Teknologiip sunniutai eqqarsariaatsinnut

Inuil­li teknologiimik atuikulasar­tut ilar­pas­sui ima ajor­nar­torsiuteqar­tar­put:

• Atuar­til­lutik al­lamut saaq­qajaasar­put.

• Ataasiin­narmik sam­misaqar­nis­sar­tik ajor­nakusoor­tit­tar­paat.

• Kisimiik­kaangamik susas­saaleqilipal­lat­tar­put.

EQQUMAFFIGISASSAT

ATUARNEQ

Ator­toris­saarutinik atuikulasar­tut ilaan­nik­kut peq­qis­saar­tumik atuar­nis­sar­tik eqiagisaramik­ku qarsupit­tumik atuar­tar­put.

Taamaalior­neq akis­sutis­sarsiupal­lan­nermi iluaqutaasin­naagaluar­toq sam­misaq paasil­luas­sagaan­ni naam­man­ngilaq.

EQQARSAATIGIUK: Sivisuumik atuaraangavit atuak­katit paasisin­naasar­pigit? Sivisuumik atuarsin­naaneq ilik­kagaqar­nis­samut qanoq iluaqutigisin­naaviuk? – USSATIT 18:15.

ATAASIINNARMIK SAMMISAQARNEQ

Inuit ilaat isumaqar­tar­put ator­toris­saarutitik iluaqutigalugit ataatsik­kut arlalin­nik sam­misaqarsin­naal­lutik, as­sersuutigalugu misis­suiutigalutik al­laqateqarlutik. Taamaalioraangamil­li sam­misatik peq­qis­saarus­sin­naaneq ajor­paat.

Ajor­nakusooraluaraangal­luun­niit ataasiin­narmik sam­misaqar­neq im­minut akilersin­naavoq. Inuusut­tuaraq Gracemik atilik ima oqar­poq: “Ataasiin­naq sam­migaangak­ku kuk­kun­ngin­nerusarlungalu stres­sin­ngin­nerusar­punga. Paasinikuuara taman­na al­lamut saaq­qajaan­ngin­nis­san­nut iluaqutigisarlugu.”

EQQARSAATIGIUK: Ataatsik­kut arlalin­nik sam­misaqaraangavit misis­suk­katit paasiuminaatsin­nerul­lugil­lu eq­qaamajuminaatsin­nerusar­pigit? – USSATIT 17:24.

KISIMIINNEQ

Inuit ilaasa nipaatsumi kisimiin­nis­sar­tik nuan­narineq ajoramik­ku teknologii aliik­kutariniar­tar­paat. Olivia ima oqalut­tuar­poq: “Mobilera ator­toris­saarutigaluun­niit al­la minutsit 15-iin­nan­nguil­luun­niit atun­ngik­kaangak­ku susas­saaleqiler­tar­punga.”

Ator­toris­saarutitsin­nil­li akor­nuser­neqarata kisimiik­kaangat­ta ilik­kak­kagut eq­qarsaatigeq­qis­saarluar­nerusin­naasar­pagut.

EQQARSAATIGIUK: Kisimiin­nerit eq­qarsaatigin­neq­qis­saar­nis­samut atorluar­tar­piuk? – TUSSIAAT 119:59.

ILIUUSERISINNAASAT

TEKNOLOGIIMIK ATUINERIT EQQARSAATIGIUK

Teknologii paasisaqar­nerunis­samut qanoq atorluarsin­naaviuk? Eq­qarsarluarsin­naanin­nul­li paasisaqar­nerunis­san­nul­lu qanoq akor­nutaasin­naava?