Maajimi oqaluussinermut tunngasumik ataatsimiinnerit

MALUGIUK: Naalagaaffimmut Kiffartorneq-mi aasaq naallugu sapaatit-akunneri tamaasa pilersaaruteqarpoq. Ilagiit namminneerlutik allanngortittariaqakkat isumagissavaat. Ilagiit ataatsimeersuareerpata, qatanngutillu feriareerlutik utersimalerpata, oqaluussinermut tunngasumik ataatsimiinnermi ataatsimeersuarnermi saqqummiussat akunnerup affaani uteqqinneqarsinnaapput. Qatanngutit uteqqiisussat siumoortumik ilisimatinneqartariaqarput, ataatsimeersuarnermi saqqummiussat immikkut saqquminerusut maluginiarsinnaaqqullugit. Uteqqiinerup piareersagaalluartup ilagiinnut ilaasortaasut ataatsimeersuarnermi pingaarnersanik eqqaamanninnissaannut ulluinnarnilu inuunermi oqaluussinerminnilu atuilernissaannut ikiussavai. Tusarnaartut oqaaseqassappata misigisanilluunniit oqaluttuassappata naatsuusariaqarput erseqqissuullutillu.

Sapaatip-akunnera 4. maajimit

Erinarsuut nr. 10

12 min. Nalunaarutit ilaatigullu Naalagaaffimmut Kiffartorneq-meersut. Teokratiimit nutaarsiassat. Takutinneqassaaq qanoq ililluni angummut inuusuttumut ilinniarnertuunngorniarfimmi atuartumut atuagassiaaraq Inunnut tamanut atuagaq neqeroorutigineqarsinnaasoq. Piffissaq apeqqutaatillugu oqaluussinermi misigisamik naatsumik oqaluttuartoqarsinnaavoq.

15 min. „Jehovap anersaavata najorpaatigut.“ Apeqqutit akissutillu. Immikkoortup 3-p samminerani Atuakkamit ukiumoortumit 1998-imoortumit naleqquttumik ilanngussisoqassaq.

18 min. „Allaaserisanik inuit soqutigisinnaasaannik qinersigit.“ Allaaserisap pingaarnersai sammikkit. Atuagassiat pisoqaanerusut ajoquteqanngitsut aamma taamatut atorneqarsinnaasut eqqaasitsissutigiuk. Oqaluussisartut allaaserisat sorliit kinguneqarluartumik atorsimaneraat oqaluttuartikkit, ilaallu pulaarneq qanoq ingerlassimaneraa takutitsisiguk. Atuagassiaaraq Inunnut tamanut atuagaq atuagassiamut ataatsimut marlunnulluunniit qanoq ilanngunneqarsinnaanersoq takutiguk.

Erinarsuut nr. 212 naggataarutaasumillu qinnut.

Sapaatip-akunnera 11. maajimit

Erinarsuut nr. 197

12 min. Nalunaarutit ilagiillu naatsorsuutaat. Ilagiit apriilimi kiffartorsimanerannut nalunaarutaat oqaaseqarfigineqassapput. Qatanngutit tukkorsimanerannik nersualaakkit, unnummullu Ilagiinnut tunissutit-nut nakkartitat Europap kangiani Guutip naalagaaffiata sulineranut nassiunneqassasut eqqaasitsissutigiuk. Arnaq suliffilik 30-t missaanni ukiulik meeralik atuagassiaaqqamik Inunnut tamanut atuagaq-mik qanoq neqeroorfigineqarsinnaasoq takutinneqassaaq.

13 min. Apeqquteqartarfik. Apeqqutit akissutillu. Utoqqaanertap aqussavaa.

20 min. „Ataatsimeersuarneq ’Guutip inuunermut aqqutigeqqusaa’“ (Immikkoortut 1-18) Apeqqutit akissutillu. Immikkoortut 11-13 aamma 18 allassimaffillu innersuussutigineqartoq atuarneqassapput. Kristumiup isikkumigut ileqqumigullu pilimanianngitsuunissaa, meeqqattalu eqqortumik nakkutiginissaat, Biibilimi pingaartinneqartoq erseqqissaruk.

Erinarsuut nr. 48 naggataarutaasumillu qinnut.

Sapaatip-akunnera 18. maajimit

Erinarsuut nr. 141

10 min. Nalunaarutit. Angut 40-t sinnerlugit ukiulik, ilisimasaqarluartoq ilinniagaqarluartorlu atuagassiaaqqamik Inunnut tamanut atuagaq-mik qanoq neqeroorfigineqarsinnaasoq takutinneqassaaq. Oqaluussisartoq piareersarluarsimasoq oqaluussinermi misigisamik oqaluttuartiguk.

15 min. „’Uininnut qisummik kappusimasoqarpa’?“ Apeqqutit akissutillu. Vagttårnet-mi 15. novembari 1987-imoortumi, qup. 29-mi „Spørgsmål fra læserne“ oqaaseqarfigiuk.

20 min. „Ataatsimeersuarneq ’Guutip inuunermut aqqutigeqqusaa’“ (Immikkoortut 19-31) Apeqqutit akissutillu. Aaqqissuussilluarnerup allanillu innimiginninnissap, ingammik issiavissanik inniminniinermi, pisariaqarnera erseqqissaruk.

Erinarsuut nr. 139 naggataarutaasumillu qinnut.

Sapaatip-akunnera 25. maajimit

Erinarsuut nr. 137

10 min. Nalunaarutit. Upernaaq immikkut suliniuteqarnermi atuagassiat atuagassiaaqqallu atorlugit oqaluussinermi misigisanik oqaluttuarit.

15 min. Tamaani pisariaqartitat.

20 min. Taamaattumik ataatsimiinnerit pingaartippakka. Ilagiinni ataatsimiigiartuaannarlutik maligassaalluartut, ilaatigut aappariit, utoqqaat ilaat inuusuttuararlu, utoqqaanertamit oqaloqatigineqassapput. Namminneq oqaatsitik atorlugit sooq ataatsimiigiartuaannarnertik oqaluttuarissavaat: ineriartornartumik katerisimaartarneq, Guutimit ajoqersorneqarneq unnersuunneqarluarnerlu ulluinnarni ajornartorsiutit anigorniarneranni anersaakkullu nukittujuaannarnissamut iluaqutaasut. Ataatsimiinnerit aalajangersimasumik najuuffigisarnerat tamatta qanoq iluaqutigineripput oqaaseqarnerni erseqqissarneqassaaq.

Erinarsuut nr. 222 naggataarutaasumillu qinnut.