Juunimi oqaluussinermut tunngasumik ataatsimiinnerit
Sapaatip-akunnera 1. juunimit
Erinarsuut nr. 223
8 min. Nalunaarutit ilaatigullu Naalagaaffimmut Kiffartorneq-meersut. Teokratiimit nutaarsiassat.
15 min. ’Ajunngitsuliornernut tamanut piginnaanngorsagaavugut.’ Apeqqutit akissutillu. Vagttårnet 15. februaari 1989-moortumit quppernermi 22-24-meersunik ilanngussaqarit.
22 min. „’Inunnut tamanut’ oqaluussineq.“ Utoqqaanertap juunimi atuakkap Menneskets søgen efter Gud aammalu atuakkat nutaannginnerusut ilaat neqeroorutaasut saniatigut Inuk inuit inuusimasut pingaarnerpaartaat neqeroorutaasinnaasoq nassuiassavaa. Utoqqaanertap oqaluussillaqqissullu saqqummiussassat eqqartussavaat. Naatsumik oqaluussiffigisartakkami upperisarsiorneq pillugu isummat assigiinngitsut sammikkit. Saqqummiusseriaatsimik takutitsigit pulaakkamut Guutimik Biibilimilluunniit upperinninngitsumut; atuagaq ’Søgen’ atorneqassaaq. Tamatuma kingornatigut takutinneqassaaq atuagaq ’Inuk’ inuusuttuaqqamut niviarsiaqqamut qanoq neqeroorutigineqarsinnaasoq.
Erinarsuut nr. 112 naggataarutaasumillu qinnut.
Sapaatip-akunnera 8. juunimit
Erinarsuut nr. 209
15 min. Nalunaarutit. Ilagiit kiffartornermut nalunaarusiaat maajimoortoq oqaaseqarfigineqassaaq. Upernaami immikkut suliniarnermi ilagiit anguniakkatik anguaat? Qaammatini pingasuni tamakkunani katillugit qassit ikiorti-pioneriuppat? „Inunnut tamanut atuagaq“ ilagiit qassit agguaassimavaat? Qatanngutit immikkut suliniarnermut peqataasimanerat nersoruk. Immikkut suliniarnermi tamatumani ikiorti-pioneeriusimasunik apersuigit. Ilagiit naatsorsuutaat sammineqassaaq. Qatanngutit tukkorsimanerannik nersualaakkit, eqqaasitsigillu unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut nassiunneqassammata.
15 min. „Naalakkap pigisai nakkutigineqarluarput.“ Utoqqaanertamit oqalugiaatigineqassavoq.
15 min. „Tamatta suliap naammassinissaanut pisariaqartinneqarpugut.“ Apeqqutit akissutillu. Nassuiaruk sooq utoqqaanertat amerlasuut ajunngitsumik kajumittumillu isumaqarfiginnittut pisariaqartinneraat pisariaqartut naammassinissaannut. Oqaluuseriuk tamaani pisariaqartitat suunersut, assersuutigalugu naalagaaffilersaartarfimmi eqqiaaneq aserfallatsaaliinerlu, napparsimasut utoqqalisullu ikiorneratigut oqaluussiffigisartakkallu ajunngitsumik suliarisarnerat. Utoqqaanertat oqaaseqarlit oqaluussisartut kajuminnerat sooq nuannaarutigineritsik. Naqissuseruk tamatta pisariaqartinneqarnerput.
Erinarsuut nr. 153 naggataarutaasumillu qinnut.
Sapaatip-akunnera 15. juunimit
Erinarsuut nr. 7
10 min. Nalunaarutit. Oqaluussinermi misigisimasanik oqaluttuarit.
20 min. Oqalugiaat ilanngutassiaq „Kæmp energisk“ Vagttårnet 15. januaari 1986, qupperneq 10-14-miittoq najoqqutaralugu. Pioneeritut kiffartornerup pingaaruteqassusia eqqaajuk, pioneerinngorusuttunullu nalunaarsinnaaneranik 1. septembarimilu aallartissinnaaneranik kajumissaarigit.
