Pioneeritut kiffartorneq — anaanatut
1 „Misigisiuk takusiullu [Jehova] avaaginnittuusoq.“ Taamatut David Jehova pillugu oqarpoq ulluni nukissanik immikkut pisariaqartitsinermini, taamatuttaaq oqarput pioneerit ullorpassuit ingerlanerini taassumannga immikkut ittumik annertoqquteqartut. Minnerunngitsumik qatanngutit arnat aallussilluartut amerlaqisut uitik meeqqatillu isumagiitigalugit pioneerinngorsimasut eqqaaneqartariaqarput. Qanoq iliortarpat? Ilaat qanoq iliortarnersut tusarusuppiuk? Qallunaap pioneeriullunilu anaanasup ulluinnarni ulapputigisartagaanik ersersitsilluartunik allakkanik tigusisimavugut:
2 „42-nik ukioqarpunga ukiullu 23-t katissimallunga. Uiga ilagiinni utoqqaanertaavoq, pingasunillu meeraqarpugut nukarlersaat tallimanik ukioqarluni. Uigalu ikiorteqarnataannertunngitsumik asaaffiuteqarpugut. Sapaatip akuneranut marloriarlunga assigiinngitsunik marlunnik asattagaqarpunga. Ukiut qulit pioneeriuvunga suli pioneeriunnginninni ukioq ataaseq ingerlatiinnarlugu ikiorti-pioneeriusimallunga. Pioneeritut kiffartorneq kiffartorneruvoq nuannersoq tamanut kajumissaarutigerusuppaara, inuusuttunut utoqqarnullu, aappariinnut kisimiittunullu. Ukiut taakku pioneeriuffigisakka ilumut inuunerma nuannernersaraat.
3 Sapaatip-akunnerani kiffartornera ima ingerlasarpoq: Ulluinnaat tamaasa nal. 8.00 aqqusinermi oqaluussinera aallartittarpara. Angerlarsimaffinni arlaannik suliaqareersimagaangama tamanna qasuernarpoq. Taava nal. 9.00-mit nal. 12.00-mut nalinginnaasumik oqaluussisarpunga. Ataasinngornermi ualikkut paniga atuaqqissaaqatigisarpara. Arfininngornermi gruppeqatigiilluta kiffartoqatigiittarpugut, arfininngornerlu allortarlugu ullaakkut oqaluussinerma aqqusinermi allartinnissaa ingerlanniarsarivara. Pilersaarusiaq tamanna iluariqaara, qaqutigorujussuaq ulapillunga misigisarpunga.
4 Ilaqutariinni ataatsip pioneeriusinnaanera nuanareqaara; taamaattoqarsinnaaneranut tamavimmik peqataasariaqarput, ilaqutariillu tamarmik pioneeritut anersaaqarnermik sunnerneqartarput. Tamanna pillugu panissuarput 20-nik ukiulik pioneeritut kiffartulernissani anguniagariuarsimavaa maannalu ilinniagaqareerluni, 1999-mi septembarip aallartinnerani pioneeritut kiffartulertussaalluni. Ernerput, maanna qarmaasutut ilinniartoq, arlaleriarluni ikiorti-pioneeriusarsimavoq.
5 Taamani pioneeritut aallartikkama, meeqqat ullup ilarsua atuarnerisa nalaani pisussatut pilersaarutiga aqqissuuttarparaa. Qatanngumminit nukarliuneruqisumik meerartaartussanngoratta tamanna siunissami qanoq aaqqissuutissanerlugu pissanganartissimavarput, kisianni tassa aalajangiussimavarput pioneeritut kiffartornera ingerlatiinnassagiga; ukiorli ataaseq erninerma kingorna pioneeriunngikkallarsimavunga. Meeraaraateqaraluarluta pioneeritut kiffartornera ilimagisannit ingerlalluarneruvoq. Soorunami pilersaarusiorluarneq ilaquttanit ikinngutinillu tapersersorneqarneq pisariaqarsimavoq, tamavimmilli ikiuiumatusimaqaat.
6 Pioneerinngunngikkallrama isumaqartuarsimagaluarpunga pioneeriugaanni atuaqqissaarnissamut ataatsimiinnernullu piareersarnissanut piffissaaleqinassasoq, kisianni isummama akerlerluinnaanik pisoqarpoq. Siornangornilli aatsaat taama atuaqqissaarnissannut periarfissaqartigaanga; suut tamaviisa ilisimarusuppakka. Pioneeriunerup iluaqutissartai erseqarilluinnarput, kisianni aatsaat pioneeriunermi tamakkiisumik misigineqarsinnaapput. Oqaluussisartut tamarmik ukioq ataaseq pioneeriullutik, misilittariaqaraluarpaat, ukioq ataasiinnaq naammannginavianngilaat — kisianni aatsaat taamaaliorunik tamanna paasissavaat .
7 Neriuutigaara qinutigiarlugulu naggatissaq tikivillugu pioneeriusinnaanissara, taamaatissagaluarumalu ukiut taakku nuannaarllunga kingumut eqqaamajuartussaavakka, pioneeritummi anersaaqartuartoqarsinnaavoq, aningaasaqarnerup peqqissutsillu tamanna kipitissinnaanngilaa.“
8 Aap, qatanngut arnaq ulluinnarni inuunini pillugu taamatut allappoq, ersaripporlu Jehovap avaaginnittuunera misigisimagaa. Anaanaalluni pioneerineq unamminiarnartuusinnaavoq, soormi periarfissaq eqqarsaatigeqqissaangiliuk? Immaqa taava qatanngutitut qulaani taaneqartutut ukioq ataaseq pioneeriuneq „kuultitut naleqartigisoq“ misigissagaluarpat.