Nalunaarutit

◼ Kalaallisut neqeroorutissat: Marsi: Ilisarsineq inuunermut naassaanngitsumut sammisoq. Biibilimik atuaqqissaaqateqalernissaq pingaartinneqassaaq. Apriili maajilu: Atuagassiaaraq Inunnut tamanut atuagaq kiisalu Napasuliaq Alapernaarsuiffik aamma Iteritsi.

◼ Oqaluussisartut apriilimi maajimilu ikiorti-pioneeriorusuttut maanna pilersaarusiulereertariaqarput qinnuteqaatertillu tunniullugu. Tamanna utoqqaanertanut iluaqutaassaaq katersuuttarnissat pillugit pisariaqartut aaqqissulerpatigik. Ikiorti-pioneeriusut aqqi tamarmik ilagiinnut taaneqartariaqarput.

◼ Allaffissiat assigiinngitsut ilagiinnut nassiunneqassapput aasaq 1998-imi. Soorlu Naalagaaffimmut Kiffartorneq-mi novembari 1996-imoortumi taaneqartoq nassiussat kingulliit qaammatinut 20-nut naammassapput, tassa aggusti 1998 tikillugu. Piffissarli tamanna nallertinnagu amigaateqalissagaluarussi, inniminnersinnaavasi inniminniiffissaq (S-14-D) atorlugu. Taamaaliussagussi aggusti 1998-mut naammaannartunik inniminniissaasi.

◼ Marsip aallaqqaataani imaluunniit ullup tamatuma kingorna piaarnerpaamik ilagiit naatsorsuutaat nakkutilliisumit siulittaasumit imaluunniit taassumannga toqqakkamit kukkunersiorneqassapput. Kukkunersiorneqareerpata ilagiit tamatuminnga nalunaarfigineqassapput.

◼ Peqatigiiffiup oqaluussisartut ataasiakkaat inniminniineri tiguneq ajorpai. Qaammatit tamaasa inniminniilluni allagartaq Tysklandimut nassiutinnginnerani nakkutilliisup siulittaasup nalunaarutigineqarnissaa isumagisariaqarpaa, taamaalilluni inniminniiniartut tamarmik atuagassianik isumaginnittumut saaffiginninniassammata. Maluginiarsiuk atuagassiat suut immikkut inniminnigassaanersut.

◼ Decembarimi Naalagaaffimmik Kiffartornermik Atuarfik Herlufmaglemi Silkeborgimilu ingerlanneqarsimavoq. Atuarfik utoqqaanertanit 2091-init aamma ilagiinni kiffartortunit 1019-init najuuffigineqarsimavoq, qatanngutillu ajoqersorneqarsimanertik pillugu nuannaarutiginninnerminnik angorniornerminnillu annertuumik ersersitsisimapput.

◼ Qaqortumi ilagiit ilaqutariinnik, utoqqaanertaasumik imaluunniit ilagiinni kiffartortumik ittulinnik, annertuumik pisariaqartitsipput. Elektrikeri ataaseq aamma/imaluunniit elinstallatøri aammattaaq qalipaasut formandiat ataaseq ilaqutaasullu suliffissaqartinneqarlutillu inissaqartinneqarput. Ilagiinni qatanngutip attavigineqarsinnaasup aqqa oqarasuaataatalu normua Peqatigiiffimmit pineqarsinnaapput.