15 min. „Ileqqorissaarnikkut nalunaajaaneq.“ Apeqqutit akissutillu. Inuusuttunik maligassiuilluartunik apersugaqarit. Oqaluttuartikkit kristumiutut saqilluarnikkut qanoq allanut ajunngitsumik sunniuteqarsimanerannik. Vagttårnet-imi 1. januaari 1995-imoortumi quppernerni 24, 25-milu misigisimasat eqqaakkit.
Erinarsuut nr. 170 naggataarutaasumillu qinnut.
Sapaatip-akunnera 22. juunimit
Erinarsuut nr. 61
15 min. Nalunaarutit. Ilagiit ilisimatikkit qanga ilagiit naatsorsuutaannik kukkunersiuisimaneq pisimasoq. Oqaluussisartut piareersarluarsimasut oqaluussinermit misigisanik misilittakkanillu oqaluttuartikkit.
15 min. Qanoq ililluni atuagassianik pajuttagaqarfeqalertoqarsinnaasoq. Oqaluttuariuk suut pisariaqartut: Atuakkanik atuagassianillu sumi agguaassisimanerluni allattuineq, sapaatit-akunnialuit qaangiutsinnagit takkuteqqittarneq, atuagassiani nutaani isumaliulernartunik takutitsisarneq pulaakkap soqutiginninnera attassinnaaqqullugu. Siunnersuigit eqqaamiut, suleqatit, pisiniartitsisut, orsussaarniarfinni nakkutiginnittut allallu ilanngullugit pajuttakkanut qanoq ilanngunneqarsinnaasut. Oqaluussisartoq ataaseq marlulluunnit atuagassianik pajuttakkaminnik misigisimasaannik qiimmaallannartunik oqaluttuartikkit.
15 min. Pioneerit allanik ikiuipput. Oqaluussinermut nakkutilliisup pioneerit oqaluussisartunik allanik ikiuisinnaanerannik pilersaarut nutaaq eqqartussavaa. Nalunaarutigikkittaaq ikiuiniarluni pilersaarutaasimasut siornatigut pigisimasavut. (jv 100; km 7/79 1, 3) Ukiuni pingasuni nutaat 1 millioninit amerlanerusut kuisissimapput, pikkorissarneqarnissartillu pisariaqartippaat. Ilinniartitsinermik pilersaarut „Pioneerit allanik ikiuipput“ ikiortigalugu pioneerit specialpioneerillu pioneerit atuarfianniissimasut misilittagaat ilinniarsimasaallu iluaqutigineqarsinnaapput. Anguniagassaq tassaavoq pioneerit tamarmik ukiut tamaasa oqaluussisartut marluk ikiortassagaat oqaluussinermut pikkorinnerulernissaannut suliamullu tamatumunnga peqataanerulernissaannut. Aaqqissuussaq tamanna hundredetusintillit oqaluussisarnermi pikkorinnerulernissaannut periarfissiissaaq.
Erinarsuut nr. 207 naggataarutaasumillu qinnut.
Sapaatip-akunnera 29. juunimit
Erinarsuut nr. 114
10 min. Nalunaarutit. Oqaluussisimanermik nalunaarusiat juunimoortut tunniunnissaat eqqaasitsissutigiuk. Juulimilu neqeroorutissat eqqartukkit.
15 min. Tamaani pisariaqartitat imaluunniit „Tamaviaarunnaarsimavunga?“ Utoqqaanertamit oqalugiaat Vagttårnet 15. december 1987, qupperneq 18 aamma 19, immikkoortut 14-16, najoqqutaralugu. Ukiorpassuarni oqaluussinermik aallussisimasut kajumisaakkit illernartumik kiffartuuteqarnermik pitsaassusia annertussusialu eqqarsaatigeqqullugit.
20 min. Kikkut tamarmik torrutiinnarlugu oqaluussisinnaapput. Oqalugiaat najuuttullu ilagalugit Vagttårnet 15. oktobari 1987-imoortoq qupperneq 22-27 najoqqutaralugu. Takutiguk oqaluussisartut suliffimminnut imaluunniit ilaquttaminnik isumaginninnermut imaluunniit allanik isumaginninnermut piffissamik annersaanik atuisariaqartartut qanoq ilillutik periarfissarsiorsinnaasut nutaarsiassap nuannersup oqaluussissutiginissaanut. Tamaani misigisimasanik taasaqarit.
Erinarsuut nr. 76 naggataarutaasumillu qinnut.