Qinigassatit nalunngiligit?

Silarsuarmi tamarmi napparsimmaviit amerliartuinnartut aalersornertaqanngitsumik pilattaasalersimapput. Aalersornertaqanngitsumik suliaritinnissamut suut qinigassaanersut paasilluarnikuuigit? Nakorsartinnissamut pilatsinnissamullu qinigassanut ilisimatitsissutinut aalajangiiniarninni paasilluarsimasariaqarpatit. Takuuk video, Behandling uden blod — Hvordan læger har klaret udfordringen. Takoreerukku apeqqutit tulliuttut iluaqutigalugit ilikkakkatit qinunikkut eqqarsaatigilluakkit. — Malugiuk: Video pilattaanernik imaqarmat, meeqqat mikisut suut takussaneraat angajoqqaat eqqumaffigisariaqarpaat.

(1) Jehovap Nalunaajaasuisa aalersortinnissamut itigartitsisarnerannut suna pissutaanerpaava? (2) Nakorsartinnissamut tunngatillugu Jehovap Nalunaajaasuisa suna kissaatigaat? (3) Nakorsiaq qanoq tunngaviusumik piginnaatitaaffeqarpa? (4) Sooq aalersortinnissaraluamut taarsiullugu periutsimik allamik toqqaanissaq silatusaarnerullunilu akisussaassuseqarpalaarnerua? (5) Aammik annaasaqangaatsiarnermi suut marluk nakorsanut pingaaruteqarnerpaajuppat? (6) Aak atornagu suliaritinnermi suut sisamat periuserineqarsinnaappat? (7) Nakorsat qanoq ilillutik (a) aanaarpallaarnaveersaartitsisinnaappat, (b) aap aappaluttortaanik annaasaqarnaveersaartitsisinnaappat, (c) suliaritittup aavata aappaluttortaanik amerlisaajuarsinnaappat, aamma (d) aammik katersukkamik atueqqissinnaappat? (8) Nassuiaruk (a) hæmodilution aamma (b) suliaritinnermi cell-saver-imik atuineq. (9) Aalersortinnissamut taarsiullugu atugassaq pillugu suna paasiniarusussaviuk? (10) Pilatsinnerit ajornakusoortut aalersortinnani suliarineqarsinnaappat? (11) Nakorsat silarsuaanni massakkorpiaq ajunngitsumik qanoq ineriartortoqarpa?

Inuup nammineerluni nalunngeqatiginnissutini Biibilimik ilinniartinneqarsimasoq tunngavigalugu nakorsaariaatsinut videomi takutinneqartunut akuersiumanerluni aalajangissavaa. Illit meeqqatillu pineqartillusi, nakorsaariaatsit periutsillu qanoq ittut akuerissanerlugit aalajangereerlutit siumoortumik peqqussut immersoreerpiuk? Taakku pillugit Vagttårnet-imi “Spørgsmål fra læserne”-mi 15. juuni 2004-moortumi aamma 15. oktobari 2000-moortumi sukumiinerusumik sammineqarput. Guutip Naalagaaffianut Kiffartorneq-mi novembari 2006-imoortumi skema najoqqutassaq “Derivatit aammeersut inuullu nammineq aava atorlugu nakorsaariaatsit qanoq isumaqarfigaakka?” atorlugu qinigassat sorliit inuttut nammineq akueriumanerlugit akueriumannginnerlugilluunniit aalajangeruk. Taamaalioreeruit kissaatigisavit siumoortumik peqqussummut allassimanissaat isumagiuk. Piginnaatitaasut aamma ilaquttatit Jehovamut Nalunaajaasuunngitsut aalajangiussannik ilisimatikkit.