Apeqquteqarfik

◼ Qanoq sivisutigisumik atuaqqissaaqatigisaq siuariartortoq atuaqqissaaqatigissavarput?

Atuaqqissaaqatigisamut siuariartortumut atuakkat marluk — Biibilimi sorpiaat ajoqersuutigineqarpat? aamma ’Bevar jer selv i Guds kærlighed’ naammassillugit atuaqqissaaqatigineqarpata pitsaanerussaaq, aamma atuakkat suli naammassinagit atuaqqissaaqatigisaq kuisissimagaluarpalluunniit. Kuisereernerata kingorna piffissaq atorneqartoq, pulaaqqiineq atuaqqissaaqatigiinnerlu nalunaarsorneqarsinnaapput. Oqaluussisartup allap atuaqqissaaqatigiinnermut ilagippatigut peqataallunilu piffissaq atorneqartoq aamma nalunaarsussavaa. — Takuuk Tjenesten for Riget marsi 2009, qupp. 2.

Pingaaruteqarpoq nutaat namminiilinnginnerminni sallusuissummi tunngavissaqarluarnissaat. Misilinneqarnerit nalaakkumaakkatik akiorsinnaajumallugit Kristusimi ‘sorlanissimanissaq’ ‘uppernermilu aalajaallisimanissaq’ pisariaqartippaat. (Kol 2:6, 7; 2 Tim 3:12; 1 Petr 5:8, 9) Allanik ajoqersuisinnaassappata ‘sallusuissummik ilisarsisimalluartariaqarput’. (1 Tim 2:4) Atuaqqissaaqatigisatsinnut atuakkat marluk naammassillugit atuaqqissaaqatigiissutigisimagutsigit aqqummut “inuussummut” sammisumut aalajaallisarnissaannut ikiussavavut. — Matt 7:14.

Kuisinnissamut akuersinnginnermi, Biibilimi ajoqersuutigineqartut tunngaviusut paasilluarsimanerai, taakkualu maleruarlugit inuunersoq utoqqaanertat qulakkeersimasariaqarpaat. Pingaartumik, atuaqqissaaqatigisaq atuakkamik siullermik suli naammassinnissimanngitsoq eqqarsaatigalugu, utoqqaanertat peqqissaassapput. Kuisinnissamut piareersimanngippat, pisariaqartumik ikiorneqarnissaa utoqqaanertat qulakkiissavaat, siunissami kuisinniassammat. — Takuuk Organiseret til at gøre Jehovas vilje, qupp. 217-218.

[Qupp. 2-mi issuagaq]

Pingaaruteqarpoq nutaat namminiilinnginnerminni sallusuissummi tunngavissaqarluarnissaat