Teokratiimit Nutaarsiassat

Angola: Decembari 1997-imi oqaluussisartut amerlanerpaaffitsik qaangerlugu 35.034-nngorsimapput.

Bangladesh: Ataatsimeersuarnermi „Guutip oqaasianut upperneq“-mi najuuttut amerlanerpaaffitsik qaangerlugu 142-nngorsimapput kuisittullu 14-iusimallutik. Kuisittut aatsaat taama amerlatigipput, siornatigut amerlanerpaaffimmut naleqqiullugu kuisittut marloriaammik amerlanerupput.

Benin: Ataatsimeersuarnermi „Guutip oqaasianut upperneq“-mi najuuttut 15.633-usimapput, kuisittullu 403-usimallutik. Decembarimi oqaluussisimallutik nalunaartut 5351-upput, oqaluussisartut amerlanerpaaffiannik qaangiinerulluni.

Liberia: Decembarimi Monroviami ataatsimeersuartoqarsimavoq. 5158-it najuussimapput. Qaammammi tassani oqaluussisartut amerlanerpaaffitsik qaangerlugu 2127-nngorsimapput.

Madagaskar: Decembarip qaammataani oqaluussisartut 9226-usimapput, siornamut naleqqiullugu agguaqatigiissillugu 11 procentimik siuariarnerulluni.

St. Martin: Decembarimi oqaluussisartut amerlanerpaaffitsik qaangerlugu 265-inngorsimapput, siornamut naleqqiullugu agguaqatigiissillugu 10 procentimik amerlanerullutik. Oqaluussisartut 310-nik Biibilimik atuaqqissaaqateqarput.