Kristumiutut inuunerput kiffartornerpullu – Najoqqutassaq-mut innersuussutit

AGGUSTIP 6-12

GUUTIP OQAASIANI ERLINNARTUUTIT | LUKASI 17-18

“Qujamasunnerit ersersiguk”

nwtsty Luk 17:12, 14-imut nassuiaatit

pupissut qulit: Biibilip nalaani pupis­sut katersuut­tarsimagunar­put ataatsimoorlutil­luun­niit inuusarsimagunarlutik ikioqatigiis­sin­naanias­sagamik. (2 Kng 7:3-5) Guutip inatsisaani piumasaqaatigineqar­poq pupis­sut avin­ngarusimal­lutik inuus­sasut. Aam­ma pupis­soq al­lanut qanil­liar­toruni ima suaar­tar­tus­saavoq: “Mingut­tuuvunga, mingut­tuuvunga!” (3 Mos 13:45, 46) Mosesip inatsisaani peq­qus­sutigineqar­tunut naaper­tuut­tumik pupis­sut Jiisusi ungaseqalugu qeqar­put.

Palasinut takutikkiartoritsi: Jiisusi Kristusi nunamiitil­luni Mosesip inatsisaanik maleruaasus­saatitaagami palaseqatigiit Aronik­kuusut atuun­nerat ataq­qivaa, pupik­kun­naarsitanilu palasinukaq­quai. (Matt 8:4; Mark 1:44) Mosesip inatsisai naaper­torlugit palasi pupis­sup ajorun­naarsimaneranik up­per­narsaasus­saavoq. Aam­ma pupis­soq ajorun­naarsimasoq naalaf­fim­mukar­tus­saavoq pil­liutigeq­quneqar­tunik pil­liuteqariar­torluni. – 3 Mos 14:2-32.

Anersaakkut erlinnartunik ujarlerneq

nwtsty Luk 17:10-mut nassuiaatit

atunngitsut: Imaluun­niit: “Iluaqutaan­ngitsut.” Jiisusip as­sersuusiaani kif­fat, tas­sa ajoqersuk­kat, iluaqutaan­ngitsutut naleqan­ngitsutul­luun­niit misigis­sasut pineqan­ngilaq. Versit ataqatigiin­neran­ni erser­poq oqaatsimi “atun­ngitsut”-mi pineqar­toq kif­fat im­mik­kut nersor­neqar­tariaqar­tutut misiginatik maniguut­tuusariaqar­tut. Biibilimik ilisimatuut ilaat oqariar­taaseq matumani ator­neqar­toq ingasat­tajaarluni as­sersuusiaanerar­paat ima isumaqar­til­lugu: “Kif­faan­naavugut im­mik­kut maluginiar­neqar­tariaqan­ngitsut.”

nwtsty Luk 18:8-mut nassuiaatit

uppernermik: Imaluun­niit: “Up­per­nermik taama it­tumik.” Up­per­neq Jiisusip matumani eq­qar­tugaa tas­saan­ngilaq nalingin­naasumik up­persuseqar­neq, pivaali up­per­neq im­mik­kuul­laris­soq Jiisusip as­sersuusiani uil­lar­nerup ersersitaatut it­toq. (Luk 18:1-8) Up­per­nermut taama it­tumut ilaap­put qinunerup sun­niuteqarluarsin­naaneranik Guutil­lu toq­qak­kami naaper­tuil­luar­tumik pineqar­nis­saan­nik isumagin­nis­sin­naaneranik up­perin­nin­neq. Jiisusip up­per­neq pil­lugu apeq­qutini akin­ngilaa ajoqersuk­kami qanoq up­perluar­tiginer­tik eq­qarsaatiginias­sam­mas­suk. Jiisusip ajoqersuk­kat misilin­neqaatigisas­saat eq­qar­toq­qam­meramigit qinuneq up­per­nerlu pil­lugit as­sersuusiaa naleq­qup­poq. – Luk 17:22-37.

AGGUSTIP 13-19

GUUTIP OQAASIANI ERLINNARTUUTIT | LUKASI 19-20

Anersaakkut erlinnartunik ujarlerneq

nwtsty Luk 19:43-mut nassuiaatit

kaajallallutit ippiliugaliorfissaat: Imaluun­niit: “Qisun­nik as­siaqusiorfis­saat.” Grækerit oqaasiat kharax Kristumiut Al­lagaataan­ni Grækerisuuni uaniin­naq ator­neqar­poq. Isumaqarsin­naavoq “qisuk quas­sut­toorluun­niit in­ngigis­soq as­siaqusersuut; napasoq” aam­mat­taaq “sak­kutuut qisuit atorlugit as­siaqusersuinerat”. Jiisusip oqaasii eq­quup­put Kr.in.king. ukiumi 70-imi Romamiut Titusimit siulersor­neqarlutik Jerusalemi kaajal­lal­lugu ungaluliormata, imaluun­nit as­siaqusersuim­mata. Titusip anguniagai pingasuup­put – juutit qimaatin­naveersaar­nis­saat, akiuuk­kun­naarusulersin­nis­saat il­loqarfim­miul­lu perlilerlutik tun­niutiin­narusulersin­nis­saat. Romamiut Jerusalemi kaajal­lal­lugu as­siaqusersuutis­samin­nik il­loqarfiup eq­qaani or­pin­nik up­pikaatitsip­put.

nwtsty Luk 20:38-mut nassuiaatit

taassumunnga tamarmik inuummata: Imaluun­niit: “Taas­suma isigin­nit­taasia naaper­torlugu tamarmik inuum­mata.” Biibilimit erser­poq Guutimit avis­saarsimasut inuugaluarlutik taas­suman­nga toqungasutut isigineqar­tar­tut. (Ef 2:1; 1 Tim 5:6) Taamatut­taaq Jehovap kif­fani iluarisani toqugaluar­tut suli inuusutut isigai, makititsinis­saminik siuner­taa pin­ngitsoorani eq­quut­tus­saam­mat. – Rom 4:16, 17, tastamantitâĸ.

AGGUSTIP 20-26

GUUTIP OQAASIANI ERLINNARTUUTIT | LUKASI 21-22

Anersaakkut erlinnartunik ujarlerneq

nwtsty Luk 21:33-mut nassuiaatit

Qilak nunalu nungussapput: Al­las­simaf­fin­nit al­lanit erser­poq qilak nunalu naas­saan­ngitsumik atas­sasut. (1 Mos 9:16; Tuss 104:5; Oqal 1:4) Taamaat­tumik Jiisusip matumani oqaasii ingasat­tajaarluni as­sersuusiaasin­naap­put, ima paasil­lugu pisin­naan­ngitsut pigaluar­pataluun­niit, tas­sa qilak nunalu nungukkaluarpataluunniit, Jiisusip oqaasii suli eq­quut­tus­saap­put. (Naleq­qiuguk Matt 5:18). Qilal­li nunalu matumani pineqar­tut tas­saasin­naap­put “qilak siul­leq nunalu siul­leq” as­sersuutaasut Saqq 21:1-imi eq­qaaneqar­tut.

oqaatsikkali nungunngisaannassapput: Imaluun­niit: “Oqaatsik­ka nungus­san­ngil­luin­nar­put.” Uani grækerit oqaasii pin­ngitsorsiutaasut marluk ator­neqarmata isumaqar­poq eq­qarsaam­mik itigar­titsineq, Jiisusip oqaasiisa ataavar­tuujuar­nis­saan­nik erseq­qis­saar­taasut.

AGGUSTIP 27-SEPTEMBARIP 2

GUUTIP OQAASIANI ERLINNARTUUTIT | LUKASI 23-24

(Lukasi 23:43, NW) Oqarfigaalu: “Ilumut, ul­lumi oqarfigaak­kit: Paratiisimeeqatigiumaar­parma.”

Anersaakkut erlinnartunik ujarlerneq

nwtsty Luk 23:31-mut nassuiaatit

Orpimmi uummaasoq ... toqunikoq: Jiisusip matumani inuiaqatigiit juutit pigunar­pai. Jiisusimit najor­neqar­til­lutik juuter­paaluil­lu taas­sumun­nga up­per­tuum­mata or­pit­tut suli isugutasutut toqulersutul­li ip­put. Jiisusil­li toqutaanis­saa qanil­livoq, juutil­lu aalajaatsut anersaamik il­ler­nar­tumik tanin­neqar­tus­saap­put anersaak­kul­lu Israelimut ilaalerlutik. (Rom 2:28, 29; Gal 6:16) Tamatuma nalaani uinik­kut Israelik­kut anersaak­kut toqoreersimas­sap­put or­pit­tut toqulior­tutut il­lutik. – Matt 21:43.

nwtsty asseq

Kimmik saanikuinnaq kikialik

Inuup kim­miata saanikuin­nan­ngorsimasup kikiam­mik saviminiusumik 11,5 cm-itut takitigisumik kikiat­tal­lip as­singa. (Takuuk mwb17.12 qupp. 5). Nas­saaq 1968-imi Jerusalemip avan­naatungaani itsar­nisarsior­tut as­saal­lutik nas­saavat Romamiut nalaan­neersorineqar­poq. (As­silil­lugu sanaaq as­simi takutin­neqar­poq). Itsar­nisarsior­nik­kut up­per­narsaataavoq inum­mik qisum­mut kikiat­torlugu toqutsisoqar­tarsimaneranut. Kikiak taman­na Jiisusi Kristusi nap­pak­kamut nivin­ngar­neqarmat Romamiut sak­kutuuisa atugaan­nut as­singusimasin­naavoq. Nas­saaq taman­na il­lerfim­mi ujaraasumi, os­suariumimik taaneqar­tar­tumi, inuit toqusimasut saanikuin­nan­ngorsimasut ilineqarfigisar­tagaan­ni nas­saarineqar­poq. Taman­na ersiutaasin­naavoq nap­pak­kamut nivin­ngarlugit toqutat ilineqar­tarsimasin­naaneran­nut.