Immikkoortoq 1

Guutip ilumut soqutigaatigut?

1, 2. Guuti pil­lugu inuit sunik apeq­qutis­saqar­tar­pat, sooq?

IM­MAQA ima aperisimavutit: ‘Guuteqaruni uatsin­nik ilumut soqutigin­nit­tumik, taava sooq taama naal­liun­nar­toqar­tiginera akueraa?’ Tamat­ta naal­liun­nermik misigisaqarsimavugut, imaluun­niit nalun­ngisaqar­pugut taamatut misigisaqarsimasunik.

² Ilumut, oqalut­tuarisaanerup ingerlanerani inuit sorsun­nerit, naak­kit­taas­suseq, pinerlut­tulior­nerit, naaper­tuil­luan­ngis­suseq, piitsuus­suseq, nap­paatit asasamil­lu toqusoor­neq pis­sutigalugit naal­liuutinik aliasuutinil­lu atugaqar­tarsimaqaat. 1900-kkuin­nar­ni maan­na atuut­tuni inuit 100 mil­lioninit amerlanerusut sorsun­ner­ni toqutaasimap­put. Al­lat hundredelin­nik mil­lionil­lit eq­qun­ngitsuliorfigineqarsimap­put imaluun­niit angerlarsimaf­fitsik pigisatil­lu an­naasimal­lugit. Nalitsin­ni avaan­ngunar­tor­pas­suit pisimap­put inuit kisis­saan­ngitsut aliasungaalersil­lugit qul­lilitil­lugit neriuutaarutsil­lugil­lu.

3, 4. Guutip naal­liun­nar­tunik akuerin­nin­nera pil­lugu inup­pas­suit qanoq isumaqar­pat?

³ Ilaat uumitsal­lutik isum­mer­tar­put Guuteqarsimaguni soqutigin­ngik­kaatigut. Al­lat isumaqar­put Guuteqan­ngivis­soq. Soorlu angut inuian­nut aalajangersimasunut ilaanini pis­sutigalugu malersugaanermik Sorsun­nersuarmi siul­lermi ilaqut­tami ikin­ngutimilu toqutaaneran­nik kinguneqar­tumik erloqis­suteqarsimasoq ima aperivoq: „Guuti pisariaqar­titsinit­ta nalaani sumiip­pa?“ Al­la Sorsun­nersuit aap­paan­ni nazistit inun­nik mil­lionilik­kuutaanik toqoraaneran­ni aniguisimasoq takusimasani aliasuutigalugit oqar­poq: „Uum­matiga alut­torsin­naagaluaruk­ku toqunar­toqalis­sagaluar­putit.“

⁴ Taamaat­tumik inup­pas­suit paasisin­naan­ngilaat sooq Guutip ajun­ngitsup ajor­tut ilagin­nar­tarai. Apeq­qutigisar­paat ilumut soqutigineraatigut imaluun­niit al­laat piunersoq. Ilar­pas­suilu isumaqar­put naal­liun­neq inuunermut ilaajuarumaar­toq.

[Qupp. 2, 3-mi assiliartaq]

Silarsuaq naal­liuf­fiun­ngitsoq qanil­liva?