Oqaluussinermik tunngasumik ataatsimiinnermi pisassaqartunut najoqqutassiat
Guutip Naalagaaffianut Kiffartorneq-mi maannamiit saqqummersoq ilanngullugu oqaluussinermut tunngasumik ataatsimiinnermi saqqummiussassani oqaatsit naalisagaapput. Najoqqutassiat eqqaasissutillu tulliuttut, Tjenesten for Riget-imi 2009-mi maajimoortumi allaaserisami “Hvordan man forbereder sig til tjenestemødet”-imi tigusaasut nutartigaallutillu sukumiinerupput.
◼ Oqalugiaat: Najuuttunik peqataatitsinani, atortussat innersuussutigineqartut tunngavigalugit oqalugiaat. Oqalugiartup ilagiinnut iluaqutaalluarnerusinnaasut pingaarnerutissavai.
◼ Apeqqutit akissutillu: Napasuliaq Alapernaarsuiffik-mik atuaqqissaaqatigiinnermisulli aallarniut naggasiinnerlu naatsunngussapput immikkoortunullu tamanut apeqquteqartoqartassalluni. Aqutsisoq nammineerluni oqaluppallaarnaveersaassaaq. Piffissaqaraangat allassimaffiit pingaarnerit atuarneqartarsinnaapput. Immikkoortut atuarneqarnissaanik innersuussutigineqanngippata atuarneqartassanngillat.
◼ Eqqartuineq: Najuuttut peqataatinneqarlutik oqalugiaataavoq. Oqalugiarneriinnaassanngilaq, aamma apeqqutit akissutillu kisiisa atorlugit sammineqassanngilaq.
◼ Takutitsinerit apersuinerillu: Sammisassami takutitsisoqarnissaanik allassimasoqarpat, takutitsisoqarnissaa pisassaqartup akisussaaffigissavaa; nammineq peqataaffigisariaqanngilaa. Toqqarneqartut oqaluussisartuussapput pikkorissut maligassaalluartullu, aamma ajornanngippat siusinaartumik isumaqatigiissuteqarfigissavai. Oqaluttarfimmiit misilititsiniaannarluni, oqaluussineq qanoq ingerlaneqassanersoq oqaluussisartunit nutaanit misilittagaqanngitsunillu takutitsisoqanngikkuni ajunnginnerussaaq; ilaalli immaqa pulaakkatut peqataasinnaapput. Oqaluussisartut takutitsisut najuuttunut samminissaat eqqumaffigineqassaaq. Apersorneqartut oqaluttarfimmiit akissuteqartassapput, issiavimmiit pinnatik. Takutitsinerit apersorneqarnerillu misilittaaffigineqareersimassapput. Ataatsimiinneq qangiuttuulerpat qatanngullu saqqummiinerminik naalisaasariaqalerpat, takutitsinerit apersuinerillu peerneqassanngillat. Ilagiinni kiffartortup peqataasussanik toqqaanialernermini utoqqaanertaqatigiinnik ataqatigiissaarisoq utoqqaanertarluunniit alla oqaloqatigeqqaassavaa.
Sammisassami immikkut ittunik najoqqutassiaqaraangat maleruaqqissaarneqartassapput. Eqqartorneqartut atorlugit qatanngutit pisassaminnik saqqummiigaangamik, oqaluussinermik tunngasumik ataatsimiinnerit “ippinnanngitsumik torersumillu” ingerlanneqartassapput. — 1 Kor 14:40.