KRISTUMIUTUT INUUNEQ

**Oqaluussinermi pikkorinnerulerit – “Guutip asanninneraniittuinnaritsi” atorlugu uummatinik killiinikkut**

SOOQ PINGAARUTEQARTOQ: Inuit Jehovap najoqqutassiai ilinniarlugillu maleruartariaqarpaat pallorfiginninnerat taassumannga akuerineqassappat. (Es 2:3, 4) Atuagaq ‘Guutip asanninnera’ atuaqqissaarutitta aappaat iluaqutigalugu Biibilimik atuaqqissaaqatigisartakkatta najoqqutassiat Guutimeersut inuunerminnut qanoq attuumassuteqarnersut paasisinnaavaat. (Hebr 5:14) Ilinniartikkaangatsigit uummataat killinniartariaqarpavut allannguinissaminnut eqqortumik pissuteqarnissaat anguniarlugu. – Rom 6:17.

Arnaq oqaluussisartoq atuaqqissaaqateqartoq

QANOQ TAAMAALIORSINNAASUTIT:

Ilinniartitavit pisariaqartitai eqqarsaatigalugit piareersarluartarit. Atuakkasi pillugit eqqarsaatai misigissusiilu paasiumallugit apeqquteqartarit. – Uss 20:5; be-D qupp. 259
Atuakkami ungalusat atorlugit najoqqutassiat Biibilimeersut naleqangaartuunerannik ilinniartitat paasitinniartaruk
Ilinniartitat nalunngeqatiginnissutini tunngavigalugu aalajangiisinnaaqqullugu ikioruk, aalajangiissuttarnaguli. – Gal 6:5
Ilinniartitat najoqqutassianik Biibilimeersunik maleruaanissaminut ikiorneqartariaqarnersoq nalileruk. Jehovamik asanninnini kajumississutigalugu allannguinissaanut inussiarnersumik kajumissaaruk. – Uss 27:11; Joh 14:31