Oktobarimi oqaluussinermut tunngasunik ataatsimiinnerit
Sapaatip-akunnera 4. oktobarimiit
Erinarsuut nr. 147
12 min. Nalunaarutit. Guutip Naalagaaffianut Kiffartorneq-mit nalunaarutit qinikkat. Ulloq immikkut oqaluussiffiusoq qanoq ingerlanersoq eqqaajuk, ilagiillu ataatsimut angusarisimasaat oqaatigikkit. Ataatsimik marlunniluunniit misigisalikkersaarit, ajornanngippat aqqusinermi oqaluussinermit. Piareersarluagaassaaq.
15 min. „Guutip oqaasia siulittuutaasoq piviusunngussaaq.“ Aallarniummut minutsi ataaseq atoruk. Allaaserisaq apeqqutileruk akissutinillu sammineqassaaq. Atuakkamit nutaamit paasissutissat ilaat nalitta pingaaruteqarneranik ersersitsisut erseqqissakkit.
18 min. Atuagassianik atuinissannik eqqumagit. Ilagiit qaammammi kingullermi tunniussaasa amerlassusiat eqqaajuk. Peqatigiiffimmit tikisitassi amerlaqatigaat? Nikingassutaat annertuppat qanoq iliortoqarsinnaava? Tusarnaartunut uku oqaaseqarfigitikkit: (1) Oqaluussisartut tamarmik immikkut atugassanik naammattunik ingasaannagilli piniartassapput. (2) Arfininngorneq aalajangersimasumik atuagassianik agguaanermut atortaruk. (3) Qaammatit tamaasa atuagassianik agguaaqataanissannut pilersaaruteqartarit. (4) Torrutiinnarlugu oqaloqateqarnissannut atuagassiat aallarniutitut atornissaat misilittaruk. (5) Atuagassiat aalajangersimasunik sammisallit ilinniagaqarsimasut inuutissarsiuteqartullu immikkut soqutigisinnaasaannik taakkununnga neqeroorutigikkit. (6) Atuagassianik tunniussaqaraangavit eqqorluartunik aallattuisarit, atuagassianillu nutaanik takkuttoqaraangat pajuttarnerisigut akuttoqatigiinnik pajuttagaqalerlutit. (7) Atuagassiat nutaanngitsut atorluartakkit katersukkatit amerlavallaaleqqunagit. Atuagassiat nutaanerpaat takutikkit, imaannillu soqutiginnilersitsisinnaasunik qinersigit. Oqaluussisartoq inersimasoq inuusuttorlu immikkut naatsumik atuagassianik saqqumiussisunik takutitsisikkit. — Takuuk Rigets Tjeneste septembari 1995-imi ilanngussaq.
Erinarsuut nr. 105 naggasiillunilu qinuneq.
Sapaatip akunnera 11. oktobarimiit
Erinarsuut nr. 194
10 min. Nalunaarutit. Ilagiit naatsorsuutaat. Qatanngutit tukkortuunerannik nersualaakkit, eqqaasikkillu unnuk manna ilagiit nakkaatitsiviannut nakkartinneqartut Europap Kangiani Guutip naalagaaffiata sulineranut tunissutigineqassasut. Oktobarimi immikkut suliniuteqarnermit migisalikkersaarit.
20 min. Pioneeritut kiffartorneq siunertaralugu pilersaarusiorit. Pioneerinut, ikiorti-pioneerinut pioneeriunissamillu soqutigisaqartut juunimi ataatsimiitinneqarmata allaaserisaq ataatsimiissutigineqartoq tunngavigalugu oqalugiaat. Ilagiinni pioneerinngorlaat ilaat apersoruk. Aperiguk: Suut isumaliutigalugit pioneerinngorniarlutit nalunaarsimavit? Qaangertariaqakkannik akornuteqarsimavit? Nalunaaquttap akunnerinut anguniagassannut pilersaarutitit qanoq isikkoqarpat? Pioneeritut kiffartornermit suna ilimagaajuk? Qanoq iliorluta ikiorlutillu tapersersorsinnaavatsigit?
15 min. „Ataatsimiinnernut najuuttarnerput nuannernerusunngorsinnaasoq.“ Apeqqutit akissutillu. Aalajangersimasunik eqqaasaqarit ataatsimiinnitsinni sukkut immitsinnut eqqumaffigeqatigiillutalu qiimmassaqatigiittariaqarnersugut. Tusarnaartut misilittakkatik oqaluttuarilissuk.
Erinarsuut nr. 152 naggasiillunilu qinuneq.
Sapaatip-akunnera 18. oktobarimiit
Erinarsuut nr. 196
15 min. Nalunaarutit oktobarimilu kiffartornermit misilittakkat.
10 min. „Nuunniarpit?“ Allatsimit oqalugiaat qiimmannartoq. Oqaluussisartut ilagiinnut allanut nuussagunik pisariaqarpoq ilagiinni nuuffimmi aallartilluarnissaq. Nuunnialeranni utoqqaanertat nalunaarfigineqarnissaasa ilagiillu nuuffigisassat attaviginissaannut ikioqqunissaata pingaaruteqarnera erseqqissaruk.
20 min. „Pioneeritut kiffartorneq — inuusuttutut.“ Ineriartuutaasumik isumalluarnartumillu ataatsimeeqataasut peqatigalugit sammineqassaaq. Pioneeriunermut eqqortumik ajunngitsumik tunngaveqarnissap pingaaruteqassusia erseqqissaruk. Arlaannaalluunnit misigisariaqanngilaq pinngitsaalisaalluni, tamattali periarfissavut isumaliugisariaqarpavut. Pioneeriunerup iluaqutissartai pingaarnerutikkit. Ilagiinni inuusuttunik pioneereqarpat imaluunniit inuusuttuutillutilli pioneerinngorsimasoqarpat apersorneqarsinnaapput allaaserisap pingaarnersai oqaaseqarnerisigut erserqqissarneqaqqullugit.
Erinarsuut nr. 142 naggasiillunilu qinuneq.
Sapaatip-akunnera 25. oktobarimiit
Erinarsuut nr. 179
10 min. Nalunaarutit. Kiffartorfimmit misigisalikkersaarneq.
10 min. Novembarimi atuagassiaaraq Guutip sumik piumaffigaatigut? imaluunniit atuagaq ’Ilisarsineq’ neqeroorutiginissaannut oqaluussisartut piareersartikkit. Aallarniut una atorneqarsinnaavoq: „Ullumikkut nerisassat pitsaasut, tassa akoorneqanngitsut, asiunaveersaateqanngitsut nerissallugit noqqaassutigineqarnerulersimavoq. Eqqarsaatiginikuuiuk upperisarsiornerup iluani ilumoortumik akusaanngitsumik nassaassaqarnersoq?“ Matîuse 7:15-20-mi allassimasoq takutinneqarsinnaavoq. Takutiguk aallarniut taanna neqeroorutinnut qanoq atatinneqarsinnaanersoq.
25 min. „Aalersortinneq pillugu apeqqutit qanoq akineqassasut.“ Allaaserisaq apeqqutinik akissutinillu sammineqassaaq. Oqalugiartup akissutigineqartut oqaluuserisamut ilaliuttassavai. Marlunnik takutitsisoqassaaq apeqqutit siuneqartumik akineqarsinnaanerannik takussutissartalinnik. Apeqqutit, akissutigineqartartut takutitsinerillu nakkutilliisut siulittaasuannut allakkatigut nassiunneqartartut atukkit.
Erinarsuut nr. 151 naggasiillunilu qinuneq.