Februaarimi oqaluussinermut tunngasumik ataatsimiinnerit
Sapaatip-akunnera 1. februaarimiit
Erinarsuut nr. 154
12 min. Nalunaarutit, ilaatigut Guutip Naalagaaffianit Kiffartorneq-meersut. Qaammammi uani neqeroorutaasup atorneqarsinnaaneranik naatsumik takutitsigit. Takujuttaaq Naalagaaffimmut Kiffartorneq marsi 1997-imoortoq. Tamaasa eqqaasikkit oqaluussinermut nalunaarutinik januaarimoortumik tunniusseqqullugit.
15 min. „Pinngortitsisersuatta soqutigaatigut!“ Apeqqutit akissutillu. Nassuiaruk atuagaq nutaaq ’Skaberbogi’ Guutip piuneranik qulartunut, imaluunniit Pinngortitsisoqarneranik itigartitsisunut qanoq atorneqarsinnaaneranut. Biibilimik atuaqqissaaqatigiissutissatut siunertarineqanngilaq, kisianni inuit Biibilip qanoq oqarneranik misissuinissaannut soqutiginnilersissinnaavai. (Takuuk atuakkami qup. 189-91.) Oqaluussisartut atuakkamik paasisimasaminnik aammalu oqaluussitillutik misilittakkaminnik oqaluttuartikkit.
18 min. „’Inuttaaq atisiuk.’“ Evfisumiut 4:20-24 oqalugiaammi sammineqassaaq. (Takuuk Vagttårnet 1. marsi 1993-imoortoq, qup. 14-18, § 4-17.) Nassuiaruk qanoq ililluta inutoqaq iperarsinnaaneripput inuttaarlu atisinnaallutigu.
Erinarsuut nr. 4 naggataarutaasumillu qinnut.
Sapaatip-akunnera 8. februaarimiit
Erinarsuut nr. 12
10 min. Nalunaarutit. Ilagiit naatsorsuutaat sammineqassapput. Qatanngutit tukkornerannik nersualaakkit, eqqaasikkillu unnummut Ilagiinnut tunissutit-nut nakkaatitsivimmut nakkartinneqartut Guutip naalagaaffiata Europap kangiani sulineranut tunniunneqassasut.
20 min. Tamaani pisariaqartitat.
15 min. „Allamiutut oqaasilinni oqaluussiffigisartagaq.“ Oqalugiaat najuuttunit peqataaffigineqartoq. Ilagiinni kiffartornermut nakkutilliisumit imaluunniit ilagiinni allanik oqaasilinnik oqaluussisarfimmi nakkutilliisumit sammineqassaaq. Kikkut tamarmik malittarisassaq nutaaq malittariaqarpaat immersugassarlu S-43 eqqortumik immersortariaqarlugu. Kajumissaarigit allanik oqaasilinnut oqaluussisartut ilumoortumik suleqataanissamut sumi najugaqarnermik soqutiginarsinnaasunik katersuinermut tunngatillugu. Naggataatigut qanoq iliortoqarsinnaaneranik saqqummiusseriaatsimik piareersarluarsimasamik takutitsisoqassaaq.
Erinarsuut nr. 173 naggataarutaasumillu qinnut.
Sapaatip-akunnera 15. februaarimiit
Erinarsuut nr. 40
15 min. Nalunaarutit. Oqaluussisartoq oqaluttuartiguk atuagassianik aalajangersimasumik pajuttagaqarnermi nuannaarutissartaqarneranik, takutitsigullu pajuttakkat qanoq amerlanerulersinniarnerai. Teokratiimit nutaarsiassat.
10 min. Teokratiimut Atuarfimmut peqataalerneq qanoq iluaqutigissavarput? Atuarfimmi nakkutilliisup najuuttut peqatigalugit eqqartussavaa. Tamanut oqalugiartussanik ilinniartitsineq atuarfiup siunertariinnanngilaa. Allatigut aamma iluaqutaavoq. (Takuuk ’Skolehåndbogi’, qup. 12 13-ilu.) Inuit oqaloqatigisalernissaannik ilinniartinneqartarpugut. Nakimaatsuunermik oqimaaqatigiissaarinermillu ersarissumillu oqalunnermik ilinniartinneqartarpugut. Upperisarput pillugu apeqqutinut akisinissatsinnut aammalu Biibili tunngavigalugu aalajangersimasatsinnik nassuiaanissatsinnut pikkorinnerulertarpugut. Biibilimit ilisimasavut annertunerulersarput, tamatumalu ikiortarpaatigut allanut oqaluussilluarnerulernissatsinnut. Sanngiissutitta akuerinissaat unnersuussutillu ilassinissaat ilinniartarpavut, tamatumalu nassataraa allanut inussiarnernerulerneq. Atuarfiup ilinniartitsinerata ikiortarpaatigut ’pisinnaassuserput’ naapertorlugu Guutimut kiffanngorsinnaanissatsinnut. — 2 Kor. 3:5, 6.
20 min. „Ilaqutariit qanoq ilillutik suleqatigiissinnaasut — Biibilimik atuaqqissaaqatigiinnermi.“ Najuuttut peqatigalugit eqqartorneqassaaq. Napasuliaq Alapernaarsuiffik 1. juuni 1996-imoortoq, qup. 14 15-ilu, taavalu Napasuliaq Alapernaarsuiffik 1. novembari 1992-imoortoq, qup. 16 17-ilu naapertorlugit ilaqutariittut atuaqatigiinnissaannut siunnersuutit malinniarneri qanoq ingerlanersoq apersorneqassapput. Ilaqutariit tamaasa kajumissaakkit siunnersuutit eqqaaneqartut malinniaqqullugit.
Erinarsuut nr. 57 naggataarutaasumillu qinnut.
Sapaatip-akunnera 22. februaarimiit
Erinarsuut nr. 170
10 min. Nalunaarutit.
15 min. Inissiarsuarni oqaluussineq. (Sumiiffigisassinni inissiarsuit amerlanngippata, ilanngutassiaq „Hvorfor notere ’ikke-hjemme-besøg’?“ Rigets Tjeneste maaji 1995-imoortoq sammineqassaaq.) Oqaluussisartut marluk imaluuniit pingasut oqaloqatigineqassapput. Oqaluussineq ajornartupilussuuvoq inissiarsuarni oqaluutikkut tamaallaat oqaloqatigiissinnaagaanni. Siunnersuigit qanoq ililluta soqutiginnilersitsisinnaanersugut. Imminut qanittumi najugalittut ilisaritigit; allagarsiussami atia allaqqappat atoruk; arlaannik soqutiginartumik eqqartorusutannik eqqaasaqarit imaluunniit ’Ræsonnerbog’-imiit qup. 9-15-mit aallarniummik atuaagit; oqarit naqitaaraq atuagassiaq brochuriluunniit tunniukkusullugu apeqqummik pingaarutilimmik akisisoq, apeqqullu sunaanersoq eqqaajuk. Naapitsinissamik periarfissaqarpianngippat, allakkat atorneqarsinnaapput, imaluunniit inissiarsuup eqqaani aqqusinermi isaariaaniluunniit oqaluussisoqarsinnaavoq. Oqarasuaat atorneqarsinnaavortaaq tamatumuunalu inissiarsuarni ineqartut tusarlerneqarsinnaapput. Oqaluussiffigisartakkassinni kinguneqarluarsimasumik takutitsigit.
20 min. Qanoq ililluni ajoqersuganngortitsinermi nuannaarnerulertoqarsinnaasoq. Oqalugiaat Napasuliaq Alapernaarsuiffik 1. marsi 1996-imoortoq, qup. 19-22-mut najoqqutaralugu.
Erinarsuut nr. 91 naggataarutaasumillu qinnut.