaruk. Pulaakkat soqutiginnilluarpat atuagaq Inuk inuit inuusimasut pingaarnerpaartaat takutissinnaavat. Tulluarpat oqaloqatigiinneq itisilersinnaavat Jesusip siulittuutaa kapitalimi 11-miittoq atorlugu. Aamma eqqaamajuk apeqqummik tullianik akisassannik apeqquteqarnissat.
6 Oqaluttuarisaanermik ilisimatooq H. G. Wells oqarsimavoq inuup pingaassusuianut aalajangiisuusoq tassaasoq ’ineriartorsinnaasumik aallarniinersoq, inunnillu allanik nutaamik eqqarsartaaseqalersitsinersoq qimagukkuni millissanngitsumik kimittussusilimmik’. Tamanna kisimi pissutaalluni Jesus inuit inuusimasut pingaarnerpaartaannik taaneqanngilaq. Aap, pingaarnerpaamik pissutaasoq tassaavoq tamakkiisumik Jehova malissimagamiuk pilliutimigullu inuit naassaanngitsumik inuunissaannik periarsiffikkamigit. (Juá. 17:3) Tamanna ilikkarusullugu kissaateqartut tamaasa januaarip qaammataani kiffartuussilluarnitsinni ikiortigik.