Ilisimatuut paasisinnaanngisaat

Avataarsuata nunarsuarmilu inuunerup qanoq pilersimanerat ilisimatussutsikkut uppernarsarneqarsimava? Naamik. Inuit ilaat oqar­tar­put avataarsuanik misis­suisar­tut avataarsuata qanoq pilersimanera nas­suiarsin­naagaat. Ulloris­sanilli ilisimasalik upperisarsior­tuun­ngitsorlu, Dar­tmouth Col­legemi profes­sori Marcelo Gleiser, ima oqar­poq: “Avataarsuata qanor­piaq pilersimanera nas­suiarsin­naan­ngivip­par­put.”

Aamma atuagas­siami ilisimatusar­nermut tun­ngasumi inuunerup qanoq piulersimanera pil­lugu ima allas­simasoqar­poq: “Nunarsuarmi inuunerup qanor­piaq piulersimanera upper­narsar­neqarsin­naagunan­ngilaq, ujaq­qammi ujaran­ngorsimasullu nunarsuup pileq­qaar­nerani susoqarsimaneranik ersersitsisin­naasut amerlanersaat piujun­naarsimap­put.” (Science News) Oqaatsinit taak­kunan­nga erser­poq avataarsuata nunarsuarmilu inuunerup qanoq piulersimanerat ilisimatus­sutsik­kut paasineqarsiman­ngitsoq.

Immaqali ima eqqarsar­putit: ‘Nunarsuarmi inuuneq pin­ngor­tin­neqarsimap­pat, kina Pin­ngor­titsisuua?’ Immaqalu aamma ima eqqarsarsimas­saatit: ‘Asan­nit­tumik silatuumillu Pin­ngor­titsisoqar­pat, taava sooq inuit naal­liun­nis­saat akueraa? Sooq upperisarsior­nerit assigiin­ngitsut taama amerlatigip­pat? Sooq upper­tut ajor­tuliungaar­tar­nerat akueraa?’

Apeq­qutit taakku ilisimatusar­nik­kut akis­sutis­sarsineqarsin­naan­ngil­lat. Imaan­ngilarli akis­sutis­sarsisin­naan­ngik­kitit. Apeq­qutinut taak­kunun­nga akis­sutit Biibilimiit­tut inup­pas­suit nuan­naarutigisimavaat.

Paaserusuk­kukku sooq ilisimatuut Biibilimik misis­suisimasut ilaasa Pin­ngor­titsisoqar­nera upperineraat jw.org alak­karuk. Ujaruk “inuunerup pilerfia pil­lugu isum­mat”.