Ajunngitsuliornermut noqqaassutiginnilluta kajumissaaqatigiitta

Hebræerinut allakkat 10:24-mi kajumissaarneqarpugut ‘immitsinnut isumageqatigiilluta asaqatigiinnermut ajunngitsuliornermullu kajumissaaqatigeeqqulluta’. Uagut nammineq maligassiuilluartarnitsigut uppernitsinnillu ersersitsilluartarnitsigut qatanngutitsinnik kajumissaarisinnaavugut. Ilagiinniittunut allanut misigisimasatit nuannersut oqaluttuarisakkit. Jehovamut kiffartorninnik nuannarinninnerit taakkua takusinnaalissuk. Aamma taakku ilinnut allanulluunniit naleqqiunnaveersaartakkit. (Gal 6:4) Allanik pisuusutut misigisitsinak “asaqatigiinnermut ajunngitsuliornermullu” kajumissaariniarlutit piginnaasatit atorniartakkit. (Takuuk ‘Skolehåndbogen’ qupp. 158, immikkoortoq 4) Asaqatigiinnermut kajumissaarisarutta ajunngitsuliorusulernermik, soorlu allat timikkut pisariaqartitaannik isumassuinikkut imaluunniit oqaluussinikkut, malitseqassaaq. — 2 Kor 1:24.