Ilinniartitsinermi atortakkavut
1. Sooq kristumiut sanasunut assersuunneqarsinnaappat?
1 Sanasut assigiinngitsunik sakkoqartarput. Sakkut ilaat sulianut immikkut ittunut taamaallaat atorneqartartut sakkut tunngaviunerusut allat atorneqakulanerusarput. Sanasut misilittagartuut sakkut tunngaviusut, sungiusimanerusatik, sakkuusivimminniitittarpaat. Biibilimi kristumiut oqaluussinermik pingaartitsinissamik ‘sulisutullu kanngusuutissaqanngitsutut’ ittuunissamik kajumissaarneqarput. (2 Tim 2:15) Ilinniartitsinermi atortagarput pingaarnerpaaq suua? Tassaavoq Guutip oqaasia – ‘ajoqersuganngortitsinermi’ tunngaviusoq. (Matt 28:19, 20) Taamaattumik “oqaatsimik sallusuissutaasumik” eqqortumik ‘nassuiaasarnissarput noqqaassutigisariaqarparput’. Kristumiut tamarmik inuit sallusuissummik ilinniartissinnaajumallugit ilinniartitsinermi atornerusartakkavut sungiunniartariaqarpaat. – Uss 22:29.
2. Ilinniartitsinermi atortakkavut pingaarnerit suuppat?
2 Ilinniartitsinermi atornerusartakkavut. Biibilip saniatigut ilinniartitsinermi suut atortarpavut? Sallusuissutinik Biibilimeersunik ilinniartitsinermi Biibilimi sorpiaat ajoqersuutigineqarpat? pingaarnertut atortarparput. Atuagaq taanna atuaqqissaareeraangatsigu ulluinnarni najoqqutassianik Biibilimeersunik maleruaanermik ilinniartitsiumalluta “Guutip asanninneraniittuinnaritsi” atortarparput. Taamaattumik Biibililersaarutinik taakkuninnga atuinermik sungiussiniartariaqarpugut. Aamma quppersakkat aalajangersimasut ilinniartitsinermi atortariaqarpavut. Tusagassat nuannersut Guutimeersut! Biibilimik atuaqqissaaqateqalernermi pingaarnertut atortakkatta ilagaat. Oqaluussiffigisartakkatsinni inuit atuarsinnaanerat killeqarpat taakkualuunniit oqaasii atorlugit Biibililersaarutivut ikippata imaluunniit Biibililersaarutinik soqanngikkutta Guuti tusarnaaruk naassaanngitsumik inuusinnaaqqullutit atorsinnaavarput. Atuaqqissaaqatigisavut peqatigiiffitsinnut siulersorumallugit Ullumikkut kikkut Jehovap piumasaatut iliorpat? atortarparput. Isiginnaagassiat, soorlu Sooq Biibilimik atuaqqissaartariaqarpit?, Naalagaaffilersaarfimmi susoqartarpa? aamma Guuti ateqarpa?, ajoqersuganngortitsinermi iluaqutaasartut atussallugit sungiunniartariaqarpavut.
3. Guutip naalagaaffianut kiffartorneq-mi allaaserisat saqqummertalertussat qanoq iluaqutigissavavut?
3 Guutip naalagaaffianut kiffartorneq-mi allaaserisat Biibililersaarutit ilinniartitsinermi pingaarnertut atortakkatta sungiulluarnissaannut iluaqutissavut saqqummertarumaarput. Taakkuninnga atuillaqqinnerulerniarnitsinni siunnersuut isumassarsiarititaasoq una maleruarniassavarput: “Imminut nakkutiginiarit, aamma ajoqersuisutut suliat nakkutiginiaruk aalajangiullugulu, tassami taamaalioruit imminut annaatissagavit tusartitillu annatsillugit.” – 1 Tim 4:16.