INTERNETIKKUT ATUAGAATEQARFIK Watchtower
INTERNETIKKUT ATUAGAATEQARFIK
Watchtower
Kalaallisut
  • BIIBILI
  • BIIBILILERSAARUTIT
  • ATAATSIMIINNERIT
  • g22 nr. 1 qupp. 4-6
  • 1 | Peqqissutsit paarilluaruk

Immikkoortumi matumani isiginnaagassiaqanngilaq.

Ajoraluartumik isiginnaagassiap aanerani ajutoortoqarpoq.

  • 1 | Peqqissutsit paarilluaruk
  • Iteritsi! – 2022
  • Qulequtaaqqat
  • Tamatumunnga assingusut
  • SOOQ PINGAARUTEQARTOQ
  • Ilisimasariaqakkatit
  • Maanna iliuuserisinnaasatit
  • Timikkut peqqissuseq
    Iteritsi! – 2019
  • Peqqissuseq nappaatinillu katsorsaaneq Biibilimut naapertuuttumik isumaqarfigiuakkit
    Napasuliaq Alapernaarsuiffik — 2008
  • Uippakajaaruit iliuuserisinnaasatit
    Iteritsi! – 2020
  • Inuuneq Guutip tunissutaa pingaartiguk
    Napasuliaq Alapernaarsuiffik (Atuaqqissaarutissaq) – 2023
Iteritsi! – 2022
g22 nr. 1 qupp. 4-6

ERNUMANERMI

1 | Peqqissutsit paarilluaruk

SOOQ PINGAARUTEQARTOQ

Alianar­tut ajunaar­nersuillu inuit peq­qis­susaan­nut toq­qaan­nar­tumik toq­qaan­nan­ngitsumil­luuniit ajor­tumik sun­niuteqar­tar­put.

  • Misigis­sutsik­kut naner­tisimalersitsisar­put, sivisuumillu taama misigineq nap­parsimalersitsisar­poq.

  • Nap­parsim­maviit sulisoqar­nik­kut nakorsaatitigullu malin­naaniapiluulersin­naasar­put.

  • Aningaasaqar­nermut sun­niuteqar­tarmata pingaarutilin­nik, soorlu nerisas­sanik nakorsaatinillu, pisinis­samut akis­saarutsitsisin­naap­put.

Ilisimasariaqakkatit

  • Perulun­neq isumak­kullu artorsar­neq naliliisin­naas­sutsin­nut sun­niuteqarsin­naavoq, taman­nalu pis­sutigalugu peq­qin­nar­tunik ileq­qoqarun­naarsin­naal­lutillu nap­parsimanerulersin­naavutit.

  • Peq­qiil­lior­nerit iliuuseqarfigin­ngik­kukku ajor­nerulersin­naal­lunilu inuunin­nik navianar­torsior­titsilersin­naavoq.

  • Peq­qin­neruguit erloqinermi aalajangiil­luar­nis­samut piareersimal­luar­nerusin­naavutit.

  • Aningaasaqar­nerit qanorluun­niit ikkaluar­pat peq­qis­sutsit paaril­luarsin­naavat.

Maanna iliuuserisinnaasatit

Silatuup navianarsin­naasut takusin­naal­lugillu sapin­ngisamik pin­ngitsoor­tin­niarlugit iliuuseqarfigisar­pai. Peq­qis­sutsimut tun­ngatil­lugu aamma taamaap­poq. Amerlaner­tigut eqqiluisaarluar­nik­kut nap­parsimaler­nis­sat ajor­neruler­nis­sal­luun­niit pin­ngitsoor­tis­sin­naavat. Pitsaaliuineq katsorsaanermit pitsaaneruvoq.

“Iner­put eqqiluitsuutil­lugulu eqqiluisaar­taratta nakorsiar­nis­samut nakorsaatinullu aningaasar­tuutis­saraluagut sipaar­tar­pagut.” – Andreas.a

a Atuagas­siami matumani atit ilaat allan­ngor­titaap­put.

Pinertusaarnissamut iluaqutissat

Ernumanermi peq­qis­sutsit paaril­luarsin­naavat

EQQILUISAARIT

Eqqiluisaarnikkut

Biibilimi allassimavoq: “Silatuup perlus­saq takusin­naasar­paa qimar­nguf­fis­sarsior­tarlunilu.” (Ussatit 22:3) Peq­qiil­liulersitsisin­naasut eqqumaf­figalugillu pin­ngitsoor­tin­niarsarik­kit.

  • Pingaar­tumik nerisas­sanik attuin­ngin­ninni perusuersar­tarfim­meereeraangavillu assatit qaqorsaam­mik imermillu error­tukulasak­kit.

  • Angerlarsimaf­finni pingaar­tumik attor­neqakulasar­tut eqqiakulasarlugillu tunil­lan­nar­tuiakulasak­kit.

  • Ajor­nan­ngik­kaangat tuniluut­tumik nap­paatil­lit qanil­linaveersaar­tak­kit.

PEQQINNARTUNIK NERISARIT

Peqqinnartunik nerisarnikkut

Biibilimi allassimavoq: “[Kialuun­niit] timini uumis­sun­ngisaan­nar­paa, inuus­sutis­sit­tar­paali isumas­sor­tarlugulu.” (Efesos­simiut 5:29) Sutor­tar­nitta eqqumaf­figineratigut timer­put paaril­luar­tar­par­put.

  • Imermik imerluar­tarit.

  • Naatitanik assigiin­ngitsunik nerisarit.

  • Orsutal­lit, tarajul­lit sioraasal­lillu kil­lilersimaar­tak­kit.

  • Tupator­nak. Aamma imigas­sat, nakorsaatit aan­ngajaar­niutillu ator­nerloqinagit.

“Nap­parsimalerumanata peq­qin­nar­tunik neriniar­tar­pugut. Aningaasaatiminin­nguagut nakorsaatinut ator­nagit nerisas­sanut peq­qin­nar­tunut atorusun­neruagut.” – Carlos.

TIMERSORTARLUTILLU SINILLUARTARIT

Timersortarnikkut

Biibilimi allassimavoq: “Pitsaaneruvoq itum­map ataasiin­naap imaanik peqaraanni qasuersaarsin­naal­lunilu itum­mat illut­tut suleruloor­nik­kut ulik­kaar­neran­nit anorimillu tigusiniarsarinermit.” (Oqaluus­sisar­tup oqaasii 4:6) Sulisariaqar­pugut, kisianni aamma sinil­luar­tariaqar­pugut.

  • Timit aalatit­taruk. Pisut­tuar­tar­neq aal­lar­niutigisin­naavat. Utoq­qaagaluarlutit, innarluuteqaraluarlutit katsorsar­neqarsin­naan­ngitsumil­luun­niit nap­paateqaraluarlutit timin­nik aalatitsisar­nik­kut peq­qin­nerulersin­naavutit.

  • Sinilluartarnikkut

    Sinil­luar­tarit. Naam­mat­tumik sinin­neq ajoruit uip­pakajaalersin­naal­lutillu malin­naaniar­nik­kut artorsalersin­naavutit. Sivisuumik sinil­luar­neq ajorsimaguit anner­tuumik peq­qiil­liulersin­naavutit.

  • Qas­sinut innar­tas­sanerlutit aalajangerit. Ullut tamaasa pif­fis­sami aalajangersimasumi innar­tarlutillu makit­tarit.

  • Sinif­fimmi fjer­nsyner­nallu ator­toris­saarutit elektroniskiusut ator­taqinagit.

  • Innan­ngin­ninni oqimaatsunik nerinallu eqeer­nar­tutor­nallu imigas­sar­toqinak.

“Sinit­tar­nera peq­qis­sutsin­nut sutigut tamatigut sun­niuteqar­tar­poq. Sin­nakik­kaangama ilaan­nik­kut niaqorlut­tarlungalu timik­kut artorsar­tar­punga. Sinil­luaraangamali qanorluun­niit iliorsin­naasutut misigisar­punga. Nukis­saqarluar­tarlungalu nap­parsiman­ngin­nerusar­punga.” – Justin.

PAASISAQARNERUGIT. Isigin­naagas­siaq Virusi tuniluutilerpat qanoq iliorsin­naavit? takuuk. Aamma allaaserisaq “Timik­kut peq­qis­suseq” atuaruk.

    Kalaallisut (1985-2025)
    Aniffissaq
    Iserfissaq
    • Kalaallisut
    • Ingerlateqqiguk
    • Inissiissutit
    • Copyright © 2025 Watch Tower Bible and Tract Society of Pennsylvania
    • Atuinermut piumasaqaatit
    • Paasissutissanik atueriaaseq
    • Nammineq inissitassat
    • JW.ORG
    • Iserfissaq
    Ingerlateqqiguk