Tunummut qiviartoq

LOTIP ilaqutaasalu Kana’anip nunaani Abraham najorpaat. Ullut ilaanni Abrahamip Lot oqarfigaa: ’Maani nuna nersutaatitsinnut tamanut naammanngilaq. Avissaarta-aat? Illit saamiup tungaanut ingerlaguit uanga talerpiup tungaanut ingerlassaanga.’

Lotip nuna pitsaanersiorpaa. Nunap ilaa imerissoq ivigarissorlu nersutaatiminut pitsaasoq takuaa. Tassaavoq Jordanip eqqaa. Taava Lot ilaquttani nersutaatinilu ilagalugit tassunga nuuppoq. Kingorna illoqarfimmi Sodomami najugaqalerput.

Sodomamiut ajortorsuupput. Lotip tamanna kamaatigaa angutaagami ajunngitsoq. Guutittaaq kamaatigaa. Taava Guutip inngilit marluk aallartippai Lot mianersoqqujartorlugu Sodoma illoqarfillu eqqannguaniittoq Gomorra aserorumaaramigit inui ajoqimmata.

Inngilit Lot oqarfigaat: ’Tuavi! Nuliat panitillu marluk ilagalugit aallarniaritsi!’ Lot ilaqutaalu nangaammata inngilit tasiulerpaat illoqarfimmillu aallartillugit. Taava inngilip aappaa oqarpoq: ’Arpallusi annanniarniaritsi! Tunummut qiviassanngilasi. Qaqqanut qimaaniaritsi toqutaaqinaasi.’

Lotip paniisalu naalappaat arpallutillu Sodomamit qimaallutik. Unikaallanngillalluunniit, tunummullu qiviaratik. Lotilli nulia naalanngilaq. Sodomamit ingerlatsiareerlutik unippoq tunummullu qiviarluni. Taava Lotip nulia napasunngorpoq tarajoq. Assilissami takusinnaaviuk?

Tamanna ajunngitsumik ilinniarfigisinnaavarput. Takutippaa Guutip naalatsini annaattarai, taassumunngali naalanngitsut inuunertik annaassagaat.