Oqaluussinermut tunngasumik ataatsimiinnernut pilersaarut

Sapaatip-akunnera 9. oktobarimiit

Erinarsuut nr. 11

10 min: Nalunaarutit ilagiillu naatsorsuutaat. Qatanngutit tukkussusiat pillugu nersualaakkit, eqqaasikkillu unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata. Ulloq immikkut oqaluussiffik qanoq ingerlava? Arfininngornerup ingerlanerani oqaluussisartut qassit peqataappat? Aqqusinermi oqaluussinermit qiimmannartunik ataatsimik marlunniluunniit naatsumik misigisalikkersaarit.

10 min: „Ikiuutissat ajoqersuisut, iliuuseqartitsisut nakussatsitsisullu.“ (Immikkoortut 1 aamma 2) Oqalugiaat. Naatsunnguamik nassuiaagit suna tunngavigalugu Peqatigiiffik videonik isiginnaagassialiortalersimasoq. (Takuuk ’Historiebogi’ quppernerit 600-601.) Tamarmik kajumissaakkit videomik isiginnaagassiaq Jehovas Vidner og deres organisation sapaatip-akunnerani 30. oktobarimiit oqaluussinermut tunngasumik ataatsimiinnissamut piareersaatitut isiginnaareeqqullugu. Videonik peqanngitsunut atortissinnaavaat, imaluunniit isiginnaaqatigissinnaavaat.

25 min: „Ukiut tusindillit nutaat — Siunissaq ilinnut qanoq ittuussava?“ Kiffartornermut nakkutiliisumit qiimmassaarisumik aqunneqarluni oqaloqatigiinneq. Peqatigiiffimmit utoqqaanertanut allakkat 17. juulimeersumi quppernemi 4-mi nalunaarut atuarneqareerpat najuuttut tamarmik naqitaaqqamik agguaassiffigineqassapput. Taavalu allaaserisaq apeqqutit akissutillu atorlugit sammineqassaaq. Ilagiinni sumik aaqqissuussisoqarnera eqqajuk, oqaluttuariullu Danmarkimi nuna tamaat oqaluussiffigineqarnissaanut qanoq aaqqissuussisoqarsimasoq. Eqqartoruk nutaat meeqqallu oqaluussisartutut kuisimanngitsutut piukkunnarsarniarlugit ikiornissaannut qanoq iliortoqarsinnaanersoq. Naatsumik takutitsigit naqitaaraq qanoq saqqummiunneqartoq. Suliniuteqarnermi tamarmik tamakkiisumik peqataanissaata pisariaqarnera erseqqissaruk.

Erinarsuut n. 53 naggasiillunilu qinuneq.

Sapaatip-akunnera 16. oktobarimiit

Erinarsuut nr. 104

15 min: Nalunaarutit. Guutip Naalagaaffianut Kiffartorneq-meersunit nalunaarutit toqqakkat. Oqaluussisartut eqqaasikkit sapaatip-akunnerata naanerani Naalagaaffiup Nutaarsiassaatai nr. 36 ilanngullugu atuagassiat Napasuliaq Alapernaarsuiffik-p Iteritsi!-llu neqeroorutiginissaannik.

20 min: „Sooq pioneeriusariaqarpunga?“ Oqalugiaat. Pingaarnersaat uteqqinniarlugit naggasiillutit pingasunik sisamanilluunniit apeqquteqarit. Aallarniummi apeqqutissatit taakkit. Isumalluarnartumik qiimmannartumillu saqqummiunneqqassaaq.

10 min: Tamatta takutissinnaavarput pioneeritut anersaaqarluta. Atuakkamik atuaqqissaaqatigiinnermi aqutsisoq taassumalu ikiortaa Napasuliaq Alapernaarsuiffik-mi 1. novembari 1997-imeersumi quppernerit 23-24-miittut pillugit oqaloqatigiipput. Eqqaajuk sooq ilagiinni arlalinnik pioneereqarneq pitsaasoq, tamarmillu tamanna qanoq anguniarsinnaagaat. Oqaloqatigiissutigisiullu maanna pioneeriusut qiimmassarniarlugit qanoq iliortoqarsinnaanera, ilagiinniittullu tamarmik qanoq ilillutik kiffartorlutik ilungersuussinerusinnaasut.

Erinarsuut nr. 131 naggasiillunilu qinuneq.

Sapaatip-akunnera 23. oktobarimiit

Erinarsuut nr. 150

15 min: Nalunaarutit. Piffissap sinnera atorlugu immikkut suliniuteqarnermit misigisalikkersaarit. Piareersagaalluassaaq.

15 min: Tamaani pisariaqartitat.

15 min: Ataatsimiinnissannut piareersarluartarit. Oqalugiaat ilaatigut najuuttut peqatigalugit. Ataatsimiinnivut pissarsiaqarfigilluassagaanni qanoq annertutigisumik piareersarsimanerput aalajangiissuulluinnarpoq. Siunnersuutit ilaat Napasuliaq Alapernaarsuiffik-mi 1. marsi 1998-imi, quppernerit 24-26, immikkoortut 8-11-miittut sammikkit. Najuuttut oqaluttuaqquneqarlit siulliullutik pisariaqartumik iliuuseqarnissaminnut piareersarluarnissaminnullu piffissaqarumallutik qanoq ineriartortitsisimanersut.

Erinarsuut nr. 211 naggasiillunilu qinuneq.

Sapaatip-akunnera 30. oktobarimiit

Erinarsuut nr. 167

8 min: Nalunaarutit. Oqaluussisartut eqqaasikkit oktobarimi oqaluussisimanermi nalunaarusiamik tunniusseqqullugit.

12 min: Naalagaaffiup Nutaarsiassaatai nr. 36-p agguaanneqarneranut atatillugu misigisat. Oqaluussisartut ilaat tamatumunnga atatillugu misilittagaannik qiimmannartumik oqaluttuarumanersut aperikkit. Pioneerit ikiorti-pioneerillu immikkut suliniuteqarnerup annertusineqarneranik pingaartitsinertik oqaluussisartullu assigiinngitsut amerlasuut peqatigalugit suleqatigiinnertik oqaluttuarilissuk.

25 min: Jehovas Vidner og deres organisation. Najuuttut peqatigalugit oqaloqatigiinneq. Allaaserisami „Ikiuutissat ajoqersuisut, iliuuseqartitsisut nakussatsitsisullu“-mi immikkoortoq 3-miittut apeqqutit atukkit. Videomik isiginnaagassiaq iluaqutigalugu soqutiginnittut peqatigiiffitsinnik qanoq ilisimasaqarnerulersissinnaanerivut siunnersuuteqarit. Ataatsimik marlunnilluunniit misigisalikkersaarit. — Takuuk Vagttårnet 1. oktober 1992-imoortoq, quppernerit 30-31.

Erinarsuut nr 15 naggasiillunilu qinuneq.

Sapaatip-akunnera 6. novembarimiit

Erinarsuut nr. 198

15 min: Nalunaarutit. Naalagaaffiup Nutaarsiassaatai nr. 36-iup agguaanneqarnera qanoq ingerlanersoq, angalaarfigisat qanoq annertutigisut annguneqarsimanersut, novembarillu 19-ianngortinnagu angalaarfigisat tamaasa angujumallugit qanoq iliortoqarnersoq oqaatigikkit.

20 min: Suna upperaarput? Qatanngut angut pulaakkaminik ima aperisumik: „Sutigut Jehovap Nalunaajaasuisa ajoqersuutigisaat allat ajoqersuutigisaannit allaaneruppat?“ pulaaqqiivoq. Napasuliaq Alapernaarsuiffik-mi 1. oktobari 1998-imoortumi quppernermi 27-mi ungaluusalimmi immikkoortut oqaloqatigissutigikkit. Nassuiakkit Biibilimi ajoqersuutit ilumoortut tunngaviusut upperisarsiortut allat qanoq isumakkeeraat imaluunniit asiginnaraat inuinnaallu ajoqersuutaannik taarserlugit.

10 min: Erinarsorneq — pallorfiginninnitta pingaartortaasa ilaat. Atuakkanik atuaqqissaaqatigiinnermi aqutsisup oqaluussisartut marluk ataatsimiinnermi erinarsoqataasarneq pillugu oqaloqatigai. Napasuliaq Alapernaarsuiffik-mit 1. februaari 1997-meersumit, quppernerit 31-32 pineqartut ilai takutippai. Sapaatip-akunnerani matumani Napasuliaq Alapernaarsuiffik-mik atuaqqissaaqatigiinnissami erinarsorneqartussat ilaata imai misissorpaat, soorlu Napasuliaq Alapernaarsuiffik-mi 1. juuli 1999-imoortumi qupperneq 25-mi, immikkoortoq 12-imi siunnersuutigineqarsimasoq. Erinarsuut ilumoorunneqaraangat Jehovamik qamannga pisumik unnersiutiginnikkumanitsinnut ersiutaasarpoq.

Erinarsuut nr. 223 naggasiillunilu qinuneq.