3. Sooq inuit ajunngitsut naalliuttarpat?

Sooq soqutiginarpa?

Inuit ajun­ngitsut naal­liut­tar­nerat naaper­tuil­luar­tuun­ngitsoq qularutis­saan­ngilaq. Taman­na pis­sutigalugu inuit ilaat isumaqar­put inut­tut ajun­ngitsuuniar­neq ilungersuutigisariaqan­ngitsoq.

Eqqarsaatigisassat

Inuit ilaasa up­peraat inuit toqugaangamik er­nioq­qit­tar­tut. Oqar­tar­put ajun­ngitsuliorsimasut inuunermut pitsaanerusumut er­nioq­qit­tar­tut ajor­tuliorsimasul­lu er­nioq­qik­kunik atugarlior­tus­saasut. Taama up­perisaqar­neq naaper­torlugu inuk ajun­ngitsuusoq “inuunermi siuliani” ajor­tulior­nini pis­sutigalugu naal­liuk­kumaar­poq. Taman­nali ilumoor­pat ...

• inuup er­nioq­qis­simanerar­tup inuunermi siuliani susimanerluni eq­qaamasin­naan­ngik­kuniuk naal­liun­neq sumut iluaqutaas­sava?

• inuunerup siuliani iliuuserisimasavut maan­na atuk­katsin­nut aalajangiisuup­pata sooq peq­qis­suuniarsaralutalu ajunaar­nerit pin­ngitsoor­tin­niarsaris­savavut?

  PAASISAQAR­NERUGIT

  Isigin­naaruk jw.org-imi filmi Sooq Guutip naalliun­nerit akuerai?

Biibilimi ajoqersuutigineqartut

Naalliuutit Guutimit pillaatisiaanngillat.

Naal­liuutim­mi ilar­pas­sui nalaatsor­nerin­nak­kut pisar­put.

“Oqilaner­paaq ar­paliun­nermi ajugaan­ngitsoorsin­naavoq sapiin­ner­paarluun­niit sorsun­nermi ajugaan­ngitsoorsin­naal­luni. Imaan­ngilaq ilisimas­suseq nerisas­samik pis­sarsis­sutis­satut tamatigut naam­mat­tar­toq. Silatus­suseq pisuun­nguutaan­ngitsoorsin­naavoq pik­koris­sul­lu ilaan­nik­kut nersualaar­neqan­ngitsoorsin­naal­lutik; taamaat­tar­pormi suut tamarmik periarfis­satigut nalaatsor­ner­tigul­lu pisarmata.” – OQALUUSSISARTUP OQAASII 9:11, Testamentitoqaq 1990-imi naqitigaq.

Ajortiliunerput naalliuutinut pisooqataavoq.

Oqaaseq “ajor­ti” ajor­tulior­nermut tun­ngas­suteqar­tin­neqar­tar­poq. Biibilimili al­las­simavoq inuit ajun­ngitsut ajor­tul­lu tamarmik ajor­ti kingor­nus­simagaat.

“Er­niugamali ajor­timioreer­punga, anaanama ilumiugiler­paanga ajor­tiliul­luni.” – TUSSIAAT 51:7, Testamentitoqaq 1990-imi naqitigaq.

Ajorti inunnut ajoqutaangaar­simavoq.

Pin­ngor­titsisitsin­nut pin­ngor­titaanul­lu al­lanut at­taveqar­nitsin­nut ajoqusiisimavoq. Inun­nut tamanut ataasiak­kaanul­lu naal­liungaar­nermik kinguneqarsimavoq.

‘Ajun­ngitsumik iliorumagaluarlunga ajor­tumik ilior­tar­punga.’ – ROMAMIUT 7:21.

‘Pin­ngor­titat tamarmik suli peqatigiil­lutik anersaarulul­lutil­lu nimaar­put.’ – ROMAMIUT 8:22.