Ilinniartup uummataa killiguk
1 Uummat „inuup ilorpiaraa“ inuullu qamuuna qanoq ittuunera ersisittarpaa, qanoq eqqarsarnera, misiginera qanorlu isumaqarnera ersersittarlugit. Kristumiuulluartutut Jiisusip ’peqqussutai tamaasa maleruaqqullugit ajoqersueqqusinera’ naalassagutsigu, ilinniartup uummataa killinniartariaqarparput sallusuissut paasilluassappagu. (Mat. 28:19, 20; Tus. 119:112)
2 Ilisimassummik ikioqqullutillu Jehova qinnuigiuk: Tassa Jehovap suliassaa. Pilluaqqusinissaa pisariaqarpoq. (Aps. 16:14; 1 Kor. 13:7) Ilinniartitavit, meeqqavit naapertuilluartullu attavigisartakkavit ilinniartinnissaannut ikioqqullutit qinnuigiuk. — Es. 50:4.
3 Ilinniartup qanoq isumaqarnera paasiniaruk: Aatsaat ilinniartup qanoq isumaqarnera paasisimagukku, qanoq uummataa killissinnaassanerlugu nalussanngilat. — Aps. 17:22, 23.
4 Tunngavilersuutissatit Biibiliminngaanniissapput paasinarlutillu: Ilinniartup sallusuissut paasisinnaasariaqarpaa akueralugulu. (Aps. 17: 24:31) Upperisatsinnik neriuutitsinnillu tunngavilersueriaannaasariaqarpugut. (1 Pet. 3:15) Inussiarnertuaannarit naammagittartuaannarlutillu.
5 Tunngavilersuutitit assersuutinik paasinarsakkit: Assersuusiornikkut oqaatsitit ilinniartup paasilluassavai qamuunalu attorneqaatigisinnaallugit. Eqqarsartaatsimut ummaammullu attuisuussapput. Jiisusi assersuutit atorlugit oqalukkajuppoq. (Mar. 3:33, 34) Assersuutilli oqaluuserisamut ilinniartullu nalunngisaanut tulluartuussapput.
6 Ilinniartoq nassuiaaguk sallusuissummik akuerinninneq iluaqutaasoq: Tamatta paaserusupparput ilikkakkavut qanoq iluaqutigissanerlugit. Timothæusimut allakkat aappaanni 3:14-miit 17-mut Paulusip oqaasiisa ilisimassuseqarnerannik ilinniartoq paasitinniarsariuk.
7 Ilinniartoq paasinninngippat pakatsisariaqanngilatit. Ummatit tamakkerlutik sallusuissummik killitsinnavianngillat. (Mat. 13:15) Ilaali ilassinnikkusupput. (Aps. 17:32-34) Qanortoq uummatinik killiiniarlutit ilungersorninni suli amerlanerusut Jiisusip oqaasiinik tusarlik.