Atuakkamik Biibilimi sorpiaat ajoqersuutigineqarpat?-mik atuaqqissaaqatigiissuteqarnissaq qilannaarutigiuk
1 Ataatsimeersuarnermi “Eqqumagitsi!”-mik qulequtalimmi nuannersut ilagaat atuakkamik Biibilimi sorpiaat ajoqersuutigineqarpat?-mik saqqummersitsineq. Ungasinngitsukkut oqaluussinermi, ingammik Biibilimik atuaqqissaaqateqarnermi, atortalissavarput. Taamaattumik atuagaq nutaaq taanna ilisimallualertariaqarparput. Tamatumunnga periarfissaqarpugut ilagiit Biibilimik atuaqqissaaqatigiinneranni atuagaq taanna 2010-mi sapaatip-akunnerani marsip 29-ianni aallartittumi atuaqqissaaqatigiissutigisalissagatsigu.
2 Ilagiit Biibilimik atuaqqissaaqatigiinneranni aqutsisup apeqqutit kapitalit aallaqqaataatungaanniittut malugeqqussavai. Taava atuaqqissaaqatigiinneq aqunneqassaaq apeqqutit quppernerup ataatungaaniittut atorlugit. Allassimaffiit pingaarnerit atuarneqassallutillu oqaaseqarfigineqassapput, ungalusarlu “Biibilimi ajoqersuutigineqartut” kapitalit naaneranniittoq uteqqiinermi iluaqutaassaaq ungalusamimi allassimaffeqarmat apeqqutinut aallaqqaataatungaaniittunut akissutaasunik. Atuakkami sammineqartut paasiuminartumik soqutiginartumillu sammineqarmata ilagiit Biibilimik atuaqqissaaqatigiinneranni illit akisarnerit qularnanngitsumik nuannaarutigissavat.
3 Atuakkap tapiliussartaani sammisassat assigiinngitsut sukumiinerusumik nassuiarneqarput. Paasissutissat taakku iluaqutigissavavut Biibilimik ilinniartut sammisaq aalajangersimasoq pillugu paasissutissanik amerlanerusunik pisariaqartitsissappata. Ilaatigut ilagiit Biibilimik atuaqqissaaqatigiinneranni tapiliussap ilaa sammineqartassaaq. Sammisamut atasut tamarmik atuartuusumit atuarneqassapput, allaaserisarli takippat naatsunnguakkuutaarlugu atuarneqarsinnaavoq. Tapiliussaq apeqqutitaqanngilaq. Aqutsisup pingaarnerit erseqqissarniarlugit aperisarnermigut najuuttut peqataatissinnaavai.
4 Atuagaq ‛Biibilimi ajoqersuutigineqartut’ ilagiit Biibilimik atuaqqissaaqatigiinneranni uummaarissumik sammineqassaaq. Allanik atuaqqissaaqateqarnitsinni atuakkamik tamatuminnga taama sukkatigisumik atuaqqissaartarnissaq ilimananngilaq, ingammik Biibilimik ilisimasaqaqqalaarpata ilisimasaqanngilluinnarpataluunniit. (ApS 26:28, 29) Biibilimik atuaqqissaaqateqaraangatta allassimaffiit peqqissaarnerusumik oqaloqatigiissutigisariaqartarpavut, assersuusiat nassuiartariaqartarpavut il.il. Taamaattumik sapaatit akunneri tamaasa atuagaq Biibilimi sorpiaat ajoqersuutigineqarpat? atorlugu atuaqqissaaqatigiinnermut najuuttarnissat peqataalluartarnissallu anguniagariuk!