„Guutip oqaasia . . . sunniisinnaassuseqarpoq“
1 „Guutip oqaasia uumavoq sunniisinnaassuseqarlunilu“, Paulusi allappoq. (Heb. 4:12) Qanoq paasisariaqarpa? Guutip oqaasia, imaluunniit tusarliussaa, Biibilimiittoq inuiannut killiissinnaassuseqartoq. Ilisimassuseq Biibilimiittoq inuup inuuneranik pitsaanerulersitsisinnaasumik pissaaneqarpoq. Tuppallersaatip neriuutillu Biibilimeersup inuit Inuunermik Tunisisumut, Jehova Guutimut kajungilersittarpai. Tusarliussap eqqortuliorusuttut aqqutikkut inuunnermut naassaanngitsumut sammisumut siulersorsinnaavai. Tamannali sunniuteqassappat oqaluussinitsinni Biibili atortariaqarparput.
2 Periarfissat tamaasa allassimaffimmik atuaagit: Malunnarpoq oqaluussisartorpassuit matumiit matumut oqaluussigaangamik Biibilimik atuivallaarunnaarsimasut. Illimmi? Inuppassuit oqaloqatigiinnissamut piffissaalatsitsigunarmata immaqa atuagassianik neqeroorlutit allassimaffimmillu alanngaarlutit sungiutiinnalersimavat. Oqaluussisartut tamaasa kajumissaarpavut Biibilimit versimik minnerpaamik ataatsimik atuarnissartik ilungersuutigeqqullugu. Taamaalillutik inuit takusinnaassavaat Biibilip oqariartuutaanik tusarliussiniartugut.
3 Naak Biibilimik atuartartut ikinnerugaluartut amerlanerit ataqqisarpaat. Inuit ulapikkaluarlutik allassimaffimmik Guutip oqaasianit atuaanissaq minutsi ataaseq marlulluunniit tusarnaarumasarpaat. Allassimaffik naleqquttoq misigissuseqarpaluttumik atuaraanni nassuialaarlugu Guutip oqaasiata pissaanera tusarnaartumut sunniuteqarluarsinnaavoq. Aallarniuteqareeraannili allassimaffimmut qanoq tulluartumik ikaarsaariartoqarsinnaava?
4 Atuagassianik agguaassinermi misiliguk: Nakkutilliisup angalasartup atuagassianik agguaassigaangami Biibili atorluartarpaa. Biibilini kaasarfimmiorisarpaa. Atuagassiaq neqeroorutigalugu allaaserisamillu saqqummiussereerluni nangaanani Biibili quppertarpaa, versimillu allaaserisamut tulluartumik atuaalluni. Aperinikkut piuminartumik taamaaliortoqarsinnaavoq: „Neriorsuut kajumissinartoq taanna qanoq isumaqarfigaajuk?“, taavalu allassimaffik toqqagaq atuarlugu.
5 Tusarnaarumasunut tamanut Biibilimit versimik ataatsimik marlunnilluunniit atuaanissat anguniagariuk. Pissaarnerup Biibilimmersup inuppassuit Guutimut kajungilersissinnaavai. — Joh. 6:44.