Kristumiut misilittagaqarluartut sumik ilinniarfigisinnaavavut?

Ilagiitsin­ni qatan­nguteqar­poq Jehovamut ukior­pas­suar­ni kif­far­torsimasunik. Taak­kua Jehovamik tatigin­nin­nerat ilin­niarfigisin­naavar­put. Jehovap peqatigiis­sor­taasa oqalut­tuarisaanerat ajor­nar­torsior­nermin­nilu naam­magit­tar­nis­samut Jehovamit qanoq ikior­neqarsimanerat pil­lugit apersorsin­naavavut. Aam­ma ilaqutariit­tut atuaq­qis­saaqatigiin­nitsin­nut qaaq­qusin­naavavut misigisimasaan­nil­lu oqalut­tuar­til­lugit.

Kristumiuuguit misilit­tagaqarluar­toq, Jehovamit qanoq ikior­neqarsimanerit pil­lugu oqalut­tuar­nis­samut inuusun­nerusut am­maf­figisak­kit. Jaakup Josefil­lu ilaqut­tatik Jehovap ikior­niarlutik iliuuserisimasaanik oqalut­tuut­tar­paat. (1 Mos 48:21, 22; 50:24, 25) Kingusin­nerusuk­kut Jehovap ilaqutariin­ni it­tuusut peq­quai suliani angingaar­tut meeq­qamin­nut ilin­niar­titsis­sutigisaq­qul­lugit. (5 Mos 4:9, 10; Tuss 78:4-7) Ul­lumik­kut angajoq­qaat ilagiin­niit­tul­lu al­lat Jehovap peqatigiis­sor­tani aq­qutigalugit iliuuserisimasai nuan­ningaar­tut misigisimasatik inuusun­nerusunut oqalut­tuarisin­naavaat.

FILMI ENHED UNDER FORBUD ISIGINNAARIARLUGU APEQQUTIT UKU AKIKKIT:

• Østrigimi im­mik­koor­tor­taqarfik qatan­ngutitsin­nik nunani oqaluus­sinermik iner­teq­quteqarfiusuniit­tunik qanoq ikiuiva?

• Qatan­ngutit nunani taak­kunaniit­tut qanoq up­per­nik­kut nukit­tujuar­pat?

• Sooq Romaniami oqaluus­sisar­tor­pas­suit Jehovap peqatigiis­sor­taanik qimatsip­pat, qanorlu ilil­lutik uter­pat?

• Taak­kua misigisimasaat qanoq up­per­nik­kut nakus­satsis­sutigaagit?