1. Naalliuutitsinnut Guuti pisuua?

Sooq soqutiginarpa?

Inup­pas­suit Guuti naal­liuutinut pisuutik­kamik­ku taan­na pil­lugu tusaarusun­neq ajor­put.

Eqqarsaatigisassat

Up­perisarsior­nik­kut siut­tut amerlasuut toq­qaan­nar­tumik toq­qaan­nan­ngitsumil­luun­niit ajoqersuutigisar­paat Guuti naal­liuutitsin­nut pisuusoq. As­sersuutigalugu ima oqar­tar­put:

• Pin­ngor­titami ajunaar­nersuit Guutimit pil­laatisiaap­put.

• Guuti qilam­mi in­ngilinik amerlanerusunik pisariaqar­titsim­mat meeq­qat toqusar­put.

• Sorsun­ner­ni naal­liut­toqangaarfiusuni Guuti il­lersugaqar­tar­poq.

Imaas­sin­naavali up­perisarsior­nik­kut siut­tut Guuti pil­lugu kuk­kusumik ilin­niar­titsisar­tut? Taak­ku Guutimit iluarisaap­pat?

Biibilimi ajoqersuutigineqartut

Guuti naalliuutitsinnut pisuunngilaq.

Guuti naal­liuutitsin­nut pisuusimap­pat pis­susiinut Biibilimi al­laatigineqar­tunut taman­na akerlius­saaq. Soorlu ima al­las­simavoq:

‘In­narluitsuup­put Guutip aq­qutigisai tamarmik. ... Naaper­tuil­luar­tuuvoq peq­qusersuitsuul­lunilu.’ – 5 MOSESI 32:4.

“Guuti ajor­tumik iliun­ngisaan­nar­poq, Ajugaqan­ngitsoq peq­quserlut­tumik ilior­neq ajor­poq.” – JOBI 34:10.

“Ajugaqan­ngitsup naaper­tuil­luar­neq al­lan­ngor­tin­ngisaan­nar­paa.” – JOBI 34:12.

Upperisar­siornerit Guutip imminik kukkusumik ilinniar­titsisut akuerin­ngilluinnarpai.

Akuerin­ngisaanut ilaap­put up­perisarsior­tut naal­liuutivut pil­lugit Guutimik pisuutitsisut aam­ma sorsoqataal­lutil­lu nakuuser­tar­tut.

Guuti ima oqar­poq: “Pruf­fiitit taak­ku atera taal­lugu sal­lul­lutik siulit­tuisar­put; uanga aal­lar­tin­ngilak­ka imaluun­niit peq­qusif­figisimanagit oqaluf­figisimanagil­luun­niit. Takorluuk­kat sal­luliuutaasut ... uum­matimin­niil­lu peq­quserluutaat tas­saap­put ilis­sin­nut takorluuk­kersaarutigisar­tagaat!” – JEREMIA 14:14.

Jiisusip upperisar­siortut ilumoor­tuusaartut assuarai.

“Imaan­ngilaq kinaluun­niit uan­nut oqar­toq: Naalagaq, Naalagaq! Qilaap Naalagaaf­fianut isis­sasoq, Ataatamali qilan­niit­tup piumasaanik ilior­toq kisimi. Ul­lus­sami tas­sani amerlasuut uan­nut oqarumaar­put: Naalagaq, Naalagaq! Il­lit atik­kut siulit­tuisarsiman­ngin­ner­pugut, atik­kul­lu anersaapilun­nik anisitsisarsiman­ngin­ner­pugut, atik­kul­lu amerlaqisunik malun­nangaar­tulior­tarsiman­ngin­ner­pugut? Taava iser­tuar­nanga nalunaarfigiumaar­pak­ka: Ilisarisiman­ngisaan­nar­pas­si. Nigorsinga, ilis­si inatsisinik unioq­qutitsisuususi!” – MATTHÆUSI 7:21-23.