Ilaasa upperisaat

Hindut

up­peraat inuunermi matumani inuunerul­luun­niit siuliani iliuuserisimasatik naal­liun­nermin­nut pis­sutaasut. Isumaqar­put inuup up­perisarsior­nermut tun­ngan­ngitsunik sam­misaqarun­naar­tup moksha – tas­sa er­nioq­qit­taqat­taar­nermit aniguineq – angusin­naagaa.

Musliimit

up­peraat naal­liuutit tas­saasut ajor­tuliat pil­lugit pil­laatisiat up­per­nik­kul­lu misilin­neqaatit. Ilisimatuut ilaat oqar­poq “pil­luaq­qus­sutisiar­pas­suavut pil­lugit Guutimut qujamasut­tuar­nis­satsin­nik pisariaqar­titsisunil­lu ikiuisariaqar­nitsin­nik” naal­liuutit eq­qaasin­neqaatigisarivut. – Dr. Sayyid Syeed, Amerikami avan­narlermi islamimik up­perisal­lit peqatigiif­fian­ni præsidentiusoq.

Juutit upperisaat

naaper­torlugit naal­liuutit tas­saap­put nam­mineq iliuutsit­ta kinguneri. Juutit ilaat oqar­tar­put toqusunit makititaasoqareer­pat pisuus­suteqaratik naal­liut­tut naaper­tuil­luar­tumik pineqas­sasut. Juutius­sutsit ilaan­ni (Kabbalisticimi) ajoqersuutigineqar­poq inuk ajor­tuliani pil­lugit saam­maan­neqar­nis­samut periarfis­saqar­nias­sam­mat er­nioq­qit­tar­toq.

Buddhasiortut

up­peraat inuk iliuutsini, misigis­sutsini pileris­sutsinilu ajor­tut soraarun­nis­saasa tungaanut er­nioq­qit­taqat­taarluni naal­liut­tuarumaar­toq. Inuup ilisimas­suseqar­nik­kut, ajun­ngitsulior­nik­kut isumak­kul­lu im­minut naalak­kersin­naanik­kut nirvana – tas­sa naal­liuuteqarfiun­ngil­luin­nar­toq – angusin­naavaa.

Konfucisiortut

up­perisaat pil­lugu ujarlerfis­siami al­las­simavoq “inuit eq­qun­ngitsuliaat kuk­kus­sutaal­lu” naal­liuutinut amerlaner­nut pis­sutaasut. (A Dictionary of Comparative Religion) Ajoqersuutigineqar­tar­poq ajun­ngitsulior­tar­nik­kut naal­liuutit ikilisar­neqarsin­naagaluar­tut naal­liuutit amerlasuut “anersaanit inun­niit pis­saaneqar­nerusunit pilerfeqar­tar­tut. Anersaat naal­liuutinut pisuugaangata atugas­sarititat akuerineqaan­nar­tariaqar­put.”

Naggueqatigiit ilaasa upperisaat

naaper­torlugit naal­liuutit anersaarsior­nermit pilerfeqar­put. Taama up­perisaqar­tut isumaqar­put angak­kut iluanaar­titsisin­naal­lutil­lu ajunaar­titsisin­naasut. Angak­kut naal­liutsitsip­pata ileq­qulersor­nik­kut naal­liuk­kun­naamisoqarsin­naavoq. Taamaat­tumik up­perivaat angak­kup ajoqusiinera pis­sutigalugu nap­parsimalersoq angak­kup al­lap ajorun­naarsitsisar­tup ileq­qulersuutigisar­tagai nakorsaataalu iluaqutigalugit ajorun­naarsin­naasoq.

Kristumiut

Biibilimi al­las­simasut up­peralugit isumaqar­put inuit siul­liit marluk ajor­tulior­nerat pis­sutigalugu naal­liut­toqar­tar­toq. Inup­pas­suil­li ajoqersuut taman­na nam­mineq isum­mamin­nik ilaar­torsimavaat. As­sersuutigalugu katuul­lit ilaasa up­peraat inut­tut naal­liuutit oqaluf­fim­mut iluaqutaaq­qul­lugit inum­mul­luun­niit al­lamut an­naan­neqaataaq­qul­lugit ‘Guutimut pil­liutigineqarsin­naasut’.