”Et grundigt vidnesbyrd om Guds rige”
1. Marsip 14-iat aallarnerfigalugu ilagiit Biibilimik atuaqqissaaqatigiinneranni suna qallunaatut oqaasilinni sammineqalissava?
1 Marsip 14-iat aallarnerfigalugu ilagiit Biibilimik atuaqqissaaqatigiinneranni qallunaatut oqaasilinni atuagaq ”Et grundigt vidnesbyrd om Guds rige” atuaqqissaaqatigiissutigineqassaaq. Atuakkap tamatuma Apustilit Suliaat sammivaa atuartumut tinguartinnartumik pisimasut pissanganartut sammineqarlutik. Versimiit versimut sammineqarani atuakkap ”Et grundigt vidnesbyrd”-ip erseqqissarniarpaa Apustilit Suliaani oqaluttuat sumik ilinniarfigisinnaanerivut qanorlu uagut nammineq atorsinnaanerivut paasitilluta. — Rom 15:4.
2. Atuakkap ”Et grundigt vidnesbyrd”-ip ilisarnaataasa ilaat oqaluttuarikkit.
2 Atuakkap ilisarnaatai: Siulequt qupperneq 2-miittoq Siulersuisoqatigiit asannittumik allagaraat kissaalluta atuagaq taanna iluaqutigiumaaripput. Kapitali 2-miit kapitalini tamani aallaqqaataani sammineqartumi pingaarnerit allaatigineqarsimapput, Apustilit Suliaanilu immikkoortumi sumi sammineqarnersut allassimaffimmik inersuussuuteqarluni. Kapitalini amerlasuuni ungalusaqartarpoq inunnik, sumiiffinnik pisimasunillu paasissutissiisunik. Sinaani allattuiffiusinnaasumik inissaqarpoq. Biibilip nalaani pisimasunik takorluuisinnaanissatsinnut iluaqutissatsinnik atuagaq annikitsualuttortai ilanngullugit kusanartunik assiliartaqarpoq, quppernermilu kingullermi iluaqutaalluarsinnaasumik assiliartalinnik allattorsimaffeqarpoq assilissanut ataasiakkaanut nassuiaateqartunik. Ukiuni hundredelinni siullerni uppeqativut ’nunarsuup isua tikillugu’ nutaarsiassamik nuannersumik oqaluussilernerminni siuariartornerata malinnaaffigisinnaanissaanut iluaqutissatsitut atuakkap qaliata iluani quppernermi siullermi kingullermilu nunap assinganik assiliartaqarpoq. — ApS 1:8.
3. Apeqqutit pingaarutillit suut Apustilit Suliaanik atuaqqissaarnitsinni akissutissarsissavavut?
3 Apeqqutinut pingaarutilinut akissutit: Apustilit Suliaata sammineqarnerani kristumiut kiffartornerat pillugu apeqqutit pingaarutillit erseqqissumik akineqarneranik ikiussavaatigut. Assersuutigalugu, suliaq aamma tusarliussaq suna Jiisusip ajoqersugaasa ilumoortut ilisarnaatigaat? Kiap silarsuaq tamakkerlugu oqaluussineq siulersorpaa, qanorlu? Malersorneqarnerup akerlilersorneqarnerullu oqaluussisartut qanoq periarfissaqalersippaat? Oqaluussinitsinnut anersaaq illernartoq qanoq pingaaruteqartigaa?
4. Atuakkamik tamatumani sammisaqarnerput qanoq pissarsiaqarfigilluarsinnaavarput?
4 Atuagaq pissarsiaqarfigilluarumallugu sammisassaq piareersareersimasariaqarparput ilagiinnilu sammineqarneranut peqataalluta. Ataatsimiinnermut tamatigut najuuttarit eqqarsaatigisarlugulu illit inuttut kiffartornerni ilikkakkatit qanoq atorsinnaanerlugit. Qanortoq atuakkamik pissanganartumik sammisaqarnitta Guutip naalagaaffianik peqqissaartumik nalunaajaanissatsinnut kaammattorlisigut. — ApS 28:23.