Kristumiutut inuunerput kiffartornerpullu – Najoqqutassaq-mut innersuussutit

NOVEMBARIP 5-11

GUUTIP OQAASIANI ERLINNARTUUTIT | JOHANNESI 20-21

“Allanit asaneruinga?”

nwtsty Joh 21:15, 17-imut nassuiaatit

Jiisusi Siimuut-Petrusimut oqarpoq: Jiisusip Petrusil­lu oqaloqatigiin­nerat pivoq Petrusip pingasoriarluni Jiisusimik miserratigin­nin­nerata kingunitsian­ngua. Petrusi Jiisusimut misigis­sutsini pil­lugit taas­suman­nga pingasoriarluni aperineqarami “aliasuler­poq”. (Joh 21:17) Joh 21:15-17-imi Johan­nesip oqalut­tuamini oqaatsit grækerisuut as­sigiin­ngitsut marluk ator­pai: agapao aam­ma phileo. Oqaatsit taak­ku marluk kalaal­lisuun­ngor­tin­neqar­nerani asanninnermik nutser­neqar­put. Jiisusip Petrusi pingasoriarluni ima aperaa: “Asavinga?” Petrusilu Jiisusimik asan­nin­nerarluni ilumoorluni up­per­narsaagaangat Jiisusip erseq­qis­sar­tar­paa ajoqersuk­kaminik, uani Jiisusip savaataanik tas­sa ‘savaaraataanik’ taaneqar­tunik, anersaak­kut nerisitsinis­saminut paarsinissaminullu taamatut asan­nin­nini kajumis­sis­sutigis­sagaa. (Joh 21:16, 17; 1 Petr 5:1-3) Petrusi Jiisusimik asan­nin­nerminik pingasoriarluni up­per­narsaatin­neqareerluni ajoqersuk­kanik isumagin­nin­nis­saanik akisus­saaf­filer­neqar­poq. Jiisusip taamaalior­nermigut erseq­qis­sar­paa Petrusi pingasoriarluni im­minik miserratigin­nit­toq isumak­keerfigalugu.

ilannit allanit asaneruinga?: Oqaatsit grækerisuut taama nutser­neqar­tut arlalin­nik isumaqarsin­naap­put. Biibilimik ilisimatuut ilaasa ima isumaqar­nerusoraat: “Ajoqersuk­kanik al­lanik asan­nin­ner­nit asaneruinga?” Imaluun­niit: “Ajoqersuk­kat uku uan­nik asan­nin­neran­nit asaneruinga?” Imali isumaqar­nera ilimanar­neruvoq: “Ukunan­nga asaneruinga?”, tas­sa aalisak­kanit pisamin­nit imaluun­niit aalisar­tuunermit. Tas­sa versip tamatuma isumaa imaap­poq: ‘Pigisanit aalisar­tuunermil­luun­niit asaneruinga? Taamaap­pat savaatik­ka paarik­kit.’ Petrusip sior­natigut iliuuserisar­tagai eq­qarsaatigalugit taama aperineq naleq­qup­poq. Petrusi Jiisusip ajoqersugaasa siul­liit ilagaat (Joh 1:35-42), ingerlaan­narli pif­fis­saq tamaat Jiisusimik malin­nin­ngilaq. Aalisar­tuunini aal­lutiin­nar­paa. Qaam­matialuit qaangiut­tut Jiisusip Petrusi oqarfigaa ‘inun­nik aalisar­tun­ngor­nias­sam­mat’ inuus­sutis­sarsiutini pif­fis­sar­tor­nar­toq qimas­sagaa. (Matt 4:18-20; Luk 5:1-11) Jiisusil­lu toqunerata kingunin­ngua Petrusi aalisar­tooq­qin­niarluni nalunaar­poq, apustilil­lu al­lat aam­ma aalisar­tooq­qiler­put. (Joh 21:2, 3) Tas­sa Jiisusip Petrusimut erseq­qis­saatigaa pingaarutilim­mik aalajangiisariaqar­toq: Aalisak­kat siunermin­niit­tut aalisar­tuunermut as­sersuutaasut inuunermini sal­liutis­savai imaluun­niit Jiisusip savaataanik, tas­sa ajoqersugaanik, anersaak­kut nerisitsineq pingaar­nerutis­savaa? – Joh 21:4-8.

pingajussaanik: Petrusip Naalak­kani pingasoriarluni miserratigaa; maan­na misigis­sutsini pil­lugit pingasoriarluni Jiisusimut up­per­narsaanis­saminut periarfis­saqar­poq. Petrusi up­per­narsaam­mat Jiisusip oqarfigaa kif­far­tor­nermi il­ler­nar­tup al­lanit sunit tamanit sal­liutin­neratigut asan­nin­nini ersersis­sagaa. Qatan­ngutit angutit akisus­saaf­fil­lit al­lat peqatigalugit Petrusi Kristusip ajoqersugaanik aalajaatsunik nerisitsil­lunilu nakus­satsitsil­lunilu paarsis­saaq. Taak­ku tas­saagaluar­put tanitat, anersaak­kul­li isumas­sor­neqar­tuar­tariaqar­put. – Luk 22:32.

Anersaakkut erlinnartunik ujarlerneq

nwtsty Joh 20:17-imut nassuiaatit

Uninngateqinanga: Grækerit oqaluutaat haptomai isumaqarsin­naavoq “at­tor­paa” imaluun­niit “najum­matser­paa; ungagaa”. Ilaasa Jiisusip oqaasii ima nutsersimavaat: “At­toqinanga.” Jiisusil­li Maria-Magdalenemit at­tor­neqar­nini ajorin­ngilaa, toqusunim­mi makititaanermi kingor­na ar­nanit al­lanit ‘isik­kamigut eqin­neqar­nini’ ajorin­ngilaa. (Matt 28:9) Maria-Magdalenep Jiisusi ul­loq taan­na qilalialersorer­pasip­paa. Naalak­kaminik peqateqarusungaarluni Jiisusi unin­ngatin­niarsaraa, iperarumanagu. Suli qimaler­nagu up­per­narsaaviginiarlugu Jiisusi Mariamut iperaq­quvoq makititaaninilu ajoqersuk­kanut nalunaarutigiar­toq­qul­lugu.

nwtsty Joh 20:28-mut nassuiaatit

Naalagara, Guutigalu!: Biibilimik ilisimatuut ilaat isumaqar­put oqaatsit taak­ku tupaal­lan­nermik ersersitsinerusut Jiisusimut oqaatigineqar­tut Guutimul­li, Jiisusip ataataanut, tun­ngatin­neqarlutik. Al­lal­li isumaqar­put grækerit oqaasilereriaasiat naaper­torlugu Jiisusimut tun­ngatin­neqar­tut. Taamaak­kaluar­pal­luun­niit oqaatsit “Naalagara, Guutigalu” al­lak­kat isumas­sarsiarititaasut sin­neran­nut naleq­qiul­lugit paasil­luar­neqar­ner­paas­sap­put. Oqalut­tuamit ersermat Jiisusip ajoqersugai ima nalunaarfigineqas­sasut: “Pavun­naler­pungagooq ataatan­nut ataatas­sin­nul­lu, Guutinnut Guutis­sin­nul­lu,” pis­sutis­saqan­ngilaq isumaqas­sal­luni Tuumap up­perigaa Jiisusi tas­saasoq Guuti Ajugaqan­ngitsoq. (Joh 20:17-mut nas­suiaatit takuk­kit). Tuumap Jiisusi ‘Ataataminut’, “ilumut kisimi Guutiusumik” taasaminut, qinusoq tusarsimavaa. (Joh 17:1-3) Tuuma Jiisusi pil­lugu oqarami ‘Guutiga’ uku pis­sutigisimasin­naavai: Jiisusi ‘guutisut’ isigaa isumaqar­nanili tas­saasoq Guuti Ajugaqan­ngitsoq. Im­maqaluun­niit Guutip kif­faasa Jehovap in­ngiliinut Al­lak­kani Hebræerisuuni oqalut­tuarineqar­tut taaguisar­nerat­tut Jiisusi taamatut taavaa. Tuumap nalusimanavian­ngilaa inuit Biibilimil­lu al­lat­tut ilaasa in­ngili Jehovaatil­lugulusooq akisaraat al­laaserisaraal­luun­niit. (1 Mos 16:7-11, 13; 18:1-5, 22-33; 32:25-31; Eqq 6:11-15; 13:20-22 naleq­qiuk­kit). Taamaat­tumik Tuumap Jiisusi ‘Guutiga’-mik taasimagunar­paa ima isumaqar­til­lugu Jiisusi tas­saasoq Guutip ilumoor­tup sin­niisua oqaaseqar­tar­tualu.