Atuagassianik pajuttagaq — Biibilimik atuaqqissaaqatigisalersinnaavat
1. Sooq atuagassianik pajuttagaqalerniartaqqulluta kajumissaarneqartuarpugut?
1 Inuppassuit Biibilimik atuaqqissaaqatigiumaneq ajorpaatigut atuagassiaativulli atuassallugit nuannarisarlugit. Taamaattumik oqaluussisartutut Jehovap peqatigiiffianit kajumissaarneqartuarpugut atuagassianik pajuttagaqalerniartaqqulluta. Inuit atuagassiaativut atuaraangamikkit Guutip oqaasia kajungeriartuinnalersarpaat. (1 Petr 2:2) Atuakkaminnik sunnertillutik Biibilimik atuaqqissaaqatigineqarnissartik naggataatigut pilerigilersinnaavaat.
2. Pulaakkatsinnik qanoq ineriartortitsisinnaavugut?
2 Sallusuissutsip naatsiiassartaanik imerterineq. Atuagassiat tunniutiinnarnagit pajuttakkat isummertinniarsariuk ilisarisimanerulerniarlugulu. Taamaaliortaruit atugai soqutigisaalu aamma upperisaa pillugit paasisaqarnerulissaatit ilisimassuseqartumillu oqaaseqarsinnaanngussallutit. (Uss 16:23) Piareersarsimagit. Periarfissaqarpat sallusuissutsip naatsiiassartaanik imerterigit atuagassiami sammisamik allassimaffimmillu innersuussutigineqartumik naatsumik takutitsillutit. (1 Kor 3:6) Pajuttakkanni tamani ulloq pulaarfiit, atuagassiat, sammisimasarsi aamma allassimaffiit takutitatit allattukkit.
3. Qaqugukkut pajuttakkatsinnut uteqqissinnaavugut?
3 Qaqugukkut uteqqissavit? Atuagassiat nutaat saqqummeraangata tamatigut pajuttakkamut tunniukkiartortassavatit. Qanoq akulikitsigisumik pulaarneqartarnissaanut atukkatit pajuttakkavillu soqutigisai aalajangiisuussapput. Sapaatip akunnera ataaseq marlulluunniit qaangiunneranni pulaaqqissinnaavutit oqarlutillu: “Atuagassiani kingullermi pisanni takutitaqalaarusullunga alakkalaarpunga.” Taamaaliornikkut pulaagaq allaaserisamik aalajangersimasumik atuartalernissaanut kajumissuseqalersissinnaavat. Allaaserisaq atuareersimappagu aperisinnaavat qanoq isumaqarfigineraa naatsumillu oqaluuseralugu. Biibililersaarutitsinnik atuassalluni nuannarisaqartumut pulaaqqiininni naqitaaraq, quppersagaq imaluunniit atuagaq qaammammi tamatumani neqeroorutigisassaq tunniussinnaavat.
4. Pajuttagaq Biibilimik atuaqqissaarusunnersoq paasiniarlugu ilaannikkut qanoq iliortarsinnaavugut?
4 Pulaakkap atuaqqissaaqatigineqarumalluni aperinissaa utaqqissanngilat. Illit aperiuk! Atuaqqissaaqatigineqarnissaminut itigartitsisimagaluarpalluunniit Napasuliaq Alapernaarsuiffik-mi allaaserisaq “Apeqqutit Biibilimut tunngasut” takutittarsinnaavat oqaloqatigiissutigerusunneraa paasiniarlugu. Immaqa matumi atuaqqissaaqatigilersinnaavat. Atuaqqissaaqatigilinngikkaluarluguluunniit soqutiginninnera ineriartortinniarlugu atuagassianik pajuttuaannassavat.