Apeqqut 3: Sooq Guutip naalliunnera akueraa?

IANIP ataataa imerajut­tuuvoq. Pigisatigut amigaateqar­nani peroriar­toraluarluni kis­saatigingaaraluar­paa ataataminik misigis­sutsik­kut an­ner­toq­qusersor­neqar­nis­sani asan­nin­nermil­lu ersersitsivigineqar­nis­sani. Ian ima oqar­poq: “Ataatama imerajut­tuunera aam­ma anaanaga ajor­tumik pisar­nera pis­sutiginerul­lugu taan­na qanimut at­taveqarfigin­ngilara.” Inuusut­tuul­luni Ianip Guuteqar­nera qulariler­paa. Ima eq­qarsar­poq: “Guuteqaruni sooq taava inuit naal­liun­nerat akueraa?”

Sooq tamanna apeqqutigineqartarpa?

Il­lit inuunin­ni im­maqa ajor­nar­torsiuteqar­pal­laan­ngik­kaluarlutit inuit al­lat pisuus­suteqan­ngitsut naal­liun­nerat takugaangak­kit misigisarunar­putit taman­na naaper­tuil­luan­ngitsulior­nerusoq. Il­lil­li atugarliuleruit, soorlu Ianitut, asasavil­luun­niit ilaat nap­parsimaler­pat toqup­pal­luun­niit sooq naal­liun­nar­toqar­nersoq eq­qarsaatiginerulersin­naavat.

Inuit ilaasa suna akissutaasoraat?

Inuit ilaat isumaqar­put maniguun­nis­sar­put misigin­neqataanis­sar­pul­lu ilin­niar­nias­sagatsigu aam­ma misilin­neqar­nias­sagat­ta Guutip naal­liun­nar­tut akuerisarai. Al­lat isumaqar­put inuit sior­natigut inuunerisimasamin­ni ajor­tuliarisimasatik pis­sutigalugit maan­na inuunermin­ni naal­liut­tar­tut.

Suna tunngavigalugu taamatut isummerpat?

Inuit naal­liun­neran­nit Guuti sun­ner­tin­neq ajormat asanis­saa ajor­nakusoor­poq. Guuti naak­kit­taatsuuvoq.

Biibilimi suna ajoqersuutigineqarpa?

Biibilimi ersaris­sumik al­laatigineqar­poq Guuti inuit naal­liuutaan­nut pisuunngisaannartoq. “Misilin­neqar­nermi ima oqar­toqan­ngik­kili: ‘Guutimit misilin­neqar­punga.’ Guutimi ajor­tumik misilin­neqarsin­naan­ngilaq, nam­minerlu kimil­luun­niit ajor­tumik misiliisan­ngilaq.” (Jaaku 1:13, NW) Guuti naal­liuutinut pisuuneranik eq­qarsaat taas­suma qanoq it­tuuneranik Biibilimi al­laatigineqar­neranut naaper­tuutin­ngil­luin­nar­poq. Sooq?

Guutip pis­susiisa pingaar­nerit ilaat tas­saavoq asan­nin­neq. (1 Johan­nesi 4:8) As­sersuutigalugu Biibilimi anaanaasoq meeq­qaminut milutsitaminut misigis­suseqar­nerat­tut Guutip misigis­suseqar­nera eq­qaaneqar­poq. Guuti ima aperivoq: “Ar­nap puigor­tar­ner­paa qitor­nani milutsitani? Anaanap puigor­tar­ner­paa er­niarisani?” Guuti nangil­luni ima oqar­poq: “Taak­kuami puigus­sagaluar­pataluun­niit uanga il­lit puigus­san­ngilak­kit.” (Esaja 49:15) Takorloorsin­naaviuk anaanaasup asan­nit­tup meeq­qaminik piaaraluni ajoqusiinera? Naamerluin­naq, anaanaasup ataataasul­luun­niit asan­nit­tup qitor­nami ajoquser­neqar­nis­saa pin­ngitsoor­tin­niarsaris­savaat. Taamatut­taaq Guutip inuit pisuus­suteqan­ngitsut naal­liun­nerat pisuus­sutigin­ngilaa. — 1 Mosesi 18:25.

Taamaak­kaluar­torli inuit pisuus­suteqan­ngitsut naal­liuut­tar­put. Im­maqa ima eq­qarsar­putit: ‘Guutip soqutigigunisigut pis­saaneqar­ner­paajul­lunilu sooq naal­liuutinut pis­sutaasut peer­niarlugit iliuuseqan­ngila?’

Pis­sutis­saqarluarluni Guutip naal­liuutit akuerigal­lar­pai. Pis­sutaaqataasut ilaat una eq­qarsaatigeriaruk: Al­lanik naal­liutsitsisar­tut tas­saagajut­tar­put inuit. Inuit inun­nik al­lanik ajor­tumik pin­nit­tar­tut naak­kit­taatsul­lu ilar­pas­sui al­lan­ngorumaneq ajor­put. Guutip naal­liuutinut pis­sutaanerusoq piis­saguniuk inuit taamaat­tut suujun­naarsit­tariaqas­savai.

Sooq Guutip ajor­tumik ilior­tut suli suujun­naarsin­ngin­nerai nas­suiaal­luni apustili Petrusi ima al­lap­poq: “Naalak­kap neriorsuutigisani paamaarutin­ngilaa, naak ilaat isumaqaraluar­tut paamaarus­sinerarlugu; ilis­sin­nul­li erinitsajuip­poq kimil­luun­niit tam­maq­qusin­ngin­nami, tamaasalu al­lamik isumataar­nis­samut periarfis­sik­kumagamigit.” (2 Petrusi 3:9) Jehovap Guutip erinitsajuin­nera qanoq asan­nitsigineranut naak­kin­nit­tuuneranul­lu ersiutaavoq.

Ungasin­ngitsuk­kul­li Jehova iliuuseqarumaar­poq. Pisuun­ngitsunik ‘an­nikil­lior­titsisut an­nikil­lior­titaanermik akilis­savai’. Al­lanik ajor­tumik naaper­tuil­luan­ngitsumil­lu pin­nit­tar­tut “peersitaal­lutik naas­saan­ngitsumik suujun­naarsitaaneq pil­laatisiaris­savaat”. — 2 Thes­salonikamiut 1:6-9.