Septembarimi oqaluussinermut tunngasumik ataatsimiinnerit
Sapaatip-akunnera 6. septembarimiit
Erinarsuut nr. 190
15 min. Nalunaarutit. Guutip Naalagaaffianut Kiffartorneq-meersunit toqqakkat. Siorna oktobarimi qassit ikiorti-pioneeriusimanersut ukiorlu manna oktobarimut manna tikullugu qassit nalunaarsimanersut taajuk. Ajunngitsumik ineriartornartumillu tamaasa kajumissaakkit periarfissatik eqqarsaatigeqqullugit. Nalunaaquttap akunnerinik piumasaqaat nutaaq atorlugu ikiorti-pioneeriusimasoq ikiorti-pioneerioqqittussarlu apersoruk. Oqaluttuartiguk qanoq nalunaaquttap akunneri anguniagassat angujuminarnerulersimasut soorlilu ikiorti-pioneeriuniarluni nalunaaqqissimanersoq.
15 min. „Oqaluussinerup siunertaa eqqumaffigaajuk?“ Allaaserisaq apeqqutinik akissutinillu sammineqassaaq. ’Organisationsbog’-imit isummanik quppernerni 85-imi 86-imilu allassimasunik ilanngussaqarit. Tamaasa kajumissaakkit oqaluussinermi peqqissaartuullutik ilungersuussinertik ingerlatiinnaqullugu.
15 min. „Angajoqqaat — qitornassinnut maligassaalluaritsi.“ Naatsumik aallarneereerluni utoqqaanertap ilaqutariinni ataataasut marluk peqatigalugit allaaserisaq oqaluuserissavaat. Saqqummiutissavaat atuarfimmi, tv aqqutigalugu, ilaquttallu uppeqatiginngisat allallu, qitornaminnik ajortumik sunniisinnaanerannut aarlerinertik qanorlu illersorsinnaaneritik. Tassunga atatillugu qatanngutit unnersuutigissavaat ataqqinninngitsumik isumaqarnerit, silamiutut oqaaserisat, isikkulunneq aliikkusersuutillu ajoqutaasinnaasut. Maligassiuilluarnissap pisariaqartinneqarnera oqaluuserereerlugu, ilaqutariittut atuaqatigiittarnerup, ilagiit ataatsimiinnerisa kiffartornerullu nuannarineqarnerulernerata pilersinnissaa oqaluuserissavaat. — Takuuk Napasuliaq 1. juuli 1999, quppernerit 10-27 aamma Vågn op! 22. septembarimeersoq 1991, quppernerit 8-9.
Erinarsuut nr. 101 naggasiillunilu qinuneq.
Sapaatip-akunnera 13. septembarimiit
Erinarsuut nr. 171
8 min. Nalunaarutit ilagiillu naatsorsuutaat.
12 min. Ukioq qaangiuttoq qanoq ingerlasimava? Oqaluussinermut nakkutilliisumit oqalugiaat. Ukiumi oqaluussiffiusumi 1999-imi ilagiit nalunaarusiaanni angusaqarfiulluarsimasut erseqqissakkit. Ilagiit naammassisat pillugit nersualaakkit. Siuariarfigisinnaasaat erseqqissakkit. Ataatsimiinnernut peqataasarnerup Biibilimillu atuaqqissaaqateqartarnerup qanoq ingerlanerat eqqartoruk. Ukiumi aggersumi piviusorsiortumik anguniagassanik taasaqarit.
10 min. ’Hindusiortoq qanoq oqaluussiffigissaviuk?’ Apeqqutit akissutillu. Soorli allaaserisaq Danmarkimiittunut tungassuteqarpa? Assigiimmik tunngaveqarnerup iluaqutaanera pingaarnerutiguk, erseqqissarullu suut hindusiortorlu isumaqatigiissutigisinnaassagunarivut. Oqaluussisartoq piareersarluarsimasoq hindusiortumut qanoq oqaluussinissamik takutitsisiguk. Hindusiorneq pillugu paasissutissat amerlanerusut nanisinnaavatit Rigets Tjeneste februaari 1998-imoortumi quppernerit 5-6, ’Ræsonnerebog’-imi qupperneq 22, aamma Menneskets søgen efter Gud, kapitali 5.
15 min. Aap akuinik sanaanut aammullu taarsiullugu atorneqartartunut tunngatillugu qanoq aalajangersimavit? Ilinniartitsillaqqissumit oqalugiaat. Apeqquteqarfimmi immikkoortoq 5-imi innersuussutitut taaneqartut piareersaatitut atuakkit. Oqalugiaatissatut siunnersuut nakkutilliisumut siulittaasumut nassiunneqarsimasoq qatanngutip utoqqaanertap maleqqissaassava.
Erinarsuut nr. 140 Naggasiillunilu qinuneq.
Sapaatip-akunnera 20. septembarimiit
Erinarsuut nr. 193
10 min. Nalunaarutit. Oqaluussinermi misigisanik oqaluttuarit. Eqqaajuk oktobarimi ikiorti-pioneeriuniarlutik manna tikillugu qassit nalunaarsimanersut.
17 min. „Soraarnertut — Pioneeritut kiffartorneq!“ Apeqqutit akissutillu. Allaaserisami pingaarnerit makku erseqqissarneqassapput: Utoqqalinersiuteqartutut pigineqartarput 1) piffissaq, 2) aningaasaqarneq, 3) misilittakkat aamma 4) pingaartumik ajunngitsumik sammisaqarnermik iluaqutiginninneq. Ajornanngippat utoqqalinersiutilik imaluunniit suliunnaarnersiutilik pioneeriusoq apersoruk. Aperiuk soorli pioneerinngorniarluni nalunaarsimanersoq qanorlu iluaqutigisimaneraa.
18 min. ’Skaberbogi’ atorluaruk. Oqalugiaat takutitsinerlu. Guutip Naalagaaffianut Kiffartorneq-mi apriili 1999-imoortumi atuarsinnaasimavarput ukiup ingerlanerani sukkulluunniit atuagaq Findes der en Skaber som interesserer sig for os? neqeroorutigisinnaagipput inunnut (1) Guutimik upperisaqanngitsunut imaluunniit (2) Guutimut uppertunut kinaassusianilli sunillu piginnaassuseqarneranik qanorlu siunertaqarneranik iluamik paasinnissimanngitsunut. Atuakkap ungaluata tunuani apeqqutit oqaaseqaatillu eqqarsalersitsisut soqutiginnilersitsiniarnermi atorneqarsinnaapput. Aamma qupperneq 152 atorneqarsinnaavoq. Oqaluussisartoq assersuutigalugu ima oqarsinnaavoq: „Silarsuarmi ajornartorsiutit qanoq aaqqinnissaannut siunnersuutit pitsaanerpaat sumi nanisinnaavavut?“ Pulaakkamut takutinneqarsinnaavoq inuit ataqqisaasut Jesusip qaqqami oqaluusaanik iluarisimaarinnillutik oqaaserisimasaat, qinnuigalugulu immikkoortut kingulliit arfineq- marluk ilaat soqutiginerusaa toqqaqqullugu, taavalu allassimaffiit ilanngunneqarsimasut ilaat atuarlugit. Takutiguk ’Skaberbogi’ neqeroorutigigaanni siunnersuutit taakkua marluk qanoq atorneqarsinnaanersut. Tamaasa kajumissaakkit oqaluussinerminni atuagaq nassartaqullugu qanoq ilisukkulluunniit neqeroorutigisinnaajumallugu.
Erinarsuut nr. 175 naggasiillunilu qinuneq.
Sapaatip-akunnera 27. septembarimiit
Erinarsuut nr. 141
13 min. Nalunaarutit. Oqaluussisartut oqaluussinermik nalunaarusiornissaannik eqqaasikkit. Tamaasa kajumissaakkit oktobarimi atuagassiat atorlugit sulinermi pisinnaasartik tamaat peqataanissamut pilersaarusioqqullugit. Guutip Naalagaaffianut Kiffartorneq-mi oktobari 1996-imoortumi qupperneq 8-mi qanoq atuagassiat imarisaat takutissinnaanerigut siunnersuutit ilaat saqqummiutikkit. Atuagassiani nutaani imarisaasa ilaannik nuannersunik toqqaagit naatsunillu ataatsimik marlunnilluunniit takutitaqarit qanoq atorneqarsinnaanersut. Ullormi immikkut oqaluussiffimmi ilagiit pilersaarutaat oqaluttuarikkit qiimmaallannartumillu tamaasa peqataaqqullugit kajumissaakkit. Aqqusinermi oqaluussineq pingaarnerutinneqassaq, ilagiinnilu kiffartortut utoqqaanertallu aalajangersimapput oqaluusseriaatsimi tamatumani aamma maligassiuisuuniarlutik. Naggataatigullu oktobarimi ikiorti-pioneeriusussat aqqi taakkit.
20 min. Apeqquteqartarfik. Oqalugiaat takutitsinerillu. Utoqqaanertamit sapaatip-akunnera 13. septembarimiit saqqummiussisimasumit saqqummiunneqassaaq. Qatanngutip utoqqaanertap oqalugiaatissatut najoqqutassiaq immikkoortortaqarfimminngaaneersoq maleqqissaassavaa.
12 min. „Europap kangiani pallorfiginninneq ilumoortoq siuarsarneqarpoq.“ Utoqqaanertap apeqqutinik akissutinillu saqqummiussineq siulersussavaa.
Erinarsuut nr. 87 naggasiillunilu qinuneq.