Tamakkiisumik katersueqataagit
1 Itsaq Jehovap pruffiitiisa Jiisusi Kristusillu katersugassat oqaluuserisarpaat. (Es. 56:8; Ez. 34:11; Joh. 10:16) Suliaq tamanna Guutip Naalagaaffianik nutaarsiassamik nuannersumik oqaluussinikkut naammassineqassaaq. (Mat. 24:19) Guutimik kiffartuussisut kiffartuussinngitsullu assigiinngissutaat ersarissigaluttuinnarput. (Mal. 3:18) Uagutsinnut tamanna qanoq isumaqarpa?
2 Inuup nammineq akisussaaffia: Apustili Paulusi ilinniarfigisinnaavarput, taanna oqaluussinermini tamaviaarluni siulersuisarami. Inuit tamarmik nutaarsiassamik nuannersumik tusarlerneqarniassammata annallutillu oqaluussineq pisussaaffigalugu misigaaq. Taakkua pillugit unissanani ilungersuusivoq. (Rom. 1:14-17) Inuiaat ullumikkut atugaat eqqarsaatigalugit angalaarfigisartakkatsinni tusarliussap oqaluussissutiginissaanut akisussaaffeqarnerulluta misigissannginnerpugut? — 1 Kor. 9:16.
3 Nangaanani iliuuseqarfissanngorpoq: Oqaluussineq annaassiniarnermut assersuunneqarsinnaavoq. Kingusinaartinnata inunnik ujaasisariaqarparpugut isumannaatsumullu ikiorlugit. Piffissarput sivikitsuinnaavoq. Inuunermik naleqarsinnaavoq. Pissutissaqarluarluni Jiisusip ajoqersukkani ’katersuinermi naalagaasoq qinnuigeqqullugu katersuisussanik aallartitseqqullugu’ kajumissaarpai. — Mat. 9:38.
4 Suliap nukinginnarnera paasisimallugu Guutip naalagaaffianik oqaluussisartorpassuit annaassiniaqataanerulersimapput. Inuusuttuaqqap Hirohisamik atillup anaanani qatanngutinilu nukarliit sisamat ineqatigai. Hirohisap ilaquttani aningaasatigut ikiorniarlugit ullaassakkut pingasunut makittarpoq aviisinik agguaassiniarluni. Jehovali pillugu allanut oqaluttuaralugu iliuuseqarnerujumagami pioneerinngorniarluni qinnuteqarpoq. Illittaaq suliamik nangeqqinneqartussaanngitsumik oqaluusseqataanerulersinnaavit?
5 „Piffissaq sivikilleqaaq.“ (1 Kor. 7:29) Taamaattumik sapinngisarput tamaat ullutsinni nunarsuarmi suliat pingaarnerpaartaat, tassa Guutip naalagaaffianik nutaarsiassamik nuannersumik oqaluussineq ajoqersuganngortitsinerlu, peqataaffigisigu. Jiisusip kiffartorneq tamanna naatitanik katersuinermut assersuuppaa. (Mat. 9:35-38) Tamakkiisumik suleqataagutta ilaat immaqa inuppassuarnut pallorfiginnittunut, Saqqummersitat 7:9, 10-mi eqqartorneqartunut, ilaalernissaannut ikiorsinnaassavavut, taamaalillutalu katersueqataalluta.