Eqqaaniaanissaq sioqqullugu eqqaamasassat

Eqqaaniaanissaq arfininngornermi apriilip 11-ani pissussaq sioqqullugu uku piareersaatigikkit:

◼ Nunatsinni illoqarfinni ilageeqarfitsinni seqernup tarriffissaa: Narsaq Qaqortorlu: 20.15, Paamiut 20.33, Nuuk: 20.48, Maniitsoq 20.58, Sisimiut 21.07; Ilulissat 21.09. Ilagiit oqalugiaat seqineq tarritsinnagu aallartikkunikku qulakkeertariaqarpaat seqineq tarrereerpat aatsaat timiusap viinnillu ingerlaartinnissaa.

◼ Tamaasa ilisimatikkit, aamma oqalugiartussaq, sumi qaqugulu eqqaaniaanissaq pissanersoq.

◼ Timiusaq viinnilu eqqortut pissarsiarikkit. — Takuuk Napasuliaq Alapernaarsuiffik 1. marsi 1986-imoortoq, qupperneq 13.

◼ Nerrivik, nerriviup qalia, puuguttat immiartorfiillu siusinaarluni aaqqissorneqarnissaat isumagiuk.

◼ Naalagaaffilersaartarfik ataatsimiiffissarluunniit siusinaarlusi eqqiarluarsiuk.

◼ Sissuertussanik assersuutinillu ingerlatitsisussanik toqqaagit, periaatsinillu atorneqartussanik ilitsersuullugit. — Takuuk kmD 3/89, qupperneq 4-mi allaaserisaq „Mindehøjtiden 1989“.

◼ Tanitat napparsimasut najuussinnaanngitsut qanoq isumagineqassanersut isumaqatigiissuteqarit.

◼ Ilagiit arlallit naalagaaffilersaartarfik ataaseq eqqaaniaanermi atussappassuk suleqatigiittariaqarput, torsuusarsuarmi, aqqusinermi biilinillu inissiisarfimmi inissakilliorneq pisariaqanngitsoq pinngitsoortinniarlugu.