Aggustimi kiffartornermut tunngasumik ataatsimiinnerit
Sapaatip-akunnera 2. aggustimit
Erinarsuut nr. 39
10 min. Nalunaarutit. Guutip Naalagaaffianut Kiffartorneq-mit toqqakkat. Oqaluussinermi misigisanik oqaluttuarit.
17 min. „Jehovap aqqa nersornartoq naalannartiguk.“ Aallarniinerit minutsi ataasiinnaatiguk. Allaaserisaq apeqqutinik akissutinillu sammiuk. Allassimaffiit erseqqissakkit. — Takuuk pâratîsime nuname nâgssáungitsumik inûsínauvutit, quppernerit 184-185.
18 min. „Ilinniagaqarnerit anersaakkullu anguniakkatit.“ Ataataasup ernini paniniluunniit peqatigalugu allaaserisaq oqaloqatigiissutigissavaat. Aamma takuuk Vågn op! 22. decembari 1995, quppernerit 7-11.
Erinarsuut nr. 148 naggasiillunilu qinuneq.
Sapaatip-akunnera 9. aggustimit
Erinarsuut nr. 138
8 min. Nalunaarutit. Ilagiit naatsorsuutaat sammineqassapput. Qatanngutit tukkornerat pillugu nersualaakkit, eqqaasikkillu unnuk manna ilagiit nakkaatitsiviannut nakkartinneqartut Europap Kangiani sulinermut atorneqassammata.
12 min. Pioneerit allanik ikiuipput — siuariarnernik sunik kinguneqarsimava? Kiffartornermut nakkutilliisumit oqalugiaat apersuinerlu. Guutip Naalagaaffianut Kiffartorneq-mi septembari 1998-imoortumi qupperneq 4-mi ilitsersuutit sammineqassapput. Ilagiissinni qanoq aaqqissuunneqarsimanersut, qanoq ingerlanersoq ilaasalu siuariarnissamut qanoq iluaqutigisimaneraat oqaluttuartikkit. Pioneerit ataaseq marlulluunniit oqaluussisartullu ikiorneqarsimasut ilaat apersukkit. Ilagiinni pioneereqanngippat ilagiinni pisariaqartitat naapertorlugit piareersartoqassaaq.
25 min. „Maannakkut pioneerinngorsinnaavit?“ Apeqqutit akissutillu. Utoqqaanertamit aqunneqassaaq. Amerlanerusut pioneerinngorsinnaanerannut periarfissat isumalluartumik eqqartukkit. Akornutaasut anigorlugit pioneeritut sulinermi aallartissinnaasimasunik apersugaqarit. „Pioneeritut kiffartornermut pilersaarutinut assersuutissat“ sammikkit erseqqissarullu piareersarluarnikkut nalunaaquttap akunneri piumasaqaataasut anguneqarsinnaammata. Pioneerinngornissamut qinnuteqaammik immersugassamik perusuttut ataatsimiinnerup kingorna pisinnaapput.
Erinarsuut nr. 202 naggasiillunilu qinuneq.
Sapaatip-akunnera 16. aggustimit
Erinarsuut nr. 131
10 min. Nalunaarutit. Tamaasa kajumissaakkit aggustimi sapaatip akunnerata naaneri kingulliit marluk oqaluussinermi peqataaqqullugit. „Ullormut ataatsimeersuarfiusumut immikkut ittumut saqqummiussassat nutaat“ oqaluuserikkit.
20 min. „Inuunerup illernassusianut ataqqinninneq — nammineq akisussaaffipput.“ Ilinniartitsillaqqissumit aqunneqassaaq. Oqalugiaat ilaatigut najuuttunit peqataaffigineqartoq. Allaaserisaq atuarneqaqqaassaaq. Allassimaffiit pingaarnersaallu erseqqissarneqassapput. Kingornalu apeqqutit uku najuuttunut apeqqutigineqassapput: Silarsuarmi inuppassuit inuunerup illernassusianut ataqqinninngissuseq qanoq ersersittarpaat? Oqaaseqatigiinni makkunani suna pineqarpa: ’Inuunerup illernassusianut isiginnittaaserput ulluinnarni inuunitsinni ersersittariaqarparput — taamaanngippat isumaqarnerput kinguneqaranilu siunertaqassanngilaq’? (Atuaruk Ataasiussuseqarlutik Guutimik ilumoortutuamik pallorfiginnittut qupperneq 156, §6) Pissutsit suut allat isumaqartilersinnaavaat taamaallaat aalersortinnermut tunngasuni inuuneq illernartutut isumaqarfigisaripput? (Aqqusinermi sukkassusissamut killigititat, biilernermi qitequtip atortarnera, biilip navianaatsuunera, imigassartorsimalluni biilerneq, timersuutit navianartut, angallannermi navialinnginnissamut piumasaqaatit allarpassuillu). Naggataatigullu pingaarnerusut ilaqutariinni, atuakkamillu atuaqqissaarnissami tulliuttumi oqaluuserinissaat kajumissaarutigineqassaaq.
15 min. Ajoqersuganngortitsilluni sulinermi peqataasarpit? Najuuttut peqatigalugit oqaluuserineqassaaq. Biibilimik atuaqateqartalernissaq anguniagaraarput inoqativut atuakkanik atuagassianillu tigusimasaminnik iluaqutiginnilernissaannut ikiorniarlugit. Oqaluusisartut oqaaseqartikkit amerlanerusunik Biibilimik atuaqateqarnissamut akornutigisaat pillugit: (1) Atuaqqissaarusuttunik nassaarnissaq ajornakusoorsinnaavoq. (2) Soqutiginnittut ilaat oqartarput ulapippallaarlutik. (3) Atuaqqissaaqateqarneq aallartinneqareerpat, ajornakusoorsinnavoq atuaqqissaaqatigiligaq angerlarsimatillugu nammattoornissaa akuttoqatigiimmillu atuaqqissaaqatiginissaa. Oqaluussisartut ilaasa Biibilimik atuaqqissaaqateqarnissamut isumaqarfiginninnerat taajuk: (1) ’Allanik ilinniartitsinissannut pikkorluppallaarpunga.’ (2) ’Sapaatip-akunneri tamaasa atuaqqissaaqateqarluni aqutsinissamut piffissaqanngilanga.’ (3) ’Allanut akisussaaffeqarnissaq pinngitsoorusunneruara.’ (4) ’Oqaluussinermi suliassanut allanut peqataanissara naammagivara.’ Akornutaasut tamakkua anigorniarnissaannut isumalluartumik siunnersuuteqarit. Oqaluussisartut naammassisaqarluarsimasut Biibilimik atuaqqissaaqatitaarniarluni sulinerup nuannissusianik misigisimasaannik oqaluttuartikkit. — Takuuk Guutip Naalagaaffianut Kiffartorneq apriili 1998, qupperneq 3-4, immikkoortoq 3-8-mut aamma 15.
Erinarsuut nr. 100 naggasiillunilu qinuneq.
Sapaatip akunnera 23. aggustimit
Erinarsuut nr. 94
10 min. Nalunaarutit.
15 min. Soqutiginnilerlaat aappariinneq aaqqissuussaasoq illernartoq paasinninnissaannut ikiukkit. Utoqqaanertap najuuttut peqatigalugit ’Ræsonnerebog’-imi qupperneq 423-mit 425 ilanngullugu allassimasut oqaloqatigiissutigissavaa. Sallusuissummut soqutiginnittut ilaat siuariartorneq ajorput katissimanatik inooqatigiikkamik. Oqaluuserisiuk qanoq ikiorneqarsinnaanersut paasinnilersillugit sooq kristumiut aappariinnerup aaqqissugaaneranik ataqqinninnermik takutitsisariaqaartut. (Takuuk Vågn op! 8. januar 1992-imoortumi quppernerit 26 27-lu). Siunnersuuteqarit periaaserissumik iliuuseqarluni qanoq paasitinneqarsinnaasut ilagiinnut ilaalersinnaanngitsut aappariittut allagartaqalertinnatik.
20 min. ’Buddasiortumut qanoq oqaaseqarsinnaavit?’ Apeqqutit akissutillu. Inunnik upperisarsiortunut kristumiuunngitsunut ilaanerartunik naapitaqaraangatta, qanoq oqassanerluta nalusarparput. Allaaserisaq una saqqummertussani sisamani tamatuminnga sammisaqartuni siullersaavoq. Piareersarluakkamik takutitaqarit. Buddasiorneq pillugu paasissutissanik amerlanerusunik nanisisoqarsinnaavoq Rigets Tjeneste-imi februaari 1998-imoortumi, qupperneq 5-imi; ’Ræsonnerebog’-imi, qupperneq 21-imi, aamma Menneskets søgen efter Gud-imi, kapitali 6-imi.
Erinarsuut nr. 133 naggasiillunilu qinuneq.
Sapaatip-akunnera 30. aggustimit
Erinarsuut nr. 99
10 min. Nalunaarutit. Oqaluussisartut oqaluussinermik nalunaarutiginissaannik eqqaasikkit.
17 min. Qatanngutivut asavavut. Utoqqaanertamit oqalugiaat. Napasuliaq Alapernaarsuiffik 1. decembari 1995-imoortumi quppernerit 16- 17-ini immikkoortut 7-imit 11 ilanngullugu najuuttut peqataallutik oqaluuserineqassaaq. Erseqqissaruk immitsinnut ilisarisimalluarnitta, immitsinnut qiimmassarlutalu misilinneqarnitsinni ikioqatigiittarnitta qanoq naleqartigissusia. Annertunerusumik tamanna qanoq iliuuserineqarsinnaanersoq siunnersuuteqarit. Tusarnaartut allat qiimmassaanerannit nakussatsinneqarsimanerminnik misigisaannik oqaluttuartikkit.
18 min. Neriugisat sunut tamanut illersoruk. Utoqqaanertap atuartut inuusuttuaqqat ataaseq marlulluunniit apersussavai. Inuusuttortavut akuttunngitsunik atuarfimmi allanik namminneq sammisamik ilaannut sooq peqataarusunnginnerannik paasinnikkusuttunik naammattuugaqartarput. Inuusuttortavut kalitaajumanatik aalajaalluartuusariaqarput, periarfissatillu pilersinneqartut atorluartariaqarpaat iliuutsimik Biibilimik tunngaveqartut nassuiarnissaannut. Oqaloqatigiissutigissavaat tupamik ikiaroornartumilluunniit neqeroorfigineqarunik qanoq qisuariarsinnaanerlutik. Atuakkami Unge spørger — Svar der duer-imi quppernerni 277-imit 81-imut allassimasut issuaavigikkit. Nassuiaruk qanoq eqqortumik iliorniarluni aalajangernerup illersornera illersuutaallunilu nalunaajaataalluartuusoq.
Erinarsuut nr. 129 naggasiillunilu qinuneq.