Decembarimi oqaluussinermut tunngasumik ataatsimiinnerit
Sapaatip-akunnera 6. decembarimiit
Erinarsuut nr. 207
10 min. Nalunaarutit. Guutip Naalagaaffianut Kiffartorneq-meersunit qinikkat.
20 min. „Pioneeritut kiffartorneq — aappariittut meeraqanngitsutut.“ Apeqqutinik akissutinillu sammineqassaaq. Ilagiinni taamaattunik pioneereqarpat apersorneqarsinnaapput. Erseqqissaruk sooq imminut, ilagiinnut oqaluussiffigisartakkanullu taama pingaaruteqartigissasoq taamattut amerlanerusut pioneerinngorsinnaagaluarpata. Kinaluunniit pinngitsaalineqartutut misigissanngilaq, kisianni periarfissat pissutiginiakkallu isumaliutiginissaat pitsaassaaq.
15 min. „Jehovap kinaassusersiunnginnera malissiuk.“ Aallarniinerit minutsimik ataatsimik sivisunerussanngilaq, taava allaaserisaq oqalugiaatigiuk najuuttut peqataatillugit. Immikkut ilinniagalinnut atuagassiaatitta agguaannisaannik suliniuteqartoqassappat kiffartornermut nakkutilliisumit aaqqissorneqartussaasoq, aammalu oqaluussisartut immikkut qinikkat kisimi taamatut suliakkerneqartussaasut erseqqissaruk. Oqaaseq kinaassusersiunngitsoq qanoq paasisariaqarnersoq aammalu Jehova qanoq kinaassusersiunngitsoq taavalu uagut kiffartornitsinni qanoq ililluta malissinnaagipput nassuiaruk. — Takuuk Indsigt i Den Hellige Skrift, atuagaq 2 qup. 1083-imi, imm. 8-mit qup. 1084-imi, imm. 1-mut.
Erinarsuut nr. 218 naggasiillunilu qinuneq.
Sapaatip-akunnera 13. decembarimiit
Erinarsuut nr. 168
13 min. Nalunaarutit. Ilagiit naatsorsuutaat. Qatanngutit tukkortuunerannik nersualaakkit, eqqaasikkillu unnuk manna ilagiinnut tunissutit-nut nakkartut Europap Kangiani Guutip naalagaaffiata sulineranut tunissutigineqassasut. Nalliuttuni pilluaqqusinerit pissuserissumik qanoq akineqarsinnaanersut siunnersuigit. Ukiortaarsiornermut juullisiornermullu tunngatillugu Guutimik nalusut ileqquinut qanoq aalajangiussaqartugut naatsumik nassuiaruk. — Takuuk km 12/98, qup. 2.
20 min. „Aattaqanngitsumik nakorsartinneq — qinigassaq silatusaartoq.“ Allaaserisaq najuuttut peqatigalugit sammiuk. Oqalugiartussap allakkani ilanngunneqartumi paasissutissat ilanngutissavai, qulakkeertariaqarlugulu apeqqutit allakkamiittut akissutaat saqqummiunneqarluarnersut. Takutitsinerit sungiusarluagaanissaat isumagiuk.
12 min. „2000-mi Teokratiimik Atuarfik.“ Teokratiimik Atuarfimmi nakkutillisumit oqalugiaat. Aappaagu atuarfimmi sammisassat allannguutaat sammikkit. Pisassaq nr. 3 Ny Verden-Oversættelsen-imi „Bibelske samtaleemner“-ningaaniissaaq. Pisassaq nr. 4 Indsigt i Den Hellige Skrift-imit Biibilimi innuttaasumut suli tunngassaaq, ukiullu qaammataani kingullerni pingasuni pisassaq „Bibelske samtaleemner“-ninngaaniissapput. Pisassap qulequtaa (#)-mik nalunaaquteqarpat qatanngummut angummut pisassaritinneqassaaq. Sapaatip-akunneranut Biibilimik atuagassaq malinnaaffigeqqullugu pisassallu tunniunneqartut peqqissaaruteqqullugit tamaasa kajumissaakkit.
Erinarsuut nr. 220 naggasiillunilu qinuneq.
Sapaatip-akunnera 20. decembarimiit
Erinarsuut nr. 219
10 min. Nalunaarutit. Oqaluussisartut qanittukkut kiffartornerminni naatsumik ilikkarnartumillu misigisalikkersaarlit.
20 min. „Silarsuarmut isiginnaagassiaavugut.“ Oqalugiaatigineqassaaq najuuttut peqataatittarlugit. Unnersuussummi pingaarnerit erseqqissakkit: Pissuserput, atisalersoriaaserput, nujalereriaaserput qallikkullu pikeriaaserput oqaluussisartutut suliatsinnut ataqqinangaartumut ersersitsisariaqarput. Erseqqissaruk ileqqorissuujuarnissaq tamatta akisussaafigigipput, ingammilli angajoqqaat utoqqaallu tamanna eqqumaffigisariaqaraat. Silarsuup isumaanik pissusilersorneranillu pigiliussigaanni anersaakkut sanngiinnermut ilisarnaataavoq. — Rûm. 2:21, 24.
15 min. „Guuteqannginneraasunut qanoq oqassavit?“ Apeqqutit akissutillu. Amerlasuut Guutimut upperunnaarnerannut pissutaasut assigiinngitsut eqqaakkit. Siunnersuigit qanoq guuteqannginneraasunut saaffiginnittoqarsinnaasoq tunngavilersuutillu paasiuminartut atorlugit Pinngortitsisup piuneranik paasitillugit. Assersuutinik ataatsimik marlunnilluunniit takutitsisoqarli. Paasissutissat allat ’Ræsonnerebog’-imi quppermi 120-126-mi takuneqarsinnaapput, aamma Menneskets søgen efter Gud, kapitali 14-imi.
Erinarsuut 109 naggasiillunilu qinuneq.
Sapaatip-akunnera 27. decembarimiit
Erinarsuut nr. 166
10 min. Nalunaarutit. Ukiumi nutaami ilagiit ataatsimiittarneri allannguuteqarpata piffissani nutaani ilagiit ataatsimiinnerinut ataatsimiigiartarnissaannut tamarmik kajumissaarneqassapput. Allannguuteqartoqarpat oqaluussisartut eqqaasikkit atuaqqissaaqatigisartakkat, soqutiginnittullu allat tamatuminnga paasiteqqullugit, allagartaaqqallu ataatsimiiffissanik eqqortunik allassimasut atorneqarlit. Eqqaasitsigit decembarimut oqaluussisimanermik nalunaaruteqarnissamik. Qaammammi matumani oqaluussinermit naatsumik ilikkarnartumillu misigisalikkersaarit.
20 min. „Tusariinnginnerparput?“ Oqalugiaat najuuttut peqatigalugit. Paasisaqarnerulernerminnut sallusuissummillu pingaartitsinerulernerminnut uteqqiinerit qanoq ikiorsimagaatsik oqaluttuartitsigit. — Takuuk Vagttårnet, 15. juuli 1995 qup. 21-22, aamma 15. aggust 1993 qup. 13-14, immikoortut 10-12.
15 min. Januaarimi atuakkat pisoqaanerusut neqeroorutigikkit. Oqalugiaat takutitsinerillu. Atuakkat pisoqaanerusut marluk pingasulluunniit takutikkit, oqaluussisartullu kajumissaakkit oqaluussigaangamik atortaqqullugit. (Ilagiit atuakkat taakku piginngippatigik atuakkat Livet — hvordan er det kommet her? Ved en udvikling eller en skabelse? imaluunniit pâratîsime nuname nâgssáungitsumik inûsínauvutit neqeroorutigisinnaavaat.) Atuakkani oqaloqatigiissutissat assiliartallu iluaqutissatut oqaloqatigiinnermut aallarniutaasinnaanerat erseqqissakkit. Ataatsimik marlunniluunniit takutitsisoqarli. Atuagassiaaraq Guutip sumik piumaffigaatigut? atorlugu soqutiginnittut atuaqqissaaqatitaarineqarsinnaapput.
Erinarsuut nr. 224 naggasiillunilu qinuneq